Míkrósaga

Það kólnaði svo snögglega í gær eitthvað að við áttuðum okkur ekki á því fyrr en við vorum orðin loppin á fingrunum hérna við matarborðið hjónin. Allir ofnar voru settir á fullt en það dugði eiginlega ekki til, tekur smá tíma að hita heilt hús. Ofnarnir voru á fullu hérna í alla nótt líka. Ég vaknaði kl. 5:30 í morgun við smá ýlfur. Svona mjálm í Ronju minni, vantaði augljóslega að komast úr búrinu sínu. Það var kalt í herberginu mínu því glugginn var opinn. En það var að sama skapi óskaplega hlýtt undir sænginni minni. Ég virðist vera sú eina sem vakna við svona smáhljóð í þessari fjölskyldu. Ég nennti svo innilega ekki framúr vitandi að sennilega þyrfti tíkin út að míga. BRRRR út? Já nei takk bara sama og þegið, veit hún ekki hvað er kalt þarna úti núna? En ég vissi líka að ef hún vælir á mig greyið þá er það aldrei að ástæðulausu. Hana vantar eitthvað. Svo ég skrölti fram og opnaði fyrir henni og hún rauk beint út úr búrinu sínu. Greinilegt að hún þurfti virkilega að komast fram. Sv...

Nú ætla ég ekkert að halda því fram að ég sé beint fittest - enda búin að bæta vel á mig s.l. 3 ár LoL. Nei sko meina hæfust, held ekkert að ég sé hæfust. En sæmilega hæf samt til að komast af. Var hjá föðurömmu minni og afa í heimsókn sennilega fyrir jólin bara. Jú hef farið eftir það en í þessari ákveðnu heimsókn vorum við að spjalla. Amma var að fjargveðrast yfir því hvað þunglyndu fólki er klappað hægri vinstri. Umræðan kom til af því að föðursystir mín starfar fyrir félagsþjónustuna held ég örugglega. Starfið sem hún sinnir fyrir þessa stofnun felst í því að létta þunglyndu fólki lífið og kannski líka öðruvísi veiku fólki - veit ekki - alla vega við vorum að tala um þunglynda. Frænka mín fer með einstaklingum sem eiga við þunglyndi að stríða í bíó eða eitthvað - svona dregur það út úr húsi að gera eitthvað í stað þess að hanga bara heima og horfa á málninguna flagna af veggjunum. Ömmu finnst þetta svo mikið bull, kallar þetta að klappa fólki. Finnst að fólk eigi bara að rífa sig u...

Helstu tíðindi þessarar viku eru þau að hundkvikindið hans BH (bara minn þegar hann hegðar sér) tók það að sér að ná sér rúgbrauðið sem átti að vera með fiskinum í fyrradag. Ég var búin að hafa allt til, vildi að fiskurinn yrði pínu lengur í ofninum og settist því hérna inn í stofu til að kíkja aðeins á sjónvarpið. Þegar ég kom fram aftur var litli óþekktarormurinn að sporðrenna síðustu mylsnunum af rúgbrauðsneiðunum sem voru næst borðendanum. Þokkalega sem hann fékk að heyra það og var hent inn í búr. Þar sem hann sat greyið á meðan við borðuðum. Ég hefði mátt vita að svona gæti gerst því daginn áður hafði hann laumast með loppurnar upp á borðið við uppþvottavélina til að laumast í kjúklinginn sem þar var. Við vorum þrjú við eldhúsborðið að snæða kvöldmat þegar KEB gargar allt í einu "NEI ÚLFUR". Svo ég mátti rjúka á fætur til að taka í orminn og henda honum inn í búr... þar sem hann sat á meðan við borðuðum. Mikið sem hann lærði af þessu :o/ KEB er eins og þeytispjald á mil...

Ætli ég sé loksins orðin gömul? Ég vaknaði í morgun kl. níu áður en vekjaraklukkan mín hringdi á mig :o) Og ekki alveg úber þreytt - þetta gerist ekki! Svo nú velti ég því fyrir mér í fullri alvöru hvort ég sé komin á þann aldur sem fólk "bara getur ekki sofið lengur á morgnana". Ég sef alltaf bara og sef þar til á hádegi og fer þá bara framúr vegna þess að það er ekki við hæfi að hanga lengur í bælinu. Sko bara um helgar samt! Get sooooofið endalaust. Svona 12 tímar á sólarhring eins og litlu börnin, það er alveg passlegt fyrir mig :o/ Þoli ekki þessa svefnsýki mína og er því búin að hlakka til að geta ekki sofið lengur á morgnana. Nú er bara að sjá til í fyrramálið hvort ég verði eins hress ! Later

Byrjaði daginn á því að ganga pínu hring hérna með Ronju mína. Hún er ekki að skilja þetta. Nennir ekki að hanga inni í góða veðrinu. Okkur hlakkar til að geta leyft henni að hlaupa um án þess að hafa áhyggjur af skurðinum á loppunni. Og til að komast fyrr í bæinn á safnið þá ákvað ég að hjóla með Úlfinn minn. Svo hann fékk fína hreyfingu og ég gat leyft mér að stytta tímann aðeins og komast fyrr af stað. Er að spá í að senda inn erindi til stjórnenda Þjóðskjalasafnsins. Væri nefnilega svo til í að það væri lokað á föstudögum en ekki mánudögum á safninu. Það myndi nýtast mér miklu betur. Í dag strauk ég um kl. 14:30 þrátt fyrir að það sé opið til kl. 16. Ég sá bara ekki fram á að komast yfir allt sem ég átti eftir að gera í dag nema hætta snemma. Þannig að eftir kl. 14:30 skoppaði ég um bæinn í alls konar erindagjörðum. Kom KBB á hestbak í fyrsta sinn í vikunni. Daman lukkuleg með það. Ákvað að drífa hana í hesthúsin til frænku sinnar fyrst ég þurfti hvort sem er að keyra á milli staða...

KEB tók þátt í skólahreysti í dag fyrir Lágafellsskóla. Hann hljóp hraðabrautina ásamt Thelmu í 10. bekk. Thelma náði víst góðu forskoti sem KEB rétt náði að halda. Þau stóðu sig svo vel að þau voru með besta tímann í sínum riðli. Lágafellsskóli lenti í öðru sæti í heildina í riðlinum. Nú vonast þau til að hafa nógu hátt skor til að komast áfram í undanúrslitin. Krossa fingur :o) Fórum með Ronju til dýralæknis á mánudaginn. Kolla husky hjúkka nr. eitt á Íslandi kíkti á drottninguna okkar bara á biðstofunni og sagði okkur að hafa ekki áhyggjur. Sárið væri byrjað að gróa og leit ekki illa út. Eigum bara að halda því hreinu og bera á það AD krem áfram. Gefa þessu viku. Jájá reynið að útskýra það fyrir Ronju. Hún er að verða hálf biluð á að hanga svona inni. Þau eru vön að vera úti alla daga allan daginn. Eru búin að vera meira og minna inni síðan fyrir síðustu helgi. Og ég lítið heima þessa dagana svo þau eru ekki alveg að skilja þetta. Verð að hafa þau inni í búri á daginn þegar enginn e...

Ætla með tíkina til dýralæknis á eftir. Okkur finnst skurðurinn ekkert vera að gróa. Hann er svo sem ekki að versna heldur samt. Hún er orðin heldur fúl að hanga svona inni með auman fót. Reyndi að draga mig að gerðinu áðan og beið spök eftir að ég opnaði. En var dregin inn aftur litla músin. Með sokkinn á fæti og plastpoka yfir. Úlfur hérna að reyna að fá hana til að leika við sig líka. Vona að dýralæknirinn geti flýtt eitthvað fyrir batanum og vona líka að það þurfi ekki að sauma. Þetta er ömurlegur staður fyrir svona skurð. Bíllinn eitthvað lasinn líka. Stýrið orðið stíft og furðulegt. Lyktar eins og að rándýr viðgerð sé framundan. Vona ekki samt - vona að þetta sé eitthvað olíumál bara. Sjáum til hvernig dagurinn fer. Vona að bæði tíkin og bíllinn læknist fljótt og ódýrt ;o) Later

KEB æfir sig á klarinettið og við KBB sitjum hérna í stofunni og erum að pissa á okkur úr hlátri. Úlfur tekur svo vel undir að þakið ætlar af húsinu. Elska þennan hund og óhljóðin úr honum :o) Sátum við eldhúsborðið áðan og við hjónin fylgdumst aðeins með fréttum. Svo komu auglýsingar. Man nú ekkert hvað var verið að auglýsa, man bara þessa setningu "ég var að klára ritgerðina..." Þá heyristi í drottningunni við hliðina á mér: "heyrirðu það mamma - KLÁRA ritgerðina" Það á að halda áfram að sparka í liggjandi konu greinilega - ég verð að taka því eins og hverju öðru hundsbiti - vona samt að hundarnir bíti mig ekki. Það er verulega sárt - Ronja mín búin að sýna mér fram á það þessi elska. Reyndar bara þegar hún var hvolpur samt :o) Það yrði sennilega höndin af núna ef hún léti vaða í mig. Við BH gáfum þeim bein í gær - svona stórgripalegg - eftir að hafa blásið þau. Létum þau liggja í sitthvorum endanum við bílastæðið. Hann hjá fánastönginni og hún við þvottahúsdyrnar...

Það er orðið eins gott og ég ætla að hafa það. Svo því verkefni er þá lokið og allt sem átti að fara er farið :o) Nú er það bara svefnherbergið - ætti ekki að taka langan tíma. Það er ekkert lengi gert að rífa allt úr fataskápunum og henda því í svartan ruslapoka. Þetta verður vonandi ekki eins og þarna um árið þegar BH stóð, sokka, nærfata og bola laus eftir þrifæði eiginkonunnar LoL Reyni að passa það í þetta sinn. Hlakka til þegar þessu er lokið þá get ég einbeitt mér að öðru. Þjóðskjalasafnið er lokað á mánudögum. Það er ágætt svo sem þá get ég notað mánudaga í vinnu og nýtt þá hérna heima í eitthvað tilfallandi. Svo sit ég hina dagana á safninu. Þetta hefst allt saman - bara að koma sér í rútínu og þá ætti þetta að renna ljúft. Svo verða krakkarnir virkjaðir betur hérna heima. Drengurinn er nú voða duglegur, gerir það sem hann er beðinn um. Litla drottningin á eftir að ganga í allt líka - hún er samt duglegri að velja sér verkefni. Hún biður á hverjum degi núna um að elda matinn. ...

Ronja mín er enn hölt. Held samt að þetta sé ekki að versna. Hún er svo mikið krútt hérna. Kalla hana Línu Langsokkur núna. Keypti barnasokka í Krónunni í gær handa henni. Þeir eru að sjálfsögðu verulega litríkir og fínir. Það var frekar erftitt að halda á henni sokkum af okkur fjölskyldumeðlimunum. Svo þegar hún þarf að komast út þá set ég poka yfir sokkinn og teygju til að halda ósköpunum uppi. Hún er farin að átta sig á að það hjálpar að setja kremið á sárið - hún alla vega kemur til mín og leggst á bakið og leyfir mér að eiga við þetta allt saman. Fyrst varð hún reið og langaði að vaða í mig fyrir að vera að þessu fikti. En það var bara í fyrsta skiptið. Hún er skynsöm stelpa - bakka ekki með það. Það er líka dálítið sniðugt að fylgjast með henni með þennan sokk - hún er ekki alveg að kunna að vera í sokkum. Vön að vera "berfætt". KósýKvöldið mitt fór í að ryðjast inn í græna herbergi. Hreinsaði þar helminginn út. Það er núna í holinu og eldhúsinu. Planið að koma því út ú...

Never ending story - ætla að standa mig og drífa mig í bæinn í dag og hanga yfir gömlum textum. Fyrst ætla ég hins vegar að græja heimilið þannig að ég geti komið heim í kvöld og haft það kósý. Það krefst þess að skúra - jújú ég skúraði á miðvikudaginn. En það breytir því ekki að ég hefði þurft að skúra aftur á miðvikudagskvöldið og í gær og sennilega aftur núna. Geri það alla vega núna. Ronja mín er með sprungu í þófanum sínum - hún er draghölt. Þetta hefur gerst á miðvikudagskvöldið. Þá hélt ég að hún væri með klofna kló en tók ekki eftir þessu. Svo hefur þetta versnað í gær því miður. Hringdi á dýralæknastofuna og þar var mér ráðlagt nákvæmlega það sem mig grunaði. Hreinsa upp, halda hreinu og bera sótthreinsandi á þetta. Hundurinn á ekki að vera að sleikja sárið og bara setja hana í sokk. Hún var orðin nógu fúl að ég væri að fikta í fætinum á henni - hana greinilega verkjar - en þegar ég skellti svo sokk á hana eftir að hafa borið á hana AloaVera þá var henni allri lokið. Reyndi að...

Lífi mínu er lokið... þ.e. letilífinu :o/ Hef svo sem ekki legið í leti, það er full vinna bara að vera til og sjá um að allt gangi upp heima og heiman! Fór í dag á þjóðskjalasafnið og hitti kennarann og fleira gott fólk. Fékk í hendurnar fjóra kassa af 150 ára gömlum pappírum og bókum til að lesa úr. Crying outloud - held að það hafi ekki verið svona erfitt að læra að lesa þegar ég var sex ára. Var svo kát þegar ég fann eitt og eitt bréf nógu vel skrifað til að ég gæti rennt í gegnum það og skilið innihaldið. Fann m.a.s. eitt vélritað - eða prentað - eða eitthvað. Þetta lítur út fyrir að geta verið áhugavert, blaða í gegnum dánarbú og skiptabækur. Já ég veit hljómar verulega spennó :o) Ég velti því aðeins fyrir mér í dag að við hjónin værum alveg á sitthvorum endanum. Hann er nánast í framtíðinni og ég er lengst aftur í fortíðinni. Það er sagt að andstæður dragist saman og ég ætla bara að halda mig við það :o) Ég er að drepast úr kvefi. Í síðustu viku var ég í huganum ægilega ánægð me...

Hver hefði trúað því að ég gæti manað eiginmanninn í að hafa yfirvaraskegg. Það tókst - hann var orðinn vel skeggjaður því hann á það til að vera latur að raka sig. Mér tókst að fá hann til að vera með svona ThugRug í dag :o) Hann gerði þetta í gærkvöldi og ég átti nú von á að hann myndi klára raksturinn í dag áður en hann færi að vinna. En hann lét mig um að ráða því. Ég sagði honum að hann mætti taka þetta áður en hann færi í vinnuna. Aðallega vegna þess að ég vil ekki hafa það á samviskunni að DH vinni ekkert í dag - hann myndi hlæja í allan dag. En BH var hugaður og ákvað að láta slag standa - dreif sig af stað til vinnu vopnaður ThugRug en laumaði sköfunni samt með. Svona til öryggis :o) Hann fór yfir til DH í morgun og mig grunar að ef HMS hefur verið vöknuð að hann hafi made her whole decade - not just the day! KEB hló í gærkvöldi í góðar 10 mínútur áður en hann fór að sofa eftir að hafa séð pabba sinn :o) Vonandi að KBB fái að sjá hann í kvöld því það er aldrei að vita hvaða sn...

KEB fór til hjúkkunar í skólanum 2. mars - svona hjúkrunarskoðun fyrir 9. bekk. Sjónin er eðlileg. Sem mér finnst reyndar skrýtið því hann sér ekki töskur og úlpur og föt sem skilin eru hér eftir út um allt. Pínu ósanngjörn því hann er öllu skárri en litla systir hans sem leggur undir sig húsið á hverjum degi. Hann er orðinn rúm 60 kg sem hæfir ágætlega hans hæð. Og svo er hann orðinn 176,5 cm á hæð. Sem mér finnst auðvitað mjög merkilegt. Því ég næ ekki 170 cm og samt er ég stærri en hann ;o) Það vekur mikla lukku á þessu heimili að sleðinn, sem BH og Viktor hafa verið að smíða úti í bílskúr, er að taka á sig mynd. Þeir settu hann saman í gær þannig að maður sá hvernig hann verður. Svo á eftir að leggja lokahönd á eitthvað smávegis og svo bara binda hann saman. Þessi sleði er mjög stór - þ.e. mjög langur. Ég var eitthvað að gera grín að því og BH fékk smá svona sjokk og spurði er hann of stór?? Nei nei maður bara skellir honum á toppinn á bílnum, þetta er ekkert mál. Bara mátt ekki ke...

Hlustaði á fréttir í gær um mansal og fyrsta dóminn í þannig máli hér á landi. Las lika aðeins um hvernig þetta hafði gengið fyrir sig allt saman hjá konunni sem gekk í gegnum þessar þrautir. Sá að fólk var eitthvað að æsa sig yfir lélegum og stuttum dómum yfir mönnunum fimm sem dæmdir voru. Þeir fengu fimm ár hver og eiga að borga fórnarlambinu einhverja smápeninga. Hlustaði svo líka á verjanda í málinu sem fannst dómurinn allt of þungur. Hér eru nú engin fordæmi fyrir svona máli og fimm ár heldur mikið miðað við dóma í kynferðisbrotamálum og brot gegn börnum. Svo sá ég þessa fyrirsögn á mbl.is og hún vakti áhuga minn í tengslum við það sem ég hafði verið að velta fyrir mér í kringum mansalsmálið. Maðurinn fær 26 mánaða fangelsi fyrir að hóta líkamsmeiðingum og keyra á eignir ríkisins og skemma HLUTI. Og já já - ýmis önnur brot líka. Hvergi tekið fram að hann hafi gengið í skrokk á manneskju. Guð minn góður ef hann hefði nú gefið karlmanni áann. Þá hefði örugglega bæst við dóminn ár...

Við fjölskyldan vorum dugleg í gær, nóg að gera á sunnudegi. Eftir að hafa sofið aðeins frameftir, eins og oft á áður, drifum við okkur aftur að Bláfjöllum. KBB kom með okkur og við fórum í göngutúr með hundana. Jökull og Keano komu með okkur. Zizou og Kristín urðu eftir heima því Zizou var veik. Aumingja Keano saknaði hennar aðeins fyrstu mínúturnar og Ronja og Úlfur notfærðu sér að hann var einn á móti tveimur. En það jafnaði sig hratt og þau hlupu þarna um út allt. Töluvert aðrir litir þarna í gær en fyrradag. Allt orðið hvítt og nú voru engin fjórhjól. En umferðin uppá vegi var mikil því það var opið í Bláfjöllum og fólk greinilega að notfæra sér það til að skella sér á skíði. Er við komum heim var hundunum skellt út í garð og KEB sóttur. Fórum svo í heimsókn til afa Kalda og Langömmu Lilju. Orðið töluvert langt síðan við drifum okkur á Sléttuveginn. En það var vel tekið á móti okkur eins og alltaf áður. Pönnsur með sultu og rjóma og fínerí - er að spá í að fara aftur í dag kannski...

Það lítur út fyrir að við skellum okkur ekki eins snemma og áður í Skorradalinn þessa páska. Það var hringt í okkur áðan og KEB var beðinn að taka þátt í að lesa upp passíusálmana í Hallgrímskirkju á föstudaginn langa :o) Það er verið að hringja í krakka sem hafa unnið Stóru upplestrarkeppnina og biðja þau að sinna þessu verkefni. Það verður þjálfari sem æfir þau fyrir lesturinn svo hann ætti ekki að hafa áhyggjur. Nú er ég voða montin mamma og ætla ekkert að segja frá því að tíu mínútum áður en hringt var þá sleppti ég mér hérna út af óhreina þvotta málum. Nú á ég bara voða góð og falleg og hæfileikarík börn. Ætla að njóta þess á meðan það varir ;o) Later

Á manni að finnast það bara allt í góðu að æðstu ráðamenn þjóðarinnar gefi skít í kosningarnar í dag? Jóhanna ætlar bara að sitja heima í fýlu. Steingrímur líka. Þetta eru forsætis- og fjármálaráðherra þjóðarinnar. Góðar fyrirmyndir sem þau eru. Ég einmitt fer líka í fýlu þegar fjölskyldan mín gerir ekki eins og mér hentar. Á mér að finnast ég kjáni að kjósa í dag? Ég er kannski einn af þessum fávitum sem Þráinn Bertelsson talaði um í síðustu viku. Er þetta viðhorfið sem alþingismenn hafa um okkur fávísan almenning. Við erum sennilega bara fávitar í þeirra augum. Ég er viss um að allt þetta fólk væri alveg til í að taka kosningaréttinn af okkur aftur. Hissa að við yfirleitt höfum rétt til að kjósa eins fávís og vitlaus við erum. Jóhanna og Steingrímur hafa verið ötulir talsmenn þess að virkja þjóðina. Ötul í að segja okkur í gegnum tíðina hveru réttsýn og heiðarleg þau eru. Þau standa með hinum venjulega borgara. Spurning hvort geislabaugurinn sé farinn að þrengja svo verulega að hjá þ...

bara svona af því ég var að tuða um bad hairday´s í dag þá ákvað ég að pósta þessum gaur hérna inn. Þetta er sú persóna sem heittelskaður eiginmaður minn hefur hvað oftast líkt mér við. Þetta á helst við á morgnana þegar ég er "hvað hressust" og kann svo vel að taka svona gríni (staðreyndum) ;o) Munið ekki eftir honum úr Einu sinni var... þáttunum? En ætla að bæta því við að á fimmtudaginn þegar sonur minn kom heim spurði hann "varstu í klippingu?" Jú það stemmir! "hmm flott" - er hægt að fá meira hrós??? Við erum að tala um unglinginn sko og það DRENGINN. Litla drottningin var sátt líka svo ég er bara í góðum málum! Le Nabot

Tengdamóðir mín á afmæli í dag - Til hamingju með daginn mín kæra :o) Í Lágafellsskóla í dag er Freaky Friday. Þá er eitthvert þema og krakkarnir fylgja því. Í dag er þemað "bad hairday". Hver er betur til þess fallin til að vera með slæman hárdag annar en dóttir mín? Nema þá kannski móðir hennar, flestir dagar eru bad hairday for me. Yfirleitt þegar ég slétta úr strýinu eða set það aðeins upp til að fela vandræðaganginn þá fæ ég athugasemdir. "Varstu í klippingu? - varstu að lita hárið? - eða bara hvernig ferðu að þessu?" Fór í klippingu í gær, lét lýsa aðeins hárið. Það er að koma vor og svona. Það er reyndar bara yfirskin. Hin raunverulega ástæða er að ég get engan veginn falið það hversu mikil ljóska ég er. Svo það er kannski alveg jafngott að vera bara ljóshærð og fólk skilur mig þá og vitleysuna í mér mun betur. En ég er nú ekki alveg ljóshærð ennþá - kannski í sumar :o) Dóttir mín, sem er ljóshærðari en flestir, en gáfaðri en flestir líka (já já smá hroki) er...

Sat hérna við tölvuna og sótti póst - venjulega bara svona póstur í kringum krakkana, facebook eitthvað og svona. Svo fékk ég eitt gott spark hérna í fyrradag. Sá bréf, sendanda og fyrirsögn. Lak niður í sætinu, dró djúpt andann, skaut neðri kjálkanum út og blés svo loftinu í gegn með pffff hljóði. BH leit upp og hváði. Æ sko já ehe ég fékk póst... BH spurði þá hvort það væri eitthvað alvarlegt? Niii gat nú ekki sagt það. En sagði að það væri slæmt þegar eiginmaður, börn, móðir, systir, tengdamóðir og svilkona værum búin að sparka í mann öðru hvoru í ansi langan tíma (vil ekki telja) og maður gerir ekkert. Ætlar bara alltaf að hefjast handa fljótlega. Klára þetta fyrst og svo hitt og svo þetta líka o.s.frv. Þá kemur spark sem ekki er hægt að líta framhjá og segja bara endalaust seinna, fyrst aðeins að klára eitthvað ómerkilegt... Ég fékk sem sagt tölvupóst frá kennaranum mínum sem ætlar að leiðbeina mér með þessa blessuðu ritgerð mína. Var svo almennilegur að ýta við mér og bjóða mér a...

Hundarnir mínir eru þreyttir á sýniþörf okkar mannfólksins. Nei við göngum ekki um nakin hérna eða eitthvað slíkt. Við hins vegar (ég) ákvað að skrá þau á sýninguna sem var síðustu helgi. Þetta er ágætis þjálfun fyrir mig og þau að ná að bonda dálítið. Held kannski núna þegar ég hugsa það að við ættum bara að horfa á James Bond bara í staðinn. Það væri örugglega bara skemmtilegra :o) Ég fór með þau í sýningarþjálfun og svona eins og maður gerir til að þjálfa bæði sig og hundana í réttum stellingum og hlaupastíl og umgangast aðra hunda og láta káfa á sér (sko hundarnir) og skoða tennur og allt þetta sem þessari vitleysu fylgir. Þetta er heilmikið drama get ég sagt ykkur. Ég er reyndar svo vitlaus að ég fatta það ekki og ekki fjölskylda mín heldur. M.a.s. börnin mín glotta bara þegar við tilkynnum þeim að hundarnir þeirra eru ekki að rokka í augum misviturra dómara. Því að sjálfsögðu hlýtur dómarinn að vera blindur ef hann ekki séð hversu guðdómlegir hvuttarnir okkar eru ;o) Þegar ég hef...