Míkrósaga

Á rápi okkar hjóna í dag (kem betur að því seinna) segi ég - "Ég yrði brjáluð ef nágrannarnir settu upp blikkseríu í glugga hjá sér - ímyndaðu þér Gumma og Hörpu setja það í glugga hjá sér fyrir okkur til að bilast á." Svo sagði ég "Ok sko þessar sem svona breytast rólega á milli lita eru í lagi - en hitt er bara svo geðsjúkt eitthvað" Kem heim út Ikea (lofa segi frá því betur seinna), beygi inn í tangann og GETTU FOKKING HVAÐ! Nýi nágranninn á 2 er kominn með FOKKING VANGEFNA ÓGEÐSLEGA SNARBILAÐA jólaseríu stillt á manic mode í gluggann hjá einhverju krakka kvikindinu. Þetta þarf ég að horfa á út um eldhúsgluggann hjá mér og út um gluggann í stofunni - ÞAÐ Á AÐ BANNA ÞETTA HELVÍTI ! I shit you not - ég verð á kleppi í kringum jól og áramót, ef ekki fyrr, úr pirringi yfir smekkleysi mannkynsins. Later

Erum á einum bíl þessa dagana (þar til Gummi bjargaði okkur í gærkvöldi). Í gær fékk ég ping á skype, hvort ég væri kannski á leið út ? Jú ég á leið út, þurfti að ná í hráfóður, sem ég var skíthrædd um að gleyma að sækja. Hentaði svona vel því gaurinn var orðinn svangur og vantaði mat í kroppinn og þurfti í eina verslun, verslun sem ég kalla Nördaval. Svo ég náði í félagann og við fengum okkur að borða, klukkan 14:30, alveg eðlilegt að borða hádegismat þá. Þetta var þá kvöldmatur líka - nóg til í ísskápnum fyrir kríli til að bjarga sér. Svo var haldið í uppáhaldsverslun allra eiginkvenna, eða þannig. BH arkar að afgreiðsluborðinu og þar eru sömu yndislegu gaurarnir og hafa verið þarna allan tímann. Og þeir eru búnir að þekkjast LENGI. Þ.e. Baldvin og þeir. Svo það er mátulega fyndið að heyra þá skensa á hvern annan... það er skotið fast og örugglega, engin grið gefin. Hins vegar dróst heldur úr heimsókninni þangað - mér finnst helst vanta þarna góðan hægindastól fyrir örmagna e...

Jörðin er dálítið eins og líkami okkar. Við eigum bara einn og þar þurfum við að "búa" alla ævi. Betra að fara vel með líkamann. Það er eins með jörðina okkar - það er bara ein og við förum með hana eins og skít. Fólk ber mátulega litla virðingu fyrir því hvernig það fer með jörðina. Ég er þar ekki undanskilin. Langar voða mikið að segja að ég sé umhverfisvæn og hugsi áður en ég framkvæmi og vera voða græn. En ég er aldrei nógu græn sennilega. Nota bílinn meira en ég nauðsynlega þarf... þó mér finnist það alltaf nauðsynlegt og alls konar sem ég gæti gert betur, t.d. hér í garðinum okkar - nenni ekki moltukassa og eitthvað - en hendi þó aldrei grasi, það fer allt í beðin hjá okkur og heldur niðri arfa hjá tránum þar sem við erum sjaldan að spóka okkur. Hins vegar spái ég aðeins í umhverfið. Ég hendi í ruslafötur... þó það sé bara lítið tyggjó (sæll hvað mér er stundum orðið illt í kjálkanum af því ég kemst ekki í rusl og tyggjóið löngu ónýtt). Ég endurnýti litla poka hérna...

Þetta á bara eitthvað svo vel við... En svona í alvöru.... Og nei ég er ekki með aldurs komplexa... hef aldrei verið og ætla aldrei að detta í þá gryfju ;) Later

Var að fletta dagatalinu hérna í A6 - svo gaman að lesa heilræðin og gullkornin sem fylgja... þetta er þannig dagatal. Fyrir 22. nóvember stendur "Reyndu að snúa neikvæðum hugsunum í jákvæðar og sjáðu hvernig það breytir deginum, anda þínum og lífi." Afskaplega satt og rétt... stundum afskaplega erfitt að sjá það og fara eftir því stundum ! Reynum það samt - held nefnilega að þetta virki í raun svona :) Later

Fékk þann heiður að sjá um lítinn labbakút í tvo daga. Í gær og í dag - foreldrarnir í smá orlofi til að hlaða rafhlöðurnar í góðra vina hópi. Æ ég væri alveg til í London líka, en það bíður betri tíma - svo margt annað að hugsa núna... framkvæmdir heima eru nóg í bili :) Drengurinn er eins og hugur manns. Brosir bara og er lítið krútt. Ef hann vælir eða sýnir óánægju þá er hann þreyttur eða svangur, svo einfalt er það. Reyndar í morgun er ég reyndi að gefa honum morgunmat var aðeins mótmælt. Og ég skil hann svo vel... hafragrautur er bara vondur - þó banana sé maukað út í hann. Alla vega hafði hann lítinn áhuga á grautnum en var ánægðari er ég maukaði bara banana fyrir hann, svindlaði smá graut með og hann lét það gott heita. Á milli þess sem hann sefur og borðar þá situr hann bara á teppinu sínu, eða liggur, þokkalega sáttur við lífið. Mér finnst litla grettan hans, þegar hann fitjar upp á trýnið, algjörlega ómótstæðileg. KBB vill reyndar meina að hann líti út eins og evil baby þ...

Hef skrifað hér áður um "kvartanir" eiginmannsins á mýtli (hann segir hrotum) eiginkonunar. Það byrjaði fyrir um tveimur árum, kannski rúmlega. Ég neita staðfastlega eins og lög gera ráð fyrir og hann er hættur að kvarta í mér undan þessu. Kannski hann sé farinn að sofa á nóttunni eitthvað eins og ég ráðlagði honum til að losna við óhljóðin í mér. Ég velti fyrir mér hvort hann hafi hringt á lögregluna, og það komið í fréttirnar . En ég sofið svo fast að ég man ekki eftir þessu. Þetta tengist bakflæði reyndar - komst að því í sumar! Later

En það gerðist nú samt. Við mæðgur ákváðum að nota snjóinn og hreyfa villingana okkar. Spenntum þau fyrir sleðann og skoppuðum af stað. Hefði sent hana eina, eða farið bara ein, en ég treysti ekki að hún lendi ekki vandræðum og hún vildi ólm drífa sig í smá sleðaferð. Svo mamman ákvað að skoppa með dömuna. Gekk svona líka ágætlega. Eina sem ég dauðsá eftir var að hlusta ekki á innsæið, eins og oft áður, og fara í hlaupagallann. Ég skokkaði þetta meira og minna á meðan drottningin stóð á sleðanum og stýrði honum. Hefðum getað staðið á honum báðar stundum nema það var búið að skafa göngustígana of vel og sanda sums staðar líka. Bara hérna hjá okkur í Álfatanganum og í Þverholti sem var gott færi fyrir okkur. Ég kvarta ekkert að hafa hlaupið þetta en mér var ansi heitt - það lak af mér svitinn. Var í ullarnærbuxum, ullarbuxum og softshell buxum - gönguskóm léttum og þykkum sokkum. Ullarnærbol og Vík flíspeysu og primaloft úlpu með húfu - góðan daginnn hvað það var of vel í lagt. Hla...

Hundarnir fóru fyrstu sleðaferðina í ár. Hrúguðum saman sjö stykkjum og hentum einum kúski aftan á sleðann. Okkar þrjú hafa ekki verið í mikilli hreyfingu undanfarna daga og það var alveg farið að sjást hérna á heimilinu. Þau hafa verið í mjög mikilli hreyfingu undanfarna mánuði meira og minna og því er þol þeirra mjög gott og þau líta öll vel út með góðan vöðvamassa. Við náðum í Keano en Auður og Sara komu með brjálæðingana sína og við skoppuðum út í hraun og fundum okkur veg þar sem nægur snjór var til að geta verið á sleðanum. Það var á örfáum stöðum sem Auður, kúskur, þurfti að lyfta sleðanum aðeins því steinarnir stóðu upp úr snjónum. Þannig að Úlfur og Keano voru aftastir, þá komu Rökkvi og Ronja, Jaki var einn á línunni og svo fremst herra Leo og skottið hún Amyra. Hér má sjá þau bíða eftir að fá leyfi til að drífa sig af stað. Það er skemmst frá því að segja að þau ruku af stað og þau hlupu vel allan tímann. Þau fóru rúma 10 km inn eftir og þá var snúið við og við ák...

This was written by Seth Adam Smith, an Alaskan-born blogger and the editor-in-chief of ForwardWalking.com. Having been married only a year and a half, I’ve recently come to the conclusion that marriage isn’t for me. Now before you start making assumptions, keep reading. I met my wife in high school when we were 15 years old. We were friends for 10 years until… until we decided no longer wanted to be just friends. I strongly recommend that best friends fall in love. Good times will be had by all. Nevertheless, falling in love with my best friend did not prevent me from having certain fears and anxieties about getting married. The nearer Kim and I approached the decision to marry, the more I was filled with a paralyzing fear. Was I ready? Was I making the right choice? Was Kim the right person to marry? Would she make me happy? Then, one fateful night, I shared these thoughts and concerns with my dad. Perhaps each of us have moments in our lives when it feels like...

Var að lesa litla frétt um að jólastjarna Björgvins Halldórssonar hafi verið valin í ár. Eik Haraldsdóttir heitir snótin, sem ég geri ráð fyrir að syngi eins og engill. Ég hef ekki heyrt þetta nafn áður og svona hváði í huganum, Eik ? EIK - hver skýrir barnið sitt Eik ? Ég reyni eins og ég get að vera ekki fordómafull gagnvart nöfnum fólks og nafnið Eik er í raun fallegt nafn. En þar sem ég sat hér og spáði í nafnið Eik sem mér fannst í fyrstu heldur svona ... döh... þá liðu ekki 15 sekúndur þar til ég hugsaði... að dissa nafnið Eik - kemur það ekki úr hörðustu átt frá konu sem heitir Björk ? Later

KEB var að ganga hér inn, kominn úr skólanum. LBK: Hæ KEB: hæ LBK: Bjartsýnn í góða veðrinu ? KEB: það er ekkert gott veður LBK: Ha KEB: það er enginn snjór - það er ekkert gott veður á veturna ef það er enginn snjór - þá er bara kalt. Allt of mikil sól - sólin má fara og skýin mega koma og það á að snjóa, þá er veturinn kominn og þá er gott veður - þegar það er svona metra hátt snjór. Þar hafið þið það... það á að vera snjór á veturna. Í þessari fjölskyldu eru allir sammála um það greinilega :) Tek fram að krakkinn hefur kvartað yfir vetrarsólinni síðan hann man eftir sér... jeeezz hvað er hægt að tuða í bílnum þegar hún skín beint í augu hans - í alvöru ! Later

Not quite... Á laugardag hafði ég boðið fólki í heimsókn... lata ég var ENGAN VEGINN tilbúin með nokkurn skapaðan hlut og klukkan orðin 14 og fólkið væntanlegt kl. 17. BH fór út að vinna, eftir að hafa farið að versla á meðan ég tók til, KEB var ekki heima og dóttir mín varð fórnarlambið. Reyndar hjálpaði KEB líka aðeins þegar hann kom heim þessi elska. Anyways - þar sem við mæðgur hringsnerumst í eldhúsinu, ég nýbúin að gera það hæft til að græja mat, tók dóttirin upp ipdad-inn sinn á meðan ég stillti tölvunni minni hér á borðið og ýtti á play á nýuppgötvuðum lagalista sem ég hef greinilega dundað í að henda inn á af og til. KBB: ohhh nei... ég ætlaði að horfa á eitthvað LBK: neibb hlustum á tónlist frekar KBB: þú ert með svo leiðinlega tónlist Svo renndi hún yfir lagalistann og skeifan varð meira áberandi. Hún svona kíkti á þetta - jútúbaði eitthvað og tuðaði í mér á meðan. Ég voða bjartsýn og reyndi að telja henni trú um að frúin væri með awesome tónlistarsmekk og þetta ...

Me is eating a cookie... Later

Fyrr í haust komum við hjónin heim, ásamt voffalingum, eftir miðnætti. Það gerist reglulega. Við förum á milli 20 og 21 að hreyfa hundana, oft ásamt fleira fólki. Túrarnir taka einn til tvo klukkutíma eftir því hversu langir hringirnir eru sem við ákveðum að hjóla í það skiptið. Stundum er svo sest inn að spjalla pínu stund ef farið er heiman frá einhverjum. Þetta kvöld komum við heim að ganga eitt eftir miðnætti. Og við mér blasti þetta neyðarkall á eldhúsborðinu. Svo um mig fór nettur ónotahrollur um leið og mig grunaði samt hvað hugsanlega gæti verið málið. Ef ég hefði rétt fyrir mér, var ekki ástæða til að vekja barnið sem þurfti að vakna eftir fimm klukkutíma. En ef ekki þá þorði ég ekki annað en að hlýða. Svo ég fór inn á gang og bankaði létt á hurðina að svefnherberginu, Skottulot, og opnaði svo og hvíslaði lágt og vakti krílið mitt. Það var sem mig grunaði... mamma það er 80´s dagur á morgun í skólanum og ég veit ekkert hvernig ég á að vera!!! Sagði henni að sofa r...

Það er við hæfi að benda á þessa frétt á mbl.is . Þetta eru svalir gaurar í vinnunni hjá mér og við erum afskaplega stolt af þeim hérna á heimilinu. Það má geta þess að þeir eru ávallt í fremstu röð þó þeir hafi sökum hæðar sinnar stillt sér aftast upp á þessari mynd sem þarna fylgir. Okkur hlakkar mikið til þegar þetta verkefni fer að skila árangri og léttir björgunarsveitum lífið í leit á hálendi og annars staðar. Það væri ansi magnað ef það góða fólk getur gengið nánast beint á þann sem í vanda er staddur, í stað þess að leita í langan tíma. Tíma sem oft er svo dýrmætur. Later

Pabbinn kom við í bakaríinu á leið sinni heim úr besservissera fögnuði. Fékk upplýsingar hjá húsmóðurinni hvað væri sniðugt að kaupa. Græjaði það... en keypti svona reyting af alls konar. Dóttirin eitthvað að rökræða að hún vildi eiga þennan eina kleinuhring sem var keyptur. Pabbinn ekki alveg sáttur og tjáði dóttur sinni að hann hefði keypt alls konar og svo skerum við bara í helminga. Þá heyrðist hátt og snjallt: "Heyrðu í þessari fjölskyldu deilum við ekki með okkur". Svo mörg voru þau orð. Þess má geta að hún fékk hálfan lögguhring og hálfa muffins - þau skildu sátt feðginin. Later

Mamman:Karlotta mín Dóttirin: mmm Mamma: Ætlarðu ekki að drífa í að taka úr uppþvottavélinni, koma með úr töskunni þinni [nestisbox og brúsa] og svo ryksuga fyrir mig ? Dóttirin: Ert þú ekki að fara í sund núna? Skynja það svona að hún nenni ekki að hlusta á mig og vilji að ég drífi (drulli) mig af stað. Geri það bara og skottast hér  með í sund... fór líka í gær - skyldi þetta endast eitthvað ? Later