Míkrósaga

Árinu senn að ljúka - þetta líður ofsalega hratt. Best að njóta þess að vera til :o) Við erum búin að skoppa á milli jólaboða frá því á aðfangadag og ef ekki eru jólaboð þá erum við í afgöngum hjá tengdó. Í gær brá svo við að húsmóðirin hér þurfti að sjá um mat í fyrsta sinn í rúma viku. Og hvað gerði fyrirmyndarhúsmóðirin, jú hún reddaði pylsum á síðustu stundu. Best að hafa ekki of mikið fyrir þessu. Í kvöld lét hún svo fjölskylduna ganga sjálfala á meðan hún skellti sér á Vegamót og hitti háskólaskvísurnar. Við hittumst alltof sjaldan núna, áður var skrafað og slúðrað á hverjum degi en nú erum við allar komnar í sitthverja áttina. Hittumst fimm núna í fyrsta sinn í laaangan tíma. En það er alveg magnað hvað við dettum beint í gírinn, svona rétt eins og við hittumst síðast í gær. Takk fyrir kvöldið dömur, hlakka mikið til að hitta ykkur aftur vonandi sem allra fyrst. Er ég keyrði heim hringdi ég í krakkana (handfrjálst of course) og planaði flugeldakaup. Við skelltum okkur saman á sö...

Hérna er MUST SEE fyrir unga ofurhuga og sprengivarga. Þekki einn sem var að fikta og allt sprakk í höndunum á honum. Kom í fréttunum og svona skemmtilegt. Hann svona lúsheppinn að halda höndunum blessaður, held jafnvel að hann hafi róast aðeins eftir þetta. Svo á ég frændur sem hafa verið heppnir hingað til og hafa vaxið upp úr svona sprengiþörf, þeir hefðu nú alveg haft gott af því að sjá þessa mynd. Held að börn hafi gott af því að fá svona áminningu fyrir áramótin. Alla vega ætla ég að sýna mínum börnum þetta á morgun. Smelltu hér til að sjá af hverju fólk ætti bara að skjóta upp stöðluðum flugeldum, ekkert að vera að bæta og breyta þessu sem kemur frá Kínverjunum. Later

Þingmaður hvetur fólk til að kaupa ekki flugelda í ár. Hvernig væri að fólk sleppi því heldur að kaupa sér áfengi um áramótin. Það væru heldur dauf áramót án flugeldanna. Það væru ekki aðeins börnin sem myndu sakna þeirra. Viss um að fáir af þeim sem ekki drekka myndu sakna þess ef fólk sleppti áfenginu! Svo finnst mér alveg sjálfsagt að fólk kaupi flugeldana hjá björgunarsveitunum - fólkinu sem alltaf er boðið og búið að rjúka upp á eftir vitleysingunum sem vaða af stað í brjáluðu veðri, koma og negla þakplötur í öskrandi stormi o.s.frv. Kabúmm

Hér sjáið þið nýjasta fjölskyldumeðliminn, þetta er Úlfur. Hann kemur til okkar vonandi 1 janúar 2009. Þeir sem vilja sjá hann í eigin persónu eru að sjálfsögðu velkomnir any time. Loony!

Við BH gengum yfir Úlfarsfellið í dag ásamt Lilju, KBB og Diljá og að sjálfsögðu óþekku Ronju. Hún var laus til að byrja með en þar sem hún missir heyrnina er út er komið þá var hún fljótlega sett í taum. Hún rauk af stað er hún sá mann með þriggja mánaða Labrador hund og sinnti engum boðum um að hafa sig hæga. Þar með var hún svipt frelsinu og BH hafði hana í taumi restina af ferðinni. Ég var nú dálítið hissa hversu margir voru að spóka sig þarna. Við vorum rúma tvo klukkutíma á þessu ferðalagi. Óðum drullu upp að ökkla upp á fellið en enduðum í snjó og mjúkum mosa uppi á fellinu og á leiðinni niður. Þannig að við vorum ekki svo skítug er við enduðum heima ánægð með góðan göngutúr. Í gær fórum við í Skálafell ásamt KBB og óþekku Ronju náttlega, og líka fjölskyldunni úr A6. Tókum með okkur sleða því takmarkið var að leika sér aðeins í snjónum. Þarna uppfrá var fullt af fólki, mest snjósleða og fjórhjóla liði. Þannig að við máttum passa okkur í þokunni að verða ekki undir. Við gengum up...

Syni mínum er ekki annt um geðheilsu móður sinnar - púff. Hann gaf systur sinni ABBA sing star í jólagjöf og nú eru þær vinkonurnar, KBB og Diljá að syngja hástöfum í stofunni hjá mér ABBA lög. Ekki bara það heldur dansa líka og þetta er engin smá innlifun því þær þekkja og kunna öll þessi lög. Yikes - held ég klæði mig bara og drífi mig út í snjóinn með Ronju minni :o)

Hér eru jólin með hefðbundnu sniði. Við höfum verið hlaupandi á milli staða til að hitta fólkið okkar :o) Ronja kom með okkur til Lóu ömmu í gær - Svandís benti okkur á að hún gæti verið uppi hjá henni bara. Amma er alveg spök með heimsókn frá svona ferfættlingum. En þar sem við vissum að Tinni væri með Rúnari og okkar skotta er alltaf svo hress þá töldum við vissara að hún væri uppi á meðan hann væri niðri. Þau hittust pínu stund og það var fjör. Anna vildi meina að Tinni hafi bara orðið aðeins smeykur við þessa fjörugu tík. Hún er alltaf til í að leika - ALLTAF. Þurfum bara að vera vakandi yfir því að hún verði ekki svona áflogatýpa! Eftir gott kaffiboð hjá ömmu héldum við til Betu ömmu í hangikjöt og tilheyrandi. Þar fékk Ronja að vera úti í bíl, enga ferfættlinga þar inn! Hjá Ömmu voru flestir komnir, svo gaman að sjá alla og það er alltaf mikið fjör - alla vega mikill atgangur. Dálítið mikið af fólki! Heimilisfólkið á þessum bæ er mjög lukkulegt með allar fínu jólagjafirnar þetta ...

1. Ef mér líkar það, á ég það. 2. Ef ég var með það í munninum, á ég það. 3. Ef ég næ því frá þér, á ég það. 4. Ef ég var með það rétt áðan, á ég það. 5. Ef ég sá það fyrst, á ég það. 6. Ef ég þefa eitthvað upp, á ég það. 7. Ef það virðist vera mitt, á ég það. 8. Ef eitthvað brotnar, átt þú það.

af hundasíðu sem ég var að skoða og stóðst ekki mátið: ÁÐUR EN ÞÚ KEMUR Í HEIMSÓKN.... 1. Hundarnir lifa hérna, ekki þú. 2. Ef þú villt ekki að hundarnir séu nálægt þér, haltu þig fjarri húsgögnunum. 3. Já, þeir eiga suma ljóta siði. Það geri ég og þú líka, þannig að hvað meinarðu? 4. AUÐVITAÐ lykta þeir eins og hundar. 5. Það er þeirra siður að lykta af afturendanum á þér. Þú mátt lykta af þeirra ef þú villt. 6. Mér líkar miklu betur við hundana heldur en við flest fólk. 7. Í þínum augum eru þeir hundar. Í mínum augum eru þeir ættleidd börn sem eru stór, loðin, ganga á fjórum og tala ekki skýrt. Mér finnst ekkert af þessu vandamál. 8. Hundar eru betri en börn. Þeir borða minna, biðja ekki um peninga, eru auðveldari í þjálfun, koma oftast þegar kallað er, keyra aldrei bílinn þinn, hanga ekki með drekkandi og dópandi vinum, reykja ekki né hafa áhyggjur af tískunni, ganga ekki í fötunum þínum, og þurfa ekki gríðarlega mikla peninga í fyrir háskólanámi Ég er ekki sammála þessu öllu kannsk...

Er að hlaða inn myndum á Flickr síðuna mína. Skrifa við þær í rólegheitum næstu daga. Myndirnar af krökkunum og Ronju eru ekki alveg eins og við vildum, ekki eins skýrar og flottar en læt þær flakka samt. Svo eru myndir þarna síðan á laugardaginn var, er við hittum nokkra voffa og eigendur þeirra. Og meiri hundamyndir - myndir af námskeiðinu sem Ronja tók að sér að hrauna yfir í prófinu :o/ skemmtið ykkur :o)

Við erum ekki vinkonur núna! Fór með Ronju á Lágafellið í gær svona til að leyfa henni að hlaupa í snjónum og hafa hana ferska í prófinu fína sem var um kvöldið. Hún er búin að vera svo dugleg hjá mér þessa viku að ég var alveg búin að gleyma þrjóskupúkanum (kannski ekki alveg) og hrekkjupúkanum sem er í þessu skotti. Á Lágafellinu kom hún alltaf er ég kallaði, fór aldrei of langt í burtu frá mér. Gekk við hæl er ég kallaði hana til þess - beið sitjandi og standandi úti á bersvæðinu. Algerlega eins og hugur minn. Það var svo gott að vera þarna uppfrá í þessu veðri - birtan æðisleg, snjórinn ósnertur nema rétt á göngustígnum búið að hreyfa aðeins við honum. Í vikunni höfum við farið í göngutúra og hún gengið fínt við hæl. Gert hlýðniæfingarnar hérna heima og gengið svona glimrandi vel. Alveg góð með okkur og no worries. Las svo blöðin yfir sem við höfum fengið í tímum til að rifja upp efnið. Það var nefnilega krossapróf. Kom í prófið í gær og allir bara nokkuð brattir og gekk bara svona...

KBB kom heim í gær úr skólanum og vildi vita hvort ég sæi mun á stóru tánum á henni. Jú önnur var aðeins þrútin. Hún sagðist finna mikið til í tásunni sinni og með mikill vandlætingu tjáði hún mér að hjúkkan í skólanum hefði ekkert athugavert séð og sagði ekkert að henni. Hún tók þátt í jólakór tónleikum í skólanum í gær - voða gaman að sjá þessa krakka syngja saman. Þetta voru bæði krakkar úr Lágafellsskóla og Varmárskóla. En á leið héðan þá komst hún ekki í skóna sína fyrir verkjum, stal mínum skóm sem henni þótti betri því þeir voru víðir og góðir. Er við komum heim aftur og búin að borða þá var verkurinn farinn að færast upp fótlegginn upp að hné. ARG - nenni ekki svona. Tásan var þrútin en engin venjuleg einkenni sýkingar sjáanleg og ekki vildi krílið meina að hún hefði rekið tánna í einhversstaðar eða sparkað í neinn. Letinginn ég nennti ekki á læknavaktina, hringdi samt þangað til að spyrjast aðeins fyrir. Beið í tuttugu mínútur eftir hjúkku í símann. Allann biðtímann kom reglul...

Í gærmorgun var ég að horfa út um eldhúsgluggann og velti fyrir mér að bjóða vinkonu minni í göngutúr á Lágafellið. Hún gæti þá hlaupið laus og veðrið var skítsæmilegt og spáin ekki sérstök um kvöldið. En ákvað að láta vinnuna ganga fyrir og fór ekki neitt. Að kveldi dags sagði ég BH að hundgreyið mætti nú alveg við göngutúr, klukkan ekki nema 21:30 og veðrið dýrvitlaust. Létum það ekki stoppa okkur og drifum okkur út, mjög vel klædd í hlýjar og vatnsheldar flíkur. Urðum holdvot á 10 sekúndum sléttum, vettlingar okkar beggja rennandi en fötin voru að halda sæmilega. Það var sums staðar svo mikið rok að við stóðum ekki í lappirnar. Nokkrum sinnum hallaði ég mér fram og lét vindinn um að halda mér uppi - svona eins og litlu krakkarnir gera, alla vega ég þegar ég var litli krakki. Svo ef vindurinn kom á hlið við okkur þá hölluðum við í 40 gráður í vindinn til að okkur yrði ekki feykt eftir götunni :o) Hundurinn? Hún var sko að hafa það gott í veðrinu, þetta er Husky veður, því verra því b...

Hvolpanámskeið - eina sem ég virðist hugsa um þessa dagana - í gær. Það var eftir því tekið að Ronja hegðaði sér betur og virtist ekki eins mikill púki og á mánudaginn. Enda var ekki ekki búin að vera alveg skemmtileg við hana, haft hana svona mátulega afskiptalausa og ekki gefið baun eftir gagnvart henni. T.d. núna er svona að með smá svona væl til að láta vita að ég mætti nú alveg sinna henni pínuponsu - bara eitthvað - bara smá. Við vinkonurnar vorum búnar að ganga í marga hringi, hundurinn laus í restina, hoppandi yfir upphækkun, gangandi í kringum stól og vaðandi í gegnum smá hindrun. Sat og stóð eins og ég bað hana. Allt gekk svona ljómandi fínt. Og þá þurfti að reyna á þolrif litlu frekjunnar minnar. Allir hundarnir áttu að leggjast í öðrum endanum á salnum með jöfnu millibili. Við áttum að segja þeim að bíða og labba svo í burtu í hinn endann. Þegar ég er komin þangað segir Ásta "nú bíða þeir þarna í 10 mínútur" HA - róleg, hélt hún væri að grínast - 10 MÍNÚTUR. Ég un...

Eða er það aðeins of mikil tilviljun að gaur hafi játað á sig skipulagningu 9/11 dramað allt saman rétt áður en Bush hypjar sig úr embætti. Er með óbragð í munninum eftir að hafa heyrt þessa frétt. Búin að sjá of margar bíómyndir eða eitthvað, er alla vega ekki að kaupa þetta. Non believer

Fórum í gær í aukatíma á voffanámskeiðið. Það var einróma samþykkt að mæta einn mánudag núna í desember í stað þess að vera í prófi í hundaskólanum 24. desember kl. 19, allir bara eitthvað uppteknir þá. Litla skottan mín stóð sig ágætlega en er á púkaskeiði. Ásta vildi meina að gelgjan sé að kikka inn svona þessa dagana. Hún á bara eftir að versna. Sagði mér að hætta væla svona í henni og hrósa of mikið. Taka á henni með hörku og mátulegri fýlu. Þetta var upprifjunartími og við byrjuðum á að láta hundana bíða liggjandi í eina mínútu. Okkur Ronju gekk ljómandi vel, hún steinlá - já eða svona, hún alla vega lá og beið. Aðeins svona að fylgjast með í kringum sig og hafa auga með samnemendum sínum. Hún var "skemmtilegust" þegar hún átti að bíða sitjandi - var bara ekki stuði. Lagðist alltaf niður, ALLTAF. Ég mátti ganga nokkrar ferðir tilbaka og hífa hana upp á rassgatið. Endaði þannig að Ásta náði í langt band, krækti í hálsólina hennar. Nú var daman bara toguð upp úr fjarlægð þ...

BH tók við af KBB, steinlá allan laugardaginn. Missti af fjölskylduhitting í Perlunni hjá föðurfjölskyldu sinni. Við krakkarnir drifum okkur en stoppuðum ekki lengi. Nema KBB sem fékk að vera eftir og fór heim með DH og HMS. Það var ekki hægt að draga hana nauðuga í burtu, allir að föndra stjörnur og voða kósý. Við KEB drifum okkur heim, hann hefur ekki þolinmæði í svona mannfagnað of lengi. Sérstaklega þegar frændur hans tveir eru ekki á staðnum. BH var heima að deyja og vantaði aðstoð. Ég fór í búð og keypti bláberjasúpu og bruður - hann telur það allra meina bót er ælupest gerir vart við sig. OJJ mér verður bara flökurt við tilhugsunina um þessa súpu. Var sjálf frekar pirruð og leið ekki vel. Var kalt, með hausverk og eirðalaus. Endaði á því að leggjast upp í rúm (pestarbælið) ræna sænginni minni og skjálfa þar úr kulda frá kl. 18 til 21. Þá tók BH teppið sem ég hafði sett um fæturna á honum og breiddi það yfir mig og svo sængina þar á eftir. Það virkaði svona líka fínt því mér varð...

Skítastandardinn er mismunandi á milli einstaklinga. BH spurði mig í gær hvort ég hefði ekki sett rysuguna hérna í gang undanfarið. Neibb tveir dagar liðu án þess. Bar því við að ég nenni ekki að hlusta á hana á meðan ég er að vinna. Eitthvað fannst hundinum orðið tími á að rysugan sinnti sínu jobbi. Sat hérna í stofunni þegar ryksugan fór af stað. Var frekar hissa því hún er ekki stillt á tíma. stóð upp og kíkti fram og sá Ronju standa yfir kvikindinu sem var að rjúka af stað, hundurinn var jafn hissa og ég. Henni þótti þetta eitthvað minna fyndið samt. Later

Við KEB vorum mætt kl. 8:30 í morgun til tannréttingalæknisins, alltaf svo hress. KBB hafði kvartað í morgun undan magaverkjum, mamman tók lítið mark á því. Því miður þá er henni oft illt í maganum á morgnana og fyrsta veturinn hennar í skóla var hún reglulega heima vegna magaverkja þó ekkert amaði svo að henni um daginn. Þannig að hún er send í skólann þrátt fyrir kvart og kvein. Sem betur fer fékk ég ekki ofurreikning frá lækninum eins og ég átti von á. Hélt að það ætti að gera eitthvað stórkostlegt í dag en þetta var bara svona eins og venjulega. Er ég spjallaði við lækninn hringdi síminn, skólinn, ég skellti á. Hélt að Lilja væri að hringja og ætlaði að hringja í hana seinna. EEnn svo hringdi BH, þá fór ég svona að átta mig á að sennilega væri KBB lasin. Skellti samt á hann líka - var að spjalla við lækninn ennþá. Spurði hann um tönnina fínu, hún er mjög sennilega að drepast. Vildi vita hvort þessi rótfylling yrði vandamál vegna teinana. Sem betur fer verður það nú ekki. Þessum tan...

Spurning um að leiðrétta sig þegar maður hleypur aðeins á sig! Var fúl yfir háu leigubílafargjaldi frá flugvellinum að hótel KEA á föstudagskvöldið 21. nóv. Já sko það var bara ekkert svona dýrt - var 1.410 kr. ekki rúmlega 3000 kr. eins og mig minnti. Enda var þetta eitthvað fáránlegt hjá mér. Þá er það komið á hreint - einu sinni sem oftar þá hef ég rangt fyrir mér. Er orðin aðeins of vön því, eins og barinn hundur þegar fólk rengir mig og segi bara já og amen því oftar en ekki þá man ég bara illa. Það var ekki þannig hérna áður en ég verð víst að venjast því núna! Alveg magnað hvað ég rugla orðum (þú veist Helena) og ríf svo kjaft yfir að ég hafi nú sagt það sem ég ætlaði að segja. Er reyndar hætt því - segi bara, "er það - sagði ég það" Það er allt í rugli í kollinum á mér stundum, fólk getur hlegið að því en mér finnst það alltaf minna og minna fyndið :o) Á það líka til að segja nafnið á einhverjum allt öðrum en ég er að tala við! Það er slæmt, fólki líkar það ekki vel, ...

Í gærkvöldi varð afturhvarf á þessu heimili til ársins 1994 - við hjónin fórum í það mál að setja fjármálin okkar upp í excel aftur. Gera okkur grein fyrir í hvað við erum að eyða og hversu mikið. Þ.e. þessir föstu gjaldaliðir - húsið, bíllinn, matur og allt þarna á milli. Nú verður athugað hvar hægt sé að skera niður til að vera ekki alltaf á vonarvöl um hver mánaðarmót. Við höfum nú samt verið að skera niður heilmikið í allt haust eins og allir aðrir. Svona verið að glíma við ósiðina og þetta reddast viðhorfið. Ég eyddi öllu kvöldinu í að raða bókhaldinu okkar sem ég hef trassað samviskusamlega allt árið. Þannig að nú ætti það að vera komið 95% í möppu tilbúið þegar ég þarf svo að græja endemis skattskýrsluna eftir áramót. Mikið getur maður orðið þunglyndur á að skoða reikningana sína frá janúar fram í desember, það hækka bara afborganirnar, alveg sama hvað maður borgar mikið. En það er ljós í myrkrinu. Ég er farin að sjá á einum og einum greiðsluseðli fyrir endann á láninu, það er a...

Þegar fólkið á þessu heimili ætlar að vera almennilegt þá mistekst það stundum. Ég lá uppi í rúmi í morgun þegar BH var að fara í vinnuna, var nú samt varla sofandi og heyrði að verið var að raða í uppþvottavélina. Ohh, ætti að vera gleðiefni en hann fékk bara geðillskulegt garg "ÞAÐ ER EKKI ÓHREINT Í UPPÞVOTTAVÉLINNI" Fullur vaskur af leirtaui eftir morgunin, krakkarnir nýfarnir í skólann, og BH ætlaði að vera svo almennilegur að setja allt á sinn stað. Þetta er ekki í fyrsta sinn sem þau setja óhreint með hreinu í vélina. Ég varð því að tilkynna mínum manni að þegar vélin er tóm, eða óhreint í henni þá væri ekki fullur vaskur af diskum. Ég raða beint í vélina. Gleymdi alveg að taka það fram að þetta mættu þau svo gjarnan gera líka :o) Grumpy

Helgin fór ekki alveg eins og áætlað var en við náðum að setja jólin upp hérna inni hjá okkur samt. Það var einungis fyrir þrákelkni KBB sem sparkaði feðgunum út í skúr að ná í kassana niður og svo pískaði hún móður sína áfram í að setja þetta allt saman á sinn stað. Að sjálfsögðu hjálpaði hún við þetta allt saman. En þetta var gert á laugardagskvöldið, ekki um morgunin eins og ég hafði ætlað - minns svaf of lengi til þess. Við fórum í hundana þessa tvo daga og höfðum einstaklega gaman að. Gengum til Eddu í Hlíðartúnið að skila trjáklippum síðan í sumar. Tókum voffa með þó við vitum vel dálæti hennar á svona skepnum. Eftir að hafa spjallað smá stund og fengið laufabrauðsenda úti á tröppum þá héldum við tilbaka. KBB kom með okkur og bað BH hana um að hringja í ömmu sína og athuga hvort heitt væri á könnukvikindinu svo við gætum komið við hjá henni. Jú hún ætlaði að redda því, amman klikkar ekki. Er við vorum komin í Klapparhlíðina gengum við framhjá blokk þar sem ég sá fólk horfa mikið ...

Setti nokkrar myndir inn á flickr síðuna mína! Have fun

Til að lífga uppá gráan hversdagsleikann og gera dagana meira spennandi og innihaldsríkari, mæli ég með að þú gerir eitt/fleiri/öll eftirtalin atriði reglulega.... 1. Í hádeginu: leggðu bílnum og sittu í honum með sólgleraugu. Miðaðu með hárþurrku á bílana sem keyra framhjá. Athugaðu hvort þeir hægi á sér. 2. Kallaðu sjálfa þig upp í innanhúss kallkerfinu. EKKI reyna að breyta rödd þinni. 3. Stattu föst á því að netfangið þitt sé: Xena-Warrior-Princess@OCDSB.edu.on.ca eða Elvis-the-King@OCDSB.edu.on.ca 4. Hvert skipti sem einhver biður þig að gera eitthvað fyrir sig, spyrðu "má bjóða þér franskar með þessu?" 5. Stilltu ruslafötunni upp á skrifborðið með miða á sem segir "Innbox" 6. Þróaðu með þér óeðlilega hræðslu við prjónadót 7. Fylltu kaffivélina með koffínfríu kaffi í þrjár vikur. Þegar allir eru búnir að losna við koffínfíknina, fyllirðu á með espresso. 8. Á allar kvittanir skrifar þú; Fyrir kynlífsþjónustu. 9. Ljúktu öllum setningum þínum með; Samkvæmt spád...

Við mæðgurnar skelltum okkur norður til Akureyrar um síðustu helgi. Vorum svo að njóta þess að vera saman í skvísuferð. Flugum norður um kl. sex á föstudagskvöldið, flugið tekur aðeins 45 mínútur. Rétt náðum að spenna á okkur beltið og koma okkur fyrir, daman gerði heimanámið sitt og ég las í einhverju blaði. Ein flugfreyja um borð - hún talaði svo hratt að ég velti því fyrir mér hvort hún væri í akkorði, varla hægt að skilja orð sem hún sagði. Svo þegar flugstjórinn sagði nokkur orð að venju mátti ég hafa mig alla við að skella ekki uppúr. Ég minntist ársins 1997, Florida, ég að versla í matinn í Publix, komin á kassa til að borga, verið að raða í poka fyrir mig. Gamli maðurinn sem afgreiddi mig, einu sinni sem oftar, bað mig um að segja nafnið mitt. Nei ekki Lóa - Kjartansdóttir, já fínt þetta hlaut að vera rétt manneskja sem rétti fram Visakortið. Hann var nefnilega búinn að reikna það út að ekki nokkur annar gæti sagt eftirnafnið mitt. Skítt með að það var mynd af mér á kortinu - r...

Á svona miða í fimmtudagsbíó í Kringlunni - 2 fyrir 1. Þokkalega sem ég var búin að plana að draga minn mann í bíó þennan fimmtudag og borga minna fyrir. Kreppan og allt það - nýta hverja krónu og vera sparsöm. Hmm já búin að bíða í viku - var upptekin síðasta fimmtudag. Í gær datt mér í hug að athuga hvort myndin væri ekki örugglega sýnd í Kringlunni. Fannst að það hlyti að vera. Niiii enginn Bond í Kringlubíói. BÚHÚ - Sendi deitinu mínu msn skilaboð - ekkert 2 fyrir 1 á Bond, hvað ættum við eiginlega að gera. Fékk svar, er ekki bara bíó samt, kíkja í lúxus-sal bara. Tók hann á orðinu og pantaði í dag miða á netinu í lúxus-salinn í Smárabíó. Ulla bara á þessa kreppu og fer niður með stæl. Enduðum klukkan átta í bíó - damn þetta er nice, betra en heima í stofu. Og þessi Bond stóð alveg fyrir sínu - ég meira að segja náði alveg að fylgja söguþræði og allt saman. Var í smá flækju með það í síðustu mynd :Þ Eitthvað var búið að ræða það að þessi mynd væri ofbeldisfyllsta Bond myndin, ehe e...

Fékk þetta í tölvupósti og gat ekki annað en hlegið... Það er sagt að maður eigi að borða eitt epli daglega útaf járninu og einn banana til að fá kalíum Líka eina appelsínu, útaf c-vítamíninu og einn bolla af grænu te án sykurs, til að forðast sykursýki. Svo má ekki gleyma lýsinu sem er náttúrulega allra meina bót. Drekka tvo lítra af vatni alla daga (Já, og síðan að pissa því, sem tekur tvöfaldan tímann sem það tók að drekka það) Á hverjum degi borða jógúrt og eitt skot af LGG út af gerlunum sem enginn skilur hvað gera, en ef þú færð ekki eina og hálfa milljón á dag mun það hafa skelfilegar heilsufarslegar afleiðingar. Daglega taka inn eina aspirín til að koma í veg fyrir hjartaáfall, og drekka eitt rauðvínsglas í sama tilgangi. Og annað hvítt fyrir taugakerfið. Og einn bjór, sem ég man ekki hvaða gagn á að gera. Ef þú færð þér þetta allt í einu, skaltu gæta þess að eiga einn Red Bull ísskápnum til að drekka daginn eftir, nema náttúrulega ef þú ert þá búinn að fá heilablóðfa...

Dóttir mín fylgist með fréttum eins og aðrir - þ.e. hún kemst ekki hjá því. Í gær var mikið rætt um Davíð Oddson og ræðu hans í gærmorgun. Fréttirnar fullar af upplýsingum um gagnrýni á ræðuna og ræðuna sjálfa. KBB spurði í miðjum látunum - hvað er Davíð Oddsson? LBK - hann er seðlabankastjóri KBB - nú ekki forseti? (hún er aðeins búin að vera að hringla með þetta undanfarið) LBK - nei hann er ekki forseti KBB - var hann ekki forseti einhverntímann? LBK - nei hann var forsætisráðherra KBB - nú bara það? (henni finnst endilega að forsetinn sé valdamestur, oft búin að reyna að leiðrétta hana) BH - nei hann var forsætisráðherra, svona eins og þú ætlar að verða þegar þú verður stór :o) Hún hefur nefnilega oft gefið í skyn að þegar hún verður stór, þá ætlar hún að ráða öllu - ná sér í starf þar sem hún ræður. Var ekki há í loftinu þegar það kom fyrst í ljós. Hún hefur alltaf fulla trú á að hún geti það sem hún ætlar, sem er góður kostur. Vona samt að hún leiðist aldrei út í stjórnmál, það e...

Las frétt í mogganum í morgun um föður sem segist sannfærður um að tölvuleikir geti verið skaðlegir - haft skaðleg áhrif. Þessu komst umræddur faðir að þegar hann þurfti að fara með unglingsdrenginn sinn á sjúkrahús eftir að hann hné niður. Drengurinn hafði þá spilað í heilan sólarhring með vinum sínum tveimur einhvern netleik. Varla étið, drukkið né sofið. Ég er ekki viss um að tölvuleiknum sé um að kenna. Kannski foreldrar drengjanna hefðu átt að fylgjast pínu oggu ponsu betur með? Ég tel að tölvuleikir geti verið skaðlegir en það er á ábyrgð foreldra að kenna börnum sínum að umgangast þá. Láta ekki ung börn spila ofbeldisleiki, leyfa þeim ekki að hanga tímunum saman fyrir framan tölvuna o.s.frv. Er það annars ekki á ábyrgð foreldra að koma börnum sínum til manns? Alltaf jafn fyndið þegar maður heyrir fólk kenna skólum og kennurum og þjóðfélaginu um ábyrgðaleysi, ókurteisi og kjánalæti barna sinna :o) Later

Fór í líkamsrækt klukkan átta í gærmorgun - svo í göngutúr í tæpan klukkutíma með Ronju á Lágafellinu. Vinna svolítið og svona bara venjulegur dagur. Takmarkið var að fara snemma að sofa. Hringdi samt í SBK og athugaði hvort við ættum að hittast og skrappa/búa til jólakort um kvöldið eða næsta kvöld. Hún ætlaði að sjá hvernig það hentaði er hún væri búin að taka stöðuna i hesthúsinu. Fengum okkur kvöldmat um sexleytið og BH fór út aftur - líkamsrækt og svo vinna, reyna að koma bilasolur.is í loftið. Þeir eru búnir að liggja sveittir yfir nýrri útgáfu. Eftir matinn slökknaði á mér - gjörsamlega búin eftir daginn. Spilar kannski smá inní að ég hef farið seint að sofa undanfarið. Sofnaði yfir fréttum og Kastljósinu - krakkarnir furðu spakir að skipta ekki yfir á Simpson´s á stöð 2. Kannski hrædd um að móðirin myndi vakna og vera ekki hress með afskiptasemina. Sjálf efast ég um að ég hefði tekið eftir því. Aumingja HMS læddist hérna inn og kallaði ljúflega - Halló - Lóa - Lóa. Fékk tilbaka...

Við mæðgurnar ætlum að vera flottar á því næstu helgi. Við ætlum að fljúga í snjóinn á Akureyri, gista á Hótel KEA og fara í leikhús á laugardagskvöldið. Allt í boði dótturinnar sem vann þessa ferð í vinning á síðasta jólabingói í Lágafellsskóla. Litla sem hún var spæld að jólabingó þessa árs verður á sunnudaginn og við getum ekki tekið þátt. Hún hefur sennilega ætlað að vinna aftur. Það er um að gera að drífa sig því vinningurinn fer að renna út. Við ætluðum öll fjölskyldan að skella okkur norður í apríl s.l. En það hentaði ekki vegna þess að við vorum að flytja fyrirtækið þá. Svo bara líður tíminn og maður gerir ekkert. Við ætlum að sjá Músagildruna hjá leikfélagi Akureyrar. Hlakkar ekkert smá til að pæjast þarna fyrir norðan með litlu drottningunni. Taka með sér hlýju fötin og leika sér í snjónum. Fara út að borða saman og skoða bæinn. Hmm, veit lítið um Akureyri - einhver með góðar (ódýrar) hugmyndir að skemmtun fyrir okkur mæðgurnar? O

Við mæðgin fórum til messu klukkan ellefu í morgun. Vorum mætt 10 mínútum fyrr því drengurinn hafði verið beðinn um að lesa ritningarlestur ásamt skólafélaga sínum. Þeir voru svo flottir drengirnir. Lásu flott upp, enda í fyrsta og öðru sæti í stóru upplestrarkeppninni í vor. Þeir voru kynntir í upphafi messunnar - Friðrik Sigurðsson og Kjartan Elvar Birgisson. Who the f... is Birgir??? Það var byrjað á skírn - aawww, ferlega krúttlegt. Alltaf gaman að fá að vera "með" í svona athöfnum. Í þetta sinn var bara allt í lagi að hlusta á prestinn og vera í messu. Síðast þegar ég fór með KEB var ég að deyja úr helgislepju - hún bókstaflega lak út um eyrun á mér. Þetta var léttara og skemmtilegra. Guðni Kolbeinsson kom og var með ræðu í tilefni dagsins - Dagur íslenskrar tungu. Hann var mjög skemmtilegur, bæði krakkarnir og hinir fullorðnu skildu vel hvað hann var að fara og skemmtu sér vel. Hann kom því vel til skila að unglingar væru ekki að eyðileggja íslenskuna, það væri gömul tu...

Mussisjúk Hansara varrar bleytar og blíðar Fagrari harri aldri mær bíðar Og ongantíð møtti mær tunga so mjúk Ella eri eg bara mussi sjúk Hansar varrar mær eru ein gáta Tær kyssa upp á ein heilt annan máta Og ongantíð møtti mær tunga so mjúk Ella eri eg bara mussi sjúk Hansara varrar tær gera meg villa Lokka meg nærri og kitla meg illa Nei ongantíð møtti mær tunga so mjúk Ella eri eg bara mussisjúk Man eg nú nakrantíð fara at vita Ella so má eg so barasta gita Varrar og kossar ein kensla so mjúk Og eg eri helst bara mussisjúk Finnst þetta lag með Eivöru svo frábært. Heyrði hana flytja það í annað sinn í gær hjá henni Ragnhildi. Sá það fyrst í Kastljósinu fyrir þó nokkru síðan. Vissi ekki að mússísjúk þýðir kossasjúk, fyrr en í gær. Bara eitthvað svo kósí við þetta lag! Svo er alltaf gaman að skemmta sér við að lesa færeyskuna. Later

Var að taka til hérna hjá mér - villtist inn í það sem við hérna köllum græna herbergi - þar sem öllu drasli er hent inn og svo lokað. Er þar að þrífa og komast niður á skrifborðið og raða svo öll fínt inn aftur til að við getum haldið áfram að henda drasli, sem við vitum ekki hvað við eigum að gera við, þangað inn. Á skrifborðinu fann ég málshátt - "Vandfenginn er vinur í nauð" How true. Varð hugsað til ástandsins á Íslandi og hversu fáa vini við eigum í raun þegar á reynir í alþjóðasamfélaginu. Það lítur alla vega þannig út svona miðað við fréttir og sögur sem maður heyrir. IMF veitandi lán hægri vinstri til landa eins og Úkraínu þar sem mér skilst að spilling sé viðurkennt ástand. Bretar alltaf jafn Lovely þegar á reynir - skil þá reyndar svo sem - en engu að síður þá hafa þeir sýnt sitt rétta andlit, heimsveldi í dauðateygjunum að rembast við að sýna mátt sinn og megin gagnvart peðinu. Enn svekktir eftir þorskastríðin greyin - he he, gott á þá :o) Vona að það verðum við s...

Heiða hringdi í mig á laugardaginn var og spurði hvort ég vildi föt af Hugrúnu fyrir KBB. Ójá takk, þvílík búbót, og sko nú er kreppa líka! Daman fékk fullan svartan poka af fötum frá frænku sinni. Og hún passar í hverja flík núna strax. Nú getur litla daman mín verið eins og penelópa prinsessa og farið í nýtt dress á hverjum degi. Og hún er ekki lítið ánægð og algjör skvísa. Það er nú ekki leiðinlegt að eiga svona flotta frænku og erfa fötin hennar. Það er sjaldan sem ég þarf að kaupa föt á stelpuna. Það hefur nú bara verið svona þegar mamman er í bænum og sér eitthvað "must have". Fór samt í smá jólaleiðangur í Kringluna í gær og fékk jólaföt á drottninguna. Það tók svo á að ég lagði mig kl. 16:30 þegar ég stóð varla í lappirnar lengur. Ég var vakin kl. 19 af hungruðu barni sem heimtaði mat. Ég legg mig ekki í korter - ekkert power nap hjá þessari konu - það er bara sofið almennilega eða sleppt því. Jólapilsið var ekki alveg að gera sig - rennilásinn eitthvað ónýtur, fór og...

Bætti inn myndum á flickr síðuna mína :o) Enjoy

Við spilum fjögur badminton á miðvikudagseftirmiðdögum. Ég, Beta, pabbi og Valli. Það er alltaf mikið fjör hjá okkur. Jafnastir eru leikirnir er við systurnar spilum saman á móti þeim mágunum. Valli kemst ekki alltaf og þá erum við bara þrjú. Það er erfitt fyrir mig því ég er svona lélegust af þeim. Úthaldið er ekkert að sliga mig neitt - það er frekar skortur á því. Þannig að þegar maður er einn að spila allan völlinn þá verður maður fljótt þreyttur ef maður er vanur að hafa annan til að bakka sig upp. Um daginn mætti Valli ekki - og ég þurfti að spila ein á móti Betu og pabba. Ég er rosalega ánægð ef ég næ einu stigi á móti þeim - hvað þá tveimur. Það er bara spilað upp í sjö þegar við spilum þrjú. Svona til að drepa ekki þann sem spilar einn, það á þá helst við mig :o) Í fyrsta leiknum sem ég þurfti að mæta þeim feðginum ein þá tók ég mig til og VANN þau með 7 stigum gegn einu eða tveimur. Brosið náði hringinn og ég gekk út af vellinum og kallaði yfir "Ég er farin heim og hætt,...

Velti fyrir mér kreppunni eins og aðrir. Við hjónin ræðum málin og ég ræði málin við vini og vandamenn. Allir frekar svona dofnir eitthvað og reiðir. Ég hef viljandi ekkert verið að tjá mig um þau mál hér. Velti því fyrir mér hvað á maður að skrifa og segja um þetta ástand allt saman - verð að viðurkenn að mér fallast bara hendur. Hef grun um að fleiri en ég séu með hnút í maganum yfir þessu öllu saman. Áfram heldur maður samt, vonar það besta en býst við hinu versta! Later

Ég hef oft haft orð á því (jafnvel hvæst það milli samanbitinna tanna) hversu þreytt ég er á því að hirða upp eftir grísina hérna. Þrífa upp eftir þau skítinn og elda mat og ganga frá. Þetta var ekki það sem ég sá fyrir mér sem lítil stelpa - að ég myndi leggja þetta fyrir mig. Svo þróaðist það þannig að ég hef verið meira og minna heima til staðar fyrir börnin mín og getað sinnt heimilinu á meðan BH hefur unnið. Þetta var ekki planið og ekki rætt sérstaklega. Þegar við fluttum út þá var ég heima með KEB og fannst það bara fínt. Við Valgerður höfðum alltaf nóg að gera bæði saman og í sitthvoru lagi. Þegar við komum heim til Íslands aftur ákvað ég að fara í háskóla, gerði það en kláraði ekkert. Þetta var spurning um geðheilsu fjölskyldumeðlima og hvort það stæði hreinlega eftir heil fjölskylda ef ég héldi áfram. Ákvað því að vera heima og sinna krílunum sem nú voru orðin tvö. Hef í gegnum tíðina haft nóg að gera, þrátt fyrir að vera "bara" heima eins og það er orðað - eða heim...

Vorum að borga upp fyrstu lánin af húsinu, veðskuldabréfin voru að detta inn um lúguna. Lánin voru tekin 1982 og 1983, fyrra lánið var 138.000 krónur og seinna 67.000 krónur. Það tók rúm tuttugu ár að borga þetta. Lánin voru veitt af Byggingasjóði ríkisins. Mjög fljótlega verðum við búin að borga tvö lán í viðbót upp. Því miður eru þetta ekki lánin með háu afborganirnar. En þetta telur allt saman! Ætli ég sé að drepast í bakinu vegna skuldabyrði?? - Skyldi þó aldrei vera! Later

Nei kannski ekki alveg - með svona bilað tak í bakinu. Kallast þursabit ef ég hef greint þetta rétt. Sparaði mér lækni og ákvað sjálf að það væri það sem hrjáir mig núna. Er að tapa mér í bakinu vinstramegin við mjöðmina. Er samt skárri núna í morgun en í gærkvöldi er ég fór að sofa. Gargaði af sársauka við að hreyfa mig og að reyna að komast framúr var óbærilegt. Það er löngu opinbert að ég er eins og gömul kona í skrokknum, þetta er bara enn ein staðfestingin. Bíttu bara á jaxlinn og hífðu þig upp - uppörvandi hvatning frá eiginmanninum í gærkvöldi. Svona á milli þess sem brandararnir flugu og ég baðst vægðar því það var svo sárt að hlæja. Kom úr hörðustu átt að mér fannst því ég er, held ég, ekki þekkt fyrir annað en að bíta á jaxlinn. Helgin var viðburðarík - við erum aldrei heima, frekar erfitt að fara svona hverja helgi. Skildi BH eftir heima svo hann gæti unnið og klárað gerðið fyrir Ronju hérna úti. Hann bjargaði gerðinu, þ.e. nú er ekkert eftir nema hurðin. Það þarf ekki að gr...

Gæti aldrei orðið hjúkrunarkona (hjúkrunarfræðingur). Hef vitað það alla tíð en fékk það endanlega staðfest þegar ég lá sjálf á sjúkrahúsi í fyrsta sinn. Ég hef þetta ekki í mér. Þegar börnin mín meiða sig fá þau vorkun og mjálm en ég er fljót að segja þeim að harka af sér og hætta vælinu samt. Þau ná ekkert að mjólka þetta meira en efni standa til. Ég er svo léleg að mömmukossarnir mínir (sem öllu redda hjá öllum mömmum) virkuðu ekki á KEB þegar hann var stubbur. Ég kyssti á bágtið en fingurinn, hnéð, handleggurinn = meiddið, kom alltaf aftur. Því hann fann ennþá til - hann var ekki nógu vitlaus til að láta einn auman koss duga ef sársaukinn var enn til staðar. Þegar KEB meiddi sig á miðvikudaginn var tilefni til mjálms og æ aumingja þú söngsins. Er við sátum í bílnum á leið heim úr Álfheimunum eftir að hafa sótt hann, og eftir að hafa mjálmað heilósköp með honum sagði ég. "En krakkar ef þið viljið virkilega virkilega fá samúð og mjálm og æ aumingja þú og elskan mín, ástin mín...

Eftir daginn í gær ætti ég að vera komin í kjörþyngd - bömmer að það gerist ekki á einum degi. Fór í leikfimi klukkan átta í gærmorgun, gott að taka daginn snemma. BH sem ætlaði nú að koma með mér alltaf steinlá og svaf á meðan - eins og áður. Ætlaði svo á Þjóðskjalasafnið og eyða deginum þar og dreif mig því um klukkan tíu með Ronju í göngutúr í klukkutíma. Fór ekki á safnið, ákvað að snúast aðeins í bænum heldur. Vinna, fara í banka, ná mér í ljósmyndapappír og á bókhlöðuna að ljósrita grein. Kom þá heim í smá stund að sinna börnum og búi. Fékk mér göngutúr til að ná í AFD til dagmömmunnar og svo göngutúr tilbaka. Dagmóðir drengsins spurði mig hvort ég væri Kjartans? Ehe, jaaá! Og Brynju? Jaaá - hvernig þekkir þú þau? Hún var víst með þeim í JC á sínum tíma. Tjáði mér svo að ég væri NÁKVÆMLEGA eins og móðir mín. Hmm já ég hef dálítið fengið að heyra það í gegnum tíðina :o) Um klukkan fimm drifum við KEB okkur í bæinn. Ég á leið í badminton og hann í fimleika. Við vorum öll fjögur mæt...

Jæja Helena mín - loksins er fallega fjölskyldan þín komin á flikcr síðuna mína. Var að hrúga inn myndum. Myndir frá því í sumar og fram í október. Á eftir að skrifa við þetta allt saman. Var heilmikil vinna bara að velja myndir þarna inn, tekur svo enn meiri tíma að skrifa við þetta allt saman. Enjoy

Vorum vinkonurnar í Lágafellinu í göngutúr. Ákvað að taka ekki með mér lifrapylsu núna, frekar þurrt kjúklingahundanammi. Smá mistök, geri það ekki aftur. Ekki næstum því eins spennandi og "vel" lyktandi lifrapylsan. Þetta gekk nú allt vel og hundurinn kom með mér heim. Í fyrradag er við fórum hitti hún tvo krumma. Hún óð að þeim og vildi svo gjarnan ná í þá. Þeim fannst nú ekki leiðinlegt að hrekkja hana. Svifu rétt fyrir ofan hana og settust rétt hjá henni til skiptis, flugu svo upp er hún stökk að þeim. Verst að hafa ekki videómyndavél. Hún kom er ég kallaði á hana - enda með lifrapylsuna í vasanum. Núna hins vegar hitti hún aftur krumma - bara einn í þetta sinn. Ótrúlega spennandi að eltast við hann. Og það sem hann gat dregið hana um holt og hæðir. Veit ekki hvort þeirra hafði meira gaman að, grunar samt að krummi hafi hlegið meira að þessu hvolpaskotti sem átti ekki séns. Ég stóð þarna á einum toppnum og kallaði á hana til mín er þau voru á sömu hæð, ekki séns - leit ek...

Heyrði þennan brandara á Bylgjunni í morgun - ég veltist um af hlátri og læt hann því flakka hérna. Vitið þið af hverju konur eru alltaf í háhæluðum skóm og mála sig daglega? Jú af því þær eru litlar og ljótar! :o)

Við fjölskyldan erum ekkert svo óþolinmóð - bara svo lengi sem við fáum það sem við viljum strax. Við höfum aldrei verið mikið í því að gefa afmælis- og jólagjafir fyrirfram, það kostar fólk oftast bara auka gjafir. Við höfum þá heldur bara gefið hvert öðru það sem vantar á þeirri stundu sem hugmyndin kemur upp. Þá eru afmælis- eða jólagjöfin bara minni í það skiptið. Mér þykja börnin mín líka dugleg að bíða eftir jólum og afmælum sínum þegar þau langar í eitthvað. Þó þau eigi pening þá rjúka þau ekki út og kaupa bókina, geisladiskinn, DVD myndina, tölvuleikinn, PetShop dýrið o.s.frv. sem þau langar í. Þau hinkra og athuga hvort þau fái það sem þau helst langar í - á jólum eða afmæli. Já svo lengi sem ekki eru níu mánuðir í jólin eða afmælið. Við BH ákváðum á sínum tíma að vita ekki kynið á börnum okkar er ég bar þau undir belti (var reyndar aldrei með belti). Ég grínaðist með það þá að ég opnaði ekki jólapakkann minn fyrir jól! Og ef það er eitthvað sem ég hef lært á þessum fullt af á...

Fórum á föstudaginn í sumarbústað rétt hjá Flúðum, með tengdó, bræðrum hans BH og fjölskyldum. 14 manns takk fyrir það og allir sluppu heilir heim - enginn á leið á Klepp og allir enn vinir. Geri aðrir betur. Þetta hljómar kannski eins og ég hafi átt von á öðru en það er nú ekki svo. Okkur kemur öllum ljómandi vel saman - drulluléleg í að lenda saman eða misskilja hvert annað þannig að einhver verði fúll eða reiður. Er alltaf að heyra sögur um fjölskyldur sem eru stöðugt í hár saman - fólk sem talar ekki saman árum saman eða tengdamæður sem eru að gera útaf við tengdadætur, sjaldnar sem tengdafeður eru með vesen. Finnst alltaf mjög sorglegt að heyra sögur af fjölskyldum sem eru í stríði innbyrðis. Er þess vegna mjög þakklát fyrir mína fjölskyldu þar sem allir eru í sátt, alla vega eftir því sem ég best veit. Samt á ég stóra móður- og föðurfjölskyldu. Og að mér kemur mjög vel saman við tengdafjölskyldu mína, bæði móður- og föðurfjölskyldu BH. Ef ekki, þá er ég of vitlaust til að fatta a...