Míkrósaga

Í kuldanum síðustu daga hafa hundarnir á heimilinu hringað sig saman úti í gerði og haft hægt um sig. Maður skyldi ætla að þau myndu bara vilja vera inni í hlýjunni og hafa það náðugt. Nei ekki aldeilis. Þau byrja að betla út svona rétt fyrir hádegið og linna ekki látum fyrr en þau eru komin út í gerði. Stundum reynum við að svindla á þeim og hleypum þeim bara út til að gera þarfir sínar þar til við gefumst upp þegar hurðin er opnuð í fimmta sinn. Þá erum við svona búin að meðtaka það að þau séu ekki endilega í spreng lengur. Langar bara að komast út. En sem sagt þegar maður lítur út um gluggann sér maður tvo snúða hringaða saman. Stundum í sitthvoru horninu og stundum þétt upp við hvorn annan. En núna ? Nú er komið rok og smá snjófjúk. Þá liggja þau ekki hringuð saman lengur. Nei nú er setið uppi á kofa með nefið upp í vindinn og lygnt aftur augunum aðeins og unaðurinn tekinn inn fyrir allan peninginn. Þau eru svo flott þarna úti :o) Úlfur greyið er ekki alveg jafn duglegur að skipta ...

Er svo ánægð og stolt móðir akkúrat núna. Var að skreyta piparkökur með afkvæmum mínum. Þessum sem líkjast föður sínum skuggalega mikið. Svo mikið að það sjá það allir. Fólk þarf að rýna aðeins betur í andlit þeirra og þekkja sæmilega til að sjá eitthvað af mömmu þeirra í þeim. Jújú ljósa hárið og bláu augun... en það er líka frá föðurnum svo það má alveg deila um það. En nú er það alveg á hreinu eftir kvöldið að þau eru bæði alveg jafn KLEPPTÆK og móðir þeirra. Klikk genin skiluðu sér alveg fínt alla leið og það virðist hafa verið nóg af þeim fyrir þau bæði. Það sem hægt er að hlæja og láta eins og kjánar við að spauta smá glassúr á nokkrar kökur. Og auðvitað var lagið tekið. Þegar diskurinn var búinn sem verið var að hlusta á nennti KEB ekki að standa upp og finna meiri tónlist og gaulaði því nokkuð fyrir okkur. KBB tók vel undir og er ekki hægt að segja annað en að þau SÖKKUÐU bæði all svakalega. Í engum takt við hitt héldu þau áfram, KEB eins og mjög vitskertur einstaklingur og KBB...

Las frétt um Ómar Ragnarsson sem hefur tekið það að sér að vera sjálfskipuð bílastæðalögga okkar landsmanna og siðapostuli :o) Ég get ekki annað en verið sammála honum um að fullfrískt fólk á aldrei nokkurn tímann að leggja í stæði sem merkt er fötluðum. Við getum bara gengið og ættum að þakka fyrir það að vera með báðar fætur heilar. En nú er hann að agnúast út í fólk sem leggur í tvö stæði. Undir öllum venjulegum kringumstæðum er ég sammála. Auðvitað hlýtur einn bíll eitt bílastæði lögmálið að eiga við. Það er mjög pirrandi þegar maður sér fólk leggja bílum sínum illa þannig að maður getur ekki notað stæðið við hliðina á því. En málið er að bílastæði á Íslandi eru víða í ENGU samræmi við breidd margra bíla. Ég er ekkert að tala um risastóra ofurjeppa - eða jeppa yfirhöfuð. Margir nettir jeppar á götum borgarinnar. Hef reynslu af því að keyra bíla sem gjörsamlega fullnýta eitt stæði á stöðum eins og Kringlunni t.d. eða í bílastæðahúsum. Þannig er að þegar ég er búin að leggja í stæðið...

Íbúðin mín er frystiklefi akkúrat núna - orðið veeerulega svalt hérna hjá okkur og liðið allt að vakna og koma sér á fætur. Verður spennandi að heyra hvort lyktin sé í nefinu á þeim líka. Valið stendur á milli hressandi vetrarloftsins eða skítalyktar. Ég er ekki haldin neinum valkvíða... Alltaf þolað íslenskan vetur, nema þennan eina þarna um árið sem mér var ALLTAF kalt. En lyktin döh niii er of klígjugjörn til að höndla hana *hrollur* Já BH er ekki haldinn valkvíða heldur... var að koma hérna inn KULDASKRÆFA númer eitt á Íslandi. Byrjaði á því að loka glugganum í stofunni, tjáði mér að það komi svo kalt inn :o/ Later

Maður gefur hundunum sínum ekki nautabein á daginn. Passar svo ekki að tíkin einoki ekki bæði risastóru stykkin. Lokar þau inni kl. 2:30 að nóttu og setur svo headphones í eyrun og sofnar við sögu. Sérstaklega ekki þegar maður er mamman, húsmóðirin á heimilinu :o/ Do the math... Later ps bara svo fegin að þau voru ekki laus í íbúðinni !

Stjörnuspáin mín í dag á mbl.is: Það er undravert, hversu miklu má afkasta, þegar menn eru ákveðnir í að ná árangri. Allt rugl flækir málin og er tímasóun Ég er greinilega ekki nógu ákveðin... spurning um að breyta því - NÚNA. Er að vinna í því as I write :o) Later

Vorum í eldhúsinu að ná okkur í eitthvað í svanginn svona þegar leið að hádegi. Ég er búin að vera eins og Grýla hérna með allt draslið sem aðrir fjölskyldumeðlimir dreifa eins og glimmeri um allt hús. Og nei ég er alls ekkert pirruð á mínu dóti og drasli þar sem það er allt skipulega sett í óeiðuröð á alveg ákveðna staði og ég veit alveg hver kemur til með að taka það á endanum. LBK: Á þessi hjólahjálmur að vera þarna á eldhúsborðinu? BH: Já LBK: hmm ég umorða þetta þá - TAKTU hjálminn af borðinu og gakktu frá honum BH: Ég vil hafa hann hérna og þú þarft ekkert alltaf að ráða LBK: jú ég ræð hérna... BH: Það er best... hérna hélt ég að hann myndi segja að best væri að hafa jafnvægi á hlutunum BH: ... að ég taki þá bara hjálminn og setji hann í þvottahúsið Úlfur náði sér í lítið bein í gær sem Ronja VARÐ að fá. Og það strax - núna. Hann lá í bælinu og hún stóð og starði á hann. Ýlfraði nett svona til að minna hann á að hún væri að fylgjast með. Ég reyndi að vekja áhuga hennar á öðru bei...

Dóttirin kom til mín í gærkvöldi rétt áður en hún átti að fara í rúmið og spurði hvort hún ætti að leyfa mér að heyra lagið sem hún á að spila á næstu tónleikum. Ég hélt það nú. Hún varaði mig við og sagði það spilað dálítið hátt uppi. Þær eru að spila þetta tvær saman og hennar "rödd" er hærri í þessu tilfelli. Eða ég geri ráð fyrir að hin daman dempi þetta aðeins niður. Svo heimasætan reif upp fiðluna og hóf að spila jólalagið. Hún laug engu um að spila háu tónana. Tónarnir höfðu ekki fengið að njóta sín lengi þegar Úlfurinn á heimilinu tók undir þannig að heyrst hefur upp í dal. Og þegar hann hóf upp raust sína þurfti ekki að bíða lengi eftir að hinn ferfætlingurinn tæki undir. Hér var úlfakór með háu fiðluundirspili í hálfa mínútu. Þá ákvað frúin að lækka í kórnum því erfitt er að spila þegar maður heyrir ekki hvað maður er að gera :o) Það þarf ekkert að hasta á loðboltana - bara tala við þau á rólegu nótunum, spyrja hvað þau haldi eiginlega að þau séu að syngja og þá hæt...

Ég fór í badminton seinnipartinn, tók KEB með mér. SBK enn að reyna að láta puttakvikindið gróa. Gengur ekkert. Krakkinn er alveg að ná þessu. Spilar með afa sínum og gengur bara vel. Ótrúlegt hvað hann er snöggur og nær oft erfiðum boltum miðað við að hann spilar þetta ekki að staðaldri. Svo það er gott að hafa hann með okkur sem fjórða mann á meðan frænka hans sleikir sárin. Þegar tíminn var búinn hringdi ég í mömmu og spurði hvort ég mætti ekki kíkja til hennar með smá verkefni. Fór í Álfheimana og kláraði ermi nr tvö og þá var akkúrat kominn matur. Lagt var á borð fyrir þrjá og ég spurð hvort ég vildi ekki borða með þeim. Nóg til. Æ nei sko ehe BH er að elda fisk heima og ég borða bara þegar ég kem heim. Nei nei, sestu bara og fáðu þér smá. Svo ég settist og fékk þetta líka fína folaldakjöt. Rosalega mjúkt og gott, namm namm. Smá samviskubit yfir að ætla ekki að borða matinn sem beið mín heima samt. Eftir matinn skellti mamma ermunum fyrir mig á búkinn eftir að ég hafði talið allt ...

Það er þannig að BH hefur ákveðið að brillera. Búinn að tala um það lengi. Finnst eins og sjónin hafi versnað. Þreyttur á kvöldin að rýna í hluti og alltaf að píra augun. Í gær ákvað hann að láta verða af því að drífa sig í bæinn og láta mæla sjónina og þá hengja á sig gleraugu jafnvel. Ef það mætti verða til þess að minnka líkur á hrukkum í kringum augun þá væri það bara bónus. Hann dró sína frú með sér í bæinn og jú jú greiningin var sú að gott væri að skella brillum á karlinn. Er við komum inn í gleraugnabúð í Smáranum byrjaði frúin að rífa hvert settið af veggnum og skellti því á... ekki hans andlit, andlitið á sjálfri sér. Leit svo alltaf á mig í speglunum sem þarna héngu og athugaði kúlið. Fannst ég bara taka mig vel út og velti fyrir mér hvort ég ætti ekki bara að kaupa ramma á andlitið og hafa bara venjuleg gler. Eftir að hafa skellt á mig einu setti af einhverjum súper cool merkja gleraugum leit ég á manninn og spurði hvort ég gæti ekki púllað þetta off ? Ég átti auðvitað von ...

Ég þarf iðulega að kíkja niður áður en ég stend upp. Þannig er að Ronja mín leggst stundum undir stólinn sem ég sit í. Oft þegar ég sit að borða og eins ef ég er að vinna hérna í stofunni. Núna t.d. er ég í smá klípu. Hún liggur þvert undir stólnum hjá mér, rassinn öðrum megin og höfuðið hinum megin. Get eiginlega ekki ýtt stólnum tilbaka og varla stigið til hliðar nema vera í basli þannig að hætta sé á að ég stigi á hana. Er þetta vandamál? Nei varla, auðvitað á maður bara að segja henni að drífa sig því ég þurfi að komast. En mér finnst bara svo kósí að hafa hana hérna hjá mér og reyni því að raska ekki ró hennar. Sem er alveg silly stupid því þegar ég er búin að standa upp og ganga í burtu þá stendur hún upp, teygir úr sér og skokkar á annað hvort bælið hérna í húsinu :o) Later

Er ekki einu sinni búin að kíkja á hverjir eru í framboði né hvað þeir standa fyrir. Finnst þetta pínu döh allt saman. Fyrsta skipti á ævinni sem ég er ekki að predika yfir fólki hversu mikilvægt það er að nýta kosningarétt sínn. Stjórnarskráin okkar er búin að vera í endurnýjun síðan lýðveldi var stofnað og sennilega lengur held ég bara. Síðasti formaður svoleiðis nefndar (sem ég veit um alla vega) var Bjarni Benediktsson í kringum árið 2005. (En frændi hans og nafni tók reyndar líka þátt í umræðum um breytingar á stjórnarskránni á sínum tíma.) Það var fundað og rætt og tekið við ábendingum frá almenningi og allir voða á því að ræða málin og framkvæma svo ALLS EKKI NEITT. Ég er ekkert sannfærð um að það komi nokkur skapaður hlutur út úr þessu núna heldur. Það er jú alþingi sem þarf að kjósa um breytingar á henni. Ekki einu sinni, neibb - tvö þing þurfa að staðfesta breytingar. Þannig að þó að við fáum "venjulega" Jón og Jónu í verkið og þau standi sig bara prýðilega þá eru þ...

Ég hef ekki heyrt píp í fólki í tengslum við fréttir síðustu daga um illa meðferð Íslendinga á dýrum. Grísir sem eru geldir án deyfingar af fúskurum, fuglar sem troðast fáranlega margir í allt of litlum búrum, beljur sem aldrei fá að fara út o.s.frv. EKKI EITT PÍP :o/ Fékk svo illt í hjartað að heyra af þessum greyið grísum, snuff! Svo heyrir maður reglulega af hrossum sem eru að svelta út í haga því eigendurnir kunna ekki að eiga dýr. Hunda sem eiga verulega bágt þvi eigendurnir eru óhæfir. Kettir sem settir eru út á guð og gaddinn þegar þeir hætta að vera krúttilegir litlir kettlingar o.s.frv. En það má treysta því að Íslendingar, sumir hverjir alla vega, láta vel og hátt í sér heyra þegar á að tengja málefni við trúarbrögð. Hvað fóru margir upp á afturfæturna þegar fréttist að á litla kristna Íslandi ætti að fara að slátra sauðfé að hætti múslima? Þá varð bara allt brjálað... helv... islam bara að tröllríða öllu. Hvað kemur þeim við hvernig við víkingarnir gerum þetta. Þá skipti nú ...

Börnin mín gerðust þrælar heimilisins enn einu sinni þegar frí er gefið í skólanum. Skipulagsdagur kennara í Lágafellsskóla og jólaþrif í Leirutanganum. Munar ekkert smá um þessa duglegu krakka :o) Erum vel á veg komin og ætlum að setja jólaljós í gluggana á eftir - hlakka jafnmikið til og krakkarnir... eða KBB alla vega. KEB minntist á það að það væri alveg mánuður til jóla sko. Það verður skítugt hérna aftur fyrir þann tíma. Skarpur strákur sem ég á :o) Hér fyrir neðan er jólalagið sem mér finnst alltaf jafn fyndið og hlusta á. Þetta er svona Redneck Christmas. Keypti þetta er við vorum í ðe jú ess of ei þarna um árið og héldum jólin í tuttugu og fimm gráðunum - í flíspeysum að sjálfsögðu á þeim árstíma. Það var orðið pínu tjillí ;o) Well anyways hér er textinn: Grandma got run over by a reindeer Walking home from our house Christmas Eve. You can say there's no such thing as Santa, But as for me an' Grandpa, we believe. She'd been drinking too much eggnog, And we begged h...

Af hverju eru Íslendingar svona aftarlega á merinni þegar viðkemur gæludýrum? Af hverju myndi manneskja eins og ég frekar vilja búa annars staðar í Skandinavíu eða í Þýskalandi með hundana mína? Af hverju elur sumt fólk upp hræðslu í börnum sínum við dýr? Af hverju myndi fólk ekki frekar sýna börnum að þau eru sauðmeinlaus? Af hverju myndi móðir rjúka upp á gardínukappa þegar hún sér könguló á gólfinu? Af hverju myndi hin sama móðir fleygja glasinu frá sér, rjúka skrækjandi upp úr stólnum á veröndinni og inn í hús þegar hún sér býflugu? Af hverju leyfir hún sér að sýna barni sínu hræðslu við sauðmeinlaus skordýr? Af hverju er ég að spyrja svona heimskulegra spurninga? Vegna þess að ég er þreytt á alhæfingum og rangfærslum sjálfskipaðra besservissera um gæludýrin mín. Ég læt ekki mitt eftir liggja og ekki þeirra heldur - ég hirði upp eftir þau. Þau eru ekki ógnandi á nokkurn hátt, nema ef þú ert hundur sem sýnir þeim tennur og læti. Þau éta ekki lítil börn og ekki litla hunda. Og mér fi...

KBB missir ekki af bingóinu í Lágafellsskóla eftir að hafa fengið fyrsta vininginn þarna um árið og við mæðgur skruppum til Akureyrar í kjölfarið saman. Í dag fór hún, en sleppti Bláfjallaferð með okkur og hundunum. Húkk að hún skellti sér - fékk tvo vinninga eins og þarna um árið. Kom heim með matarkörfu og gjafabréf á ostakörfu. Svo eitthvað fullt meira :o) Hugsa jafnvel að þetta hafi bætt fyrir óheppnina í spilinu í gær :o) KEB fór líka á bingó í dag. En hann var að hjálpa til við að raða borðum og stólum og svo í sjoppunni og svona. Hann er að safna fyrir 10. bekkjarferð í vor ásamt hinum flottu krökkunum í árganginum! Við BH skemmtum okkur vel í Bláfjöllum með loðnu börnunum okkar. Þvílíkt fjör. Heigullinn ég þorði ekki að stýra sleðanum í gönguskíðabrautinni. Þar var fullt af fólki og sleðinn er svo rígbundinn og beygir því illa. BH þarf að losa hann að ofan og binda aftur. Þarna var fullt af fólki og hundum og vorum við með fjóra sleða. Næstu helgi verða þeir vonandi fleiri. Svo...

Að fylgjast með frænkum spila Monopoly er góð skemmtun. SBK og KBB eru að spila saman frænkurnar. Ég hef aldrei áður heyrt litlu drottninguna segja við móðursystur sína "ég þoli þig ekki". Og þetta segir hún ítrekað, aftur og aftur. Eldri frænkan hins vegar glottir bara og ráðleggur þeirri yngri að veðsetja grimmt, býður hana velkomna aftur og aftur á hótelin sín. Sem að sjálfsögðu eru öll háklassa rándýr hótel. Svo er hún svona að hugga litla greyið með því að hálf þjóðin sé á sama báti... þ.e. nánast eða tæknilega gjaldþrota. Sú stutta vælir stanslaust um að verið sé að fara illa með hana og að stóra frænka hennar, sem hún hefur alltaf dýrkað og dáð, sé montrass. Þessi eldri hefur greinilega engu gleymt síðan við systurnar spiluðum Matador í gamla daga. Þar var ég bökuð ítrekað ef ég man rétt. Það dugði greinilega ekkert að breyta nafninu á þessu spili og uppfæra nöfnin á götunum og nútímavæða þetta allt í klessu. SBK rúlar enn þegar að þessu spili kemur :o) Later

Var á fundi áðan og mitt verkefni þar var Áróðursræða. Ég ákvað að nota efni sem ég átti til síðan í janúar s.l. Bætti aðeins við og lagaði til. Reyndi svo að flytja ræðuna mína af sannfæringarkrafti. Held að það hafi tekist ágætlega. En vinkona mín á fundinum skoraði á mig að birta þetta opinberlega. Taldi, líkt og ég sjálf, þetta góða og þarfa áminningu. Glottandi spurði ég hvort þetta ætti ekki vel heima bara í Mosfellingi. Orðin svoddan sveitatík :o) - Hún reyndar taldi þetta fínt í moggann bara... mmm veitiggi. En ákvað að birta þetta hér opinberlega - svo ég er þá búin að taka þessari áskorun... alla vega hálfa leið :o) Hefjast þá herlegheitin... spurning um að ná sér í kaffibolla bara, en muna jafnframt að sulla ekki á tölvuna. Það gæti endað illa ! Unglingar – “hver fann uppá þeim?” Eins lengi og ég man eftir mér hafa unglingar verið svona fyrirbæri sem hreinlega ber að varast. Í fjölmiðlum er helst eftir því tekið þegar unglingar berja á einhverju saklausu fórnarlambi eða vaða...

Í tilefni af degi íslenskrar tungu vil ég birta hérna ritgerð sem ég fékk senda í tölvupósti. Ritgerð um stöðu kvenna fyrir hundrað árum Fyrir hundrað árum var lukkan ekki neinn dans á rósum og þegar konur söfnuðust til ára sinna voru þær frá upphafi út úr sér gengnar. Þá var líferni fólks ekki eins vel á sig komið og núna því að heilsan var ekki með besta móti , af því að þá voru engin meðul til nema svona grasmeti og lýsi - ógeðslega vont. Í þá daga voru konur alls ekki ýkja fallegar en það mátti venjast þeim af því að þær voru alltaf svo góðar í skapsburðum . Þessar gömlu konur, sem voru náttúrlega ungar þá, langt fyrir aldur fram , voru með slæður yfir hárið en nú eru þær utan um hálsinn . Flestar konur áttu bara eitt einasta lamb í eigu sinni og það gefur nú nærri að líta að eitt lamb hefur ekki mikinn arð í för með sér enda hafði klæðaburðurinn ekki upp á marga fiska að bjóða . Konurnar voru alveg brúnar í framan en samt voru þær ekki sólbrúnar frá Spáni heldur bara s...

Svona í ALVÖRU talað... klukkan að verða 22 á mánudagskvöldi er þá einhver kona svo desperate að komast í eldhúsið aftur að hún horfir á Önnumat núna? Er í alvöru ekki hægt að finna einhverja afþreyingu fyrir fólk? Maður eldar á hverjum degi (og finnst það mátulega hundleiðinlegt) og þarf að kaupa í matinn reglulega (eins sjaldan og ég kemst upp með). Það er ekki séns í helv... að ég nenni að horfa á fólk elda í sjónvarpinu. Er bara hundpirruð á þessu fáránlega sjónvarpsefni á miðju kvöldi. Ég bara neita að trúa að nokkur sé svo áhugasamur um matargerð að það þurfi að smella þessu á skjáinn á kvöldin. Mun skárra að hafa þetta fyrr á dagskrá, um kl. 18 eða eitthvað. Legg reyndar til að þetta sé sýnt klukkan þrjú á næturna, það myndi henta mér fínt skoh... já eða bara sleppa þessu! Ég ætla hins vegar ekki að pirra mig of mikið á þessu, geri bara eins og oft áður og kíki á eitthvað sem ég hef haft vit á að taka upp þegar ég hef ekki haft tíma til að horfa þegar eitthvað sem vekur minn áhu...

Litlir snillingar :o) Egyptaland til forna var gamalt. Það var byggt sígaunum og múmíum sem öll skrifuðu með fornu letri. Þau áttu heima í Sara-eyðimörkinni. Veðurfarið í Sara er þannig að íbúarnir neyðast til að búa annars staðar. Móses leiddi hebresku þrælana að Rauðahafinu þar sem þeir bjuggu til ósýrt brauð en það er brauð án nokkurs innihalds. Móses fór síðan upp á Blásýrufjall (Mount Cyanide) til að sækja boðorðin tíu. Hann dó áður en hann komst nokkurn tíma til Kanada en boðorðin náðu að komast. Johann Bach samdi mörg frábær tónverk og átti fjöldann allan af börnum. Inn á milli æfði hann sig á gamlli piparmey sem hann geymdi uppi á háalofti. Bach dó frá 1750 til dagsins í dag. Bach var frægasta tónskáld í heimi og líka Hendel. Hendel var hálfur Þjóðverji, hálfur Ítali og hálfur Englendingur. Hann var mjög hávaxinn. Beethoven samdi tónlist þrátt fyrir að vera heyrnalaus. Hann var svo heyrnalaus að hann samdi háværa tónlist og var faðir rokksins. Hann fór í langar gönguferðir ...

Dogs go for bone... men go for curves :o) Fannst bara rétt að halda þessu til haga... Later

Fór með krakkann til læknis áðan til að athuga með hljóðhimnuna sem sprakk svo glæsilega fyrir mánuði síðan. BH fór með drenginn fyrir tveimur vikum og þá var enn gat, en það hafði gróið mikið og gatið var því lítið. Í dag spurði læknirinn hvort KEB væri viss um að það hefði verið vinstra eyrað. Ekkert hægt að sjá og allt vel gróið. Þannig að nú má hann fara í sund og synda eða láta eins og bavíani, allt eftir því hvað hentar hverju sinni. Móður hans er að sjálfsögðu umhugað um heilsu hans og mæltist því til við hann að hann myndi vera snöggur að beygja sig ef einhver ætlaði að slá til hans í leik eða slagsmálum :o) Mér finnst það gott ráð! Later

Lítil frétt á forsíðu Fréttablaðsins í dag fjallar um meint lauslæti Neanderdalsmanna. Fræðingar byggja kenningar sínar á því að baugfingur er almennt lengri á þessum fornmönnum en vísifingur. Vildi að ég hefði vitað þetta fyrr. Vissi ekki að ég væri samkvæmt fingrafræðunum lauslát í eðli mínu. Vissi reyndar að samkvæmt einhverjum gaur einhversstaðar, sem kom fram í heimildaþætti um íþróttafólk, hélt því fram að hann gæti spá því hver myndi hlaupa hraðar af tveimur keppendum. Keppendum sem hann þekkti ekki. Og hann spáði yfirleitt rétt... mörg pör sem kepptu. Hann leit á hendur þeirra og spáði þeim sem höfðu lengri baugfingur en vísifingur sigri. Og það stóðst oftar en ekki. Passar ágætlega í mínu tilfelli því ég var sæmilegur hlaupagikkur sem krakki og unglingur. Reyndar hefur mér alltaf fundist leiðinlegt að hlaupa bara eitthvað... enda get ég ekkert hlaupið að viti lengur :o/ En þetta er alveg nýtt. Og þar sem baugfingur er töluvert lengri en vísifingur þá er ég bara verulega lauslá...

BH vill að ég sé með vídeóblogg... hann þreytist seint við að gera grín að konunni sem eldar ofaní hann. Hugaður? eða Heimskur? veitiggi! Hann kom með hugmynd að upphafsatriði... Þegar næsta lína er lesin þá er best að syngja hana í anda þess þegar biskup Íslands tónar... og þá eruð þið með þetta! Ég þarf ekkert vídeóblogg... þið sjáið þetta bara fyrir ykkur :o) "Víííídeóóóóó bloggiiiið skriiifaði, nööööldrarinn og tuuuuuuðarinn..." o.s.frv :o) En þar sem ég hvorki syng né tóna þá er þetta sjálfdauð hugmynd. En góð samt því við skemmtum okkur vel við að útfæra þetta í bíltúrnum okkar í Skorradalinn í gær. Þangað sem við fórum barnlaus í fyrsta sinn í fimtán ár :o) Later

Já það er kominn snjór og þá kætast vitleysingarnir á þessu heimili. Eins og öllum heilbrigðum husky heimilum. Við BH fórum í gær um ellefu leytið í Grafarvoginn og hittum Olgu og Hrímu. Ákváðum að prófa sleðakvikindið sem smíðað var síðastliðinn vetur. Pínu ögn af snjó og við vorum komin út. Í stuttu máli þá gekk fáránlega vel framanaf. Ronja alveg spök gagnvart Hrímu og þær hlupu hlið við hlið eins og þær hefðu aldrei gert annað og alltaf verið bestu vinkonur. Úlfur náttúrulega bara kátur með nýja vinkonu. Þegar Ronja fór að átta sig á því að þetta var svona framogtilbaka ferðir þá hætti hún að nenna þessu og fannst þetta ekki fyndið... Svo það var sjálfhætt en við náðum að vera úti að átta okkur í um klukkustund. HRIKALEGA GAMAN! (já nema þegar ég réði ekki við neitt og fór út í runna og rakst kannski á smá grindverk eða eitthvað... en annars bara HRIKALEGA GAMAN) Í dag um sexleytið hittumst við svo aftur í Grafarvoginum, tilbúin með leið í þetta sinn.... Hring þarna út á nesi á mi...

Drengurinn var að fá niðurstöður úr samræmdum prófum 10. bekkjar í ár. Þrátt fyrir misjafnar skoðanir um ágæti þessara prófa, og ég veit ekki alveg hvað mér á að finnast, þá er ég að springa úr stolti núna. Honum gekk ljómandi vel og ekkert hægt að biðja um meira... ja nema maður ætli að pressa TÍU í öllu. Sem ég geri ekki því það er svo margt annað sem er skemmtilegt að gera og vera góður í :o) Endurtek... er SÚPER STOLT móðir í dag :o) Later

Hringt áðan og sagt að KEB þyrfti ekki að bera út í fyrramálið. Smá blendnar tilfinningar. Fínt að hann fái pening og hafi vinnu. En erfitt að vakna snemma þegar íþróttir eru langt fram á kvöld. Hann sagði upp í síðasta mánuði og uppsagnarfresturinn var til 19. janúar. En það sótti áhugasamur blaðberi um götuna hans og því getur hann hætt fyrr. Hann er búinn að bera út síðan í lok janúar 2008 og hefði haldið áfram ef íþróttirnar væru ekki til kl. 20 og 21 á kvöldin - hann kominn þá heim kl. 21 og 22. Var ekki að ganga. Hann varð stundum örþreyttur þrátt fyrir aðstoð frá mömmunni sinni ákveðna daga. Aldreifing sem nýlega er komin bæði fimmtudaga og föstudaga var ekki að hjálpa heldur. Við BH vorum að taka það stundum kvöldið áður svo hann ætti léttari morgna. Við fengum hrikalega fyndna kvörtun um daginn. Ég lá veik þetta miðvikudagskvöld og KEB bar því út blaðið Finnur sjálfur. Daginn eftir hringdi starfsmaður moggans frekar svona hmm já kvörtun sko, een! Kvörtunin hljóðaði upp á það a...

Úlfurinn minn átti tveggja ára afmæli í gær. Opinberlega komin í fullorðinna hunda tölu. Löglegur í allan pakkann, drátt af öllu tagi. Og hvað gerðum við fjölskyldan? Við GLEYMDUM því að hann ætti einu sinni afmæli. Ég er búin að hugsa þetta allan mánuðinn, því ég vissi að við myndum gleyma þessu. 29. dagur mánaðar kemur bara of seint til að ég haldið það út að muna þetta allan tímann. Allir hinir í fjölskyldunni eiga sem betur fer daga sem auðvelt er að muna, eða það finnst okkur alla vega. Öll snemma í mánuðinum og svona eitthvað. Þannig að Úlfurinn líður fyrir getuleysi fjölskyldunnar að muna afmælisdaginn hans. Það vill til að honum er svo slétt sama að þetta sleppur alveg. Mundi þetta áðan og tók þá út steik fyrir kjánana - kjúklingavængi sem þau geta fengið sér eftir erfiði dagsins. Er ekki big fan á að gera mikið úr hundaafmæli á þessu heimili. Fæ smá aulahroll þegar ég sé myndir af hundum með hatta og steikur með kerti... er eitthvað ekki að sjá tilganginn. En hey, það er bara ...

Síðasta miðvikudag er ég var að hafa mig til í badmintonið fann ég ekki nýja fína spaðann minn. Var heldur pirruð, búin að nota gripinn þrisvar sinnum. Spaðinn var afmælisgjöfin mín í sumar frá BH og krökkunum, ásamt risa surprise partýinu :o) Ég leitaði og leitaði en hafði ekki erindi sem erfiði. Ég ákvað að sennilega hafði ég gleymt honum er ég fór í skóna mína eftir tímann miðvikudaginn þar áður. Sem var heldur klaufalegt þar sem ég í hroka mínum, feita gríninu, hafði sagt við pabba að ég myndi geyma minn spaða sjálf. Tæki enga sénsa á að einhver annar myndi týna honum svo ég myndi ekki vinna alla leiki :o) Málið er að hann hefur alltaf lánað mér einn af sínum spöðum, komið með spaða samviskusamlega s.l. þrjú ár. Og geymir einnig spaðann sem SBK keypti sér í fyrra haust. Ég spurðist fyrir síðasta miðvikudag í afgreiðslunni hvort gæti verið að það hefði gleymst spaði viku fyrr. Var spurð hvort ég vissi hvernig spaði þetta væri og ég hélt það nú. Var í hulstri og heitir Nanospeed (já ...

" Valgarður L. Jónsson: Hjón eru eitt Birt hefur verið áskorun frá kvennasamtökum til íslenzkra kvenna varðandi framboð konu í embætti forseta íslands á næsta vori. Ég tel mig einn þeirra Íslendinga sem bera mikla jafnréttiskennd í brjósti. Því er ég mjög mótfallinn öllum öfgaáróðri fyrir auknum rétti einum manni til handa, á kostnað annars. Þar á ég við að skórinn sé troðinn niður af einum til að koma öðrum fram. Vissulega ber að muna að konan var misrétti beitt um langa tíð varðandi mannréttindi, sem karlinum hlotnuðust. Það er sorgarsaga, sem núlifandi eldra fólk kannast vel við. Óréttlætið er ekki lengra undan en þetta. Konur máttu sætta sig við að hafa hvorki kosningarétt né kjörgengi. Forystumenn í þjóðfélaginu hafa hælt sér af því að bæta launamisréttið. Sannleikurinn er sá, að þetta misrétti var svo mikil þjóðarskömm, að þetta átti að laga án orða og án þess að hæla sér af. Þetta líkist því að skila stolnum hlut til baka, þó ekki öllum. Húsmóðurstarfið á íslandi hefur aldr...

MAMMAAA ?? í huga hennar hefur fylgt... "hvað í ósköpunum ertu að gera þarna undir rúminum mínu???" Í gær var vinkonar hennar KBB hérna hjá okkur og þær skemmtu sér vel við fiðluspil og við hjónin nutum alls konar skemmtilegra jóla- og abbadúetta á fiðlu. Skemmtilegheitin enduðu snögglega þegar KBB kom til mín og sagði mér að Katla hefði ælt í vaskinn. Verulega skemmtilegt. Góð lykt og allur pakkinn, en ekki dropi út fyrir og rest í klósettið. Ég hjálpaði dömunni þreif allt saman og bauðst til að keyra skottuna heim. Hún vildi það ekki. Skoppaði bara á hlaupahjólinu sínu og KBB fylgdi henni. Sagðist vera batnað í maganum, liði miklu betur. Ég vonaði náttúrulega að barnið yrði ekki meira veikt, að þetta væri bara búið þarna. En hafði varan á mér að skottan mín gæti gripið þetta í sig líka. Eftir að ma og pa voru hér í mat, ma hjálpað mér með prjónauppskriftina, þar sem villa virðist vera, og ég búin að glápa á sjónvarpið til kl. 23:30 kemur mín litla fram og segist vera illt í...

Gáfumst upp í gær. Úlfur er kominn heim aftur. Sjáum ekki alveg tilganginn í því að hafa hann í pössun þegar tíkarspottið virðist ekkert ætla að lóða. Spurning hvort hún drífi í því núna fyrst hann er kominn heim? - þá fer hann bara aftur til SBK, sem reyndar saknar hans sárt. Ég var farin að halda að hún ætlaði með hann úr landi til að þurfa ekki að skila honum heim til sín :o) Later

Við mæðgur sátum inni í eldhúsi um helgina þegar sú litla segir "Svava var að fá kínaskó" Já - eru það svona með spennu eða upp á ristina spyr ég. Hún hélt það væru svona upp á ristina. Ég tjáði barninu að ég ætti gamla "stelpukínaskó" með spennu. Fór í þvottahúsið og gramsaði í tonnum að skótaui sem fylgir fjögurra manna fjölskyldu. Fann fljótlega það sem leitað var að og sýndi dömunni skóna fínu. "Hmm, eru þetta kínaskór?" Ég hélt það nú, alvöru kínaskór. Alla vega hétu þeir það hjá okkur í gamla daga. Átti reyndar alltaf strákaskó er ég var krakki. Keypti þessa er ég var komin fast að tvítugu. Með fínu bómi fremst á skónum og stelpuspennu svona... reyna að vera dama þarna að verða tvítugt. Sumir myndu segja að tími hafi verið kominn til. Næst sem ég veit er að ég er að smeygja mér í annan skóinn og dóttirin greip hinn. Er ég var að smella spennunni sé ég að hún er að troða sér í hinn skóinn. Ég fór að hlæja og sagði að hún ætti ekki séns, hún kæmist ald...

Ég er að spá í að notfæra mér veiðieðlið í tíkinni minni. Ég er engin sérstök fuglaáhugamanneskja og er orðin þreytt á að fuglar reyni sitt besta til þess að breyta húsinu mínu í raðhús á vorin. Og nú eru þessir vitleysingar farnir að athuga með hreiðurgerð að hausti líka. Nenni þeim ekki. BH hefur ekki undan við að koma þeim í burtu á vorin og fylla upp í öll möguleg og ómöguleg göt í þakskyggninu hjá okkur. Spurning hvort hann láti verða af því einn daginn að KLÁRA að loka þessu almennilega? Ætli það verði ekki bara þegar hann verður búinn að lakka alla opnanlegu gluggana hjá okkur. Það eru bara tíu ár síðan það átti að gerast :o) Þetta hlýtur að vera í tímaröð. Litla sem okkur var bannað að setja stormjárnin á sínum tíma því það átti eftir að lakka opnanlegu gluggana. Ætli við værum ekki ennþá með alla glugga hérna blakandi í haust og vetrarlægðunum ef frúin hefði ekki eina óveðursnótt staðið upp á stólum og skrúfað stormjárn í gluggana sem skelltust hérna fram og aftur á meðan karl...

Fór í foreldraviðtal með KBB í gær. Alltaf sama sagan - ótrúlega flott og vel gerð stelpa sem við eigum. Hún tilkynnti okkur á leið heim að hún væri nátttúrulega fullkomin þegar faðir hennar hrósaði henni fyrir að vera svona dugleg. Ég stóðst ekki mátið og sagði að það væri gefið þegar foreldrarnir væru fullkomnir þá gæti þetta ekki klikkað - já já allt í lagi að vera með grín á miðjum degi. Það er alls staðar verið að skera niður í þjóðfélaginu og ekki síst í menntamálum á öllum stigum. KBB kvartar sáran undan þessu. Vældi á fundinum um hversu ósanngjarnt það væri að krakkarnir árinu yngri en hún fái að vera einni klukkustund styttra en hennar árgangur í skólanum - miðað við hennar árgang í fyrra og árið þar áður líka. Óréttlæti heimsins er takmarkalaust að hennar áliti. Við útskýrðum fyrir henni að í raun væri hún heppin - fengi bara meiri tíma og þá betri kennslu. Hún var ekki að skilja þessi rök og vildi meina að þau væru ansi máttlaus. Svo ég tjáði dóttur minni að ég skyldi sjá ti...

Hóf daginn á að heilsa upp á Jón. Hann hafði ekki fengið neitt yfir ævintýri sumarsins. Ætlaði að fá skýrslur og skjöl yfir þau og hugsa svo málið hvort minns fái gott frí í boði íslenska heilbrigðiskerfisins. Held að ekkert verði úr því, sennilega verður búið að loka sjoppunni áður anyways. Hann var eitthvað að velta fyrir sér geislajoði - nokkuð sem ég taldi (hafði verið sagt mér) að ég myndi ekki fá aftur því kroppurinn þyldi bara ekki meira af svo "góðu". En hvað veit ég? Kannski er svo langt um liðið núna að það er allt í lagi að henda í mig litlum skammti og vona svo það besta. Var send í blóðprufu hjá dömunum frammi og beiðni send í Domus um ómskoðun og tími aftur hjá Jóni eftir hálft ár. Standard pakki. Hringdi í tryggingastofnun er ég kom heim til að fá upplýsingar um endurgreiðslur í tengslum við tannréttingar KEB og til að vita hvert lágmarkið væri í afsláttarkort fyrir aumingja. 27.000 krónur fyrir fullorðna og vesæli vitleysingurinn á þessu heimili hefur náð því ...

Hvolparnir hennar Sisku komnir á flickr hjá BH. VARÚÐ ekki skoða þessar myndir nema vera viðbúin því að bráðna og fá hvolpafiðring. Þeir eru aðeins of ætilegir og mikil löngun grípur allt venjulegt fólk að fá einn svona hnoðra. Margir ráða hreinlega ekki við sig og eiga því fleiri en einn og jafnvel fleiri en tvo. Svo nú er ég búin að vara fólk við og þið kíkið á myndirnar at your own risk :o) Later

Jæja þá hlýtur drengurinn að vera opinberlega orðinn 15 ára. Fimmtudagskvöldið kom fjölskyldan í smá matarboð í tilefni herlegheitanna og nú í kvöld streymdu svo glæsileg ungmenni á staðinn og skemmtu sér fram eftir kvöldi og yfir miðnættið. Nú þegar allir hafa komist til síns heima og við förum í rúmið að hvíla okkur - hugsa ég til þess með yl í hjarta að það eru alveg fjórir mánuðir í næsta afmælispartý á þessu heimili. Veit ekki hvað ég er að kvarta þessir krakkar eru yndislegir og ég er heppin hvað börnin mín eiga góða vini :o) Later

Frumburðurinn er 15 ára í dag... 15 ár síðan belgurinn sprakk og vatnið frussaðist niður í rúmið mitt eftir að ég var NÝSOFNUÐ. Krakkinn kom mánuði of snemma og hefur verið að flýta sér síðan. Hlýtur að vera, hann er orðin 15 ára og hann fæddist í fyrradag. Later

Nenni aldrei að lesa skilaboð í heimabankanum - en las þetta áðan, búið að vera þarna lengi... Kæri viðskiptavinur Fjármálafyrirtækjum er skylt, samkvæmt lögum um aðgerðir gegn peningaþvætti og fjármögnun hryðjuverka, að framkvæma áreiðanleikakönnun á viðskiptavinum sínum með því að taka afrit af gildum persónuskilríkjum þeirra. Áreiðanleikakönnunin er liður í því að auka öryggi í viðskiptum og koma í veg fyrir auðkennaþjófnað. Samkvæmt viðskiptamannakerfi Íslandsbanka átt þú eftir að láta taka afrit af skilríkjunum þínum og biðjum við þig um að snúa þér til næsta útibús Íslandsbanka við fyrsta tækifæri og hafa gild persónuskilríki meðferðis. Gild persónuskilríki eru vegabréf, ökuskírteini og nafnskírteini. Frekari upplýsingar má nálgast á vef bankans www.islandsbanki.is eða hjá þjónustuveri Íslandsbanka í síma 440-4000. Virðingafyllst, starfsfólk Íslandsbanka Við erum ekkert að grínast með þetta neitt - róleg. Ég er ekkert á leiðinni neitt í bankann til að þeir geti tekið ljósrit af s...

Úlfur fór áðan með SBK - er í útlegð á meðan tíkin lóðar. Hún er ekki að skilja þetta. Vælir hérna og leitar að besta vini sínum og sálufélaga. Spurning hvernig hann á eftir að standa sig á nýju heimili. Ætti að bjargast því hann fær heiðurssess í herbergi húsmóðurinnar. Við mannfólkið erum frekar aum líka því við kunnum ekkert að vera án þessara kjána okkar. Það er eins gott að hún lóði strax og ljúki þessu, því ég nenni ekki að þetta teygist lengur en þarf :o/ SBK er alsæl, loksins er vitleysingurinn kominn til hennar - bara búin að bíða síðan í júlí eða eitthvað! Later

Einn lítill frændi hans BH, sem býr í California núna, bað móður sína um að redda sér rjóma og vatni. Þegar móðir hans vildi vita til hvers, svaraði sá stutti að hann ætlaði að búa til snjó. Ég ætla að reyna þetta á eftir :o) Later

Djö... grín - sorry en að ákæra bara fyrrverandi forsætisráðherra er lélegt grín. Allir eða enginn. Greinilegt að það skiptir bara máli hverjir eru í meirihluta á þingi. Aumingjar með hor og slef, það er mitt álit á þessu háttvirta þingfólki... Fúl

Sæl öll Af gefnu tilefni vil ég minna á að gsm eru ekki leyfðir í kennslustundum. Það er því miður ansi algengt að foreldrar hringi í miðri kennslustund. Fékk þetta bréf í tölvupósti áðan og veit ekki alveg hvað mér á að finnast... annað en fyndið bara :o) Fólk er svo skemmtilega í sínum eigin heimi ! Later

Hvað á að gera við fólk sem er svona takmarkað?? Fólk sem í alvöru setur fram svona hugmyndir ! Sem betur fer var þessu frumvarpi hafnað. Því miður þá komast alls konar mannréttindabrot í lög víðs vegar um heiminn reglulega. Eða svona ruddaskapur viðgengst án þess að nokkuð sé gert til að breyta til hins betra. Þoli ekki svona endemis forræðishyggju og heilagleika fólks. Helv... geislabaugurinn er svo þröngur á þessu liði að súrefni virðist bara ekki komast í nægu magni til heilans þannig að það geti hugsað heilbrigða hugsun. Later

SBK tók sig til og úrbeinaði tvö rollugrey í litla eldhúsinu sínu. Eftir að hafa hakkað allt kjötið þá sat hún eftir með beinin. Bauð mér að hirða þau fyrir hundana, sem ég þáði að sjálfsögðu. Tók svona mestu fituna af þeim bitum sem voru eiginlega bara fita. Tel að kvikindin mín fáí í magann annars. Eftir að hafa pakkað þessu í poka var þessu skellt inn í frysti til geymslu. En að sjálfsögðu setti ég í ísskápinn til að gefa þeim strax. Þau voru svo ánægð og kát hjá mér í eldhúsinu á meðan ég gekk frá þessu öllu saman. BH var ekki eins glaður. Hann gekk um með snúið upp á nefið og talaði sífellt um líklykt. Fussaði og sveiaði því hann getur ekki hugsað þetta til enda :o) Í gær var hugmyndin að gefa þeim sitthvorn lærlegginn en það rigndi svo geðbilað að dýrin voru farin að raða sér upp hérna fyrir utan, tvö og tvö saman. Svo hundarnir mínir voru bara inni, fóru ekki út í gerði. Rétt fóru út í tæplega níu kílómetra hjólatúr. BH mátti þakka fyrir að drukkna ekki á leiðinni, slík var rign...

Horfðu á þetta og veltu því fyrir þér hvað þú myndir gera ef þú yrðir vitni að svona dónaskap. Ég veit ekki hvort ég myndi vaða í viðkomandi... held samt eftir að hafa horft á þetta að ég myndi kannski sparka í rassgatið á honum! Later

Vildi að ég væri að fara til Spánar í góða veðrið. Í staðinn fæ ég að vera bílstjóri út á flugvöll með alvöru ferðalangana. Reyni að gera það besta úr því. Ég væri annars að fara að spila golf... kannski og ég hata golf. Svo kannski er þetta bara fínt að vera hérna heima í suddanum. Maður fær nóg af fersku lofti. Þarf ekki einu sinni að anda sjálfur. Maður bara opnar aðeins munninn og ferska loftinu er feykt ofan í kok og lungu. aaahhh líður strax betur :o) Later

BH smíðaði sleða síðasta vetur ásamt Viktori. Sleðinn er snilldarsmíði eins og við mátti búast. En ákveðið var að sá sleði væri kannski helst til vígalegur og í þyngri kantinum. Svona birgðasleði. Nú á að smíða annan sleða, miklu ódýrara að smíða sjálfur heldur en að kaupa að utan. Þeir kosta yfir hundrað þúsund komnir til landsins. Bara einfaldur léttur sleði. En þar sem við höfum mikinn áhuga á að koma fleirum í það að eignast sinn eiginn sleða ákvað BH að hrúga saman fólki á smá fund og kynna fyrir því hversu auðvelt þetta væri í raun. Þ.e. að smíða sleða. Reyndar var fólk fengið á staðinn líka til að athuga hvort áhugi væri fyrir að fá mann til landsins til að kenna undirstöðuatriði í svona sporti. Hugmyndin er þá að fara á Vatnajökul í mars og fá leiðsögn snillingsins Ararat - vonum að það megi verða og að hægt sé að hafa gagn og gaman að. En sleðasmíðin... vorum svona að vona að það yrðu kannski smíðaðir lágmark fimm sleðar. Við og Viktor með sitthvorn, vantaði þá þrjá í viðbót o...

Þegar ég kom heim úr búðinni í dag, og búin að pirra mig á kassastarfsmanninum í huganum, liðu ljúfir tónar á móti mér. KEB var að æfa sig á klarinettið. Drengurinn lét það eftir móður sinni að halda áfram í tónlistarskólanum. Hann er að fara að spila í messu á sunnudaginn. Ekkert lítið gaman að hlusta á hann spila, hann er svo flottur. Úlfi mínum finnst það líka. Hann var úti í garði með spúsu sinni og spangólaði af innlifun með klarinettutónunum sem bárust innan úr húsi. Það spangólar enginn líkt og þessi rakki hérna. Held hreinlega að hann hafi tóneyra eins og börnin í fjölskyldunni. En Ronja mín - sem venjulega heyrist lítið í - hún er líkari fullorðna fólkinu á heimilinu. Svona bara stefnulaust væl sem kemur úr hennar hálsi blessaðri :o) Nú situr KBB hérna og æfir sig á fiðluna sína. Kemur til af arfaslöppu sjónvarpsefni. Úlfur tekur vel undir með henni á köflum og það er alltaf jafn frábært :o) Svona eins og það sé sjúkrabíll í stofunni - hávaðinn er slíkur LoL Hún hefur verið ex...

Sit hérna við tölvuna því ekki er neitt í sjónvarpinu. Hvað er málið með alla þessa matreiðsluþætti. Í alvöru...? Ég er ekki að ná þessu. Þetta er svona með því leiðinlegra sem ég geri í lífinu. Elda mat - come on people :o/ Þetta er ekki sjónvarpsefni til að hafa kl. 21 á kvöldin. Ég er samt að spá í að útbúa minn eigin matreiðsluþátt fyrir sjónvarp. Fyrir svona fólk eins og mig. Ég myndi kalla hann "gerðu eitthvað skemmtilegra" Þetta yrði bara einn þáttur þar sem ég myndi koma fólki í samband við símaskránna, gulu síðurnar. Þar getur fólk fundið alls konar veitingastaði, símanúmerin þeirra og svo bara fá heimsent. Svo væri ég með ýmis ráð til sníkja mat hjá vinum og vandamönnum - jafnvel nágrönnum. Fyrstu þrjár mínúturnar af þættinum færi í þetta - svo myndi ég náttúrulega koma með hugmyndir að einhverju mun skemmtilegra að gera heldur en að elda mat. Later

Ég velti því oft fyrir mér þegar ég fer að versla hvort ekki væri sniðugt, jafnvel bráðnauðsynlegt, að vera með námskeið fyrir fólk sem afgreiðir á kassa. Fólkið sem tekur við vörunum okkar af færibandinu, dúddar það í gegn, og yfir hinum megin við dúddið svo við getum sett í poka. Ég er svona vitleysingur sem raðar ofan í andsk... körfuna til að koma þessu gáfulega fyrir í henni og svo til að koma þessu gáfulega upp á færibandið. Allt útpælt til að vörurnar mínar komist heilar heim og mig langi til að éta þetta eða nota óskemmt. T.d. þoli ég ekki í Krónunni að mjólkin skuli vera í kæli innst í búðinni. Frekar erfitt að koma tíu lítrum af fernum í körfuna eftir að vera búin að rölta fyrst í gegnum alla búðina. Gefur auga leið að tómatarnir og brauðið og fleira þolir illa að fernurnar hlammist ofan á það. Ég er alveg með kerfi og yfirleitt sleppur þetta ágætlega, en það er að sjálfsögðu bara vegna þess hve ég er klár :o) Svo kemur maður á kassann - gekk svo langt að í Bónus var ákveðinn...