En það gerðist nú samt.
Við mæðgur ákváðum að nota snjóinn og hreyfa villingana okkar. Spenntum þau fyrir sleðann og skoppuðum af stað.
Hefði sent hana eina, eða farið bara ein, en ég treysti ekki að hún lendi ekki vandræðum og hún vildi ólm drífa sig í smá sleðaferð. Svo mamman ákvað að skoppa með dömuna. Gekk svona líka ágætlega. Eina sem ég dauðsá eftir var að hlusta ekki á innsæið, eins og oft áður, og fara í hlaupagallann. Ég skokkaði þetta meira og minna á meðan drottningin stóð á sleðanum og stýrði honum. Hefðum getað staðið á honum báðar stundum nema það var búið að skafa göngustígana of vel og sanda sums staðar líka. Bara hérna hjá okkur í Álfatanganum og í Þverholti sem var gott færi fyrir okkur.
Ég kvarta ekkert að hafa hlaupið þetta en mér var ansi heitt - það lak af mér svitinn. Var í ullarnærbuxum, ullarbuxum og softshell buxum - gönguskóm léttum og þykkum sokkum. Ullarnærbol og Vík flíspeysu og primaloft úlpu með húfu - góðan daginnn hvað það var of vel í lagt. Hlaupagallinn hefði verið fullkominn því þetta var ekki erfiður hlaupatúr. Fórum 4,5 km - göngustígarnir buðu ekki uppá að við nenntum að lengja í ferðinni. Ekkert varið í að koma með skíðin á sleðanum í henglum... látum fjölskylduföðurinn um það, enda hann sem lagar allt svona sjálfur.
Heimasætan var ekki lengi að átta sig á af hverju tíkin var höfð í D-beisli (rakkarnir í X-beislum) og hljóp laus með, þeir fastir saman með millitaum í hálsólarnar.
"Ronja gerir ekkert gagn, hún er nú eiginlega bara fyrir !" Svo mörg voru þau orð um litla sjálfstæða vandræðagemlinginn okkar. Og var hún þó þokkaleg svona miðað við oft áður. En hún þarf sína hreyfingu þannig að í svona ferðir er ekki sanngjarnt að skilja hana eftir heima.
Hundarnir fengu alla vega smá sprett og við mæðgur súrefni í lungun - þau liggja hérna sátt á gólfinu, litla drottningin í sturtu og ég bíð spennt eftir að skola af mér svitann... sem lyktar ekki vel þessa dagana sökum hormónaójafnvægis :/
Mikið óskaplega væri ég sátt við að það myndi snjóa aðeins meira og tolla svona kalt - svo bjart og fallegt í snjónum og gaman að fara út að leika sér :)
Later
Við mæðgur ákváðum að nota snjóinn og hreyfa villingana okkar. Spenntum þau fyrir sleðann og skoppuðum af stað.
Hefði sent hana eina, eða farið bara ein, en ég treysti ekki að hún lendi ekki vandræðum og hún vildi ólm drífa sig í smá sleðaferð. Svo mamman ákvað að skoppa með dömuna. Gekk svona líka ágætlega. Eina sem ég dauðsá eftir var að hlusta ekki á innsæið, eins og oft áður, og fara í hlaupagallann. Ég skokkaði þetta meira og minna á meðan drottningin stóð á sleðanum og stýrði honum. Hefðum getað staðið á honum báðar stundum nema það var búið að skafa göngustígana of vel og sanda sums staðar líka. Bara hérna hjá okkur í Álfatanganum og í Þverholti sem var gott færi fyrir okkur.
Ég kvarta ekkert að hafa hlaupið þetta en mér var ansi heitt - það lak af mér svitinn. Var í ullarnærbuxum, ullarbuxum og softshell buxum - gönguskóm léttum og þykkum sokkum. Ullarnærbol og Vík flíspeysu og primaloft úlpu með húfu - góðan daginnn hvað það var of vel í lagt. Hlaupagallinn hefði verið fullkominn því þetta var ekki erfiður hlaupatúr. Fórum 4,5 km - göngustígarnir buðu ekki uppá að við nenntum að lengja í ferðinni. Ekkert varið í að koma með skíðin á sleðanum í henglum... látum fjölskylduföðurinn um það, enda hann sem lagar allt svona sjálfur.
Heimasætan var ekki lengi að átta sig á af hverju tíkin var höfð í D-beisli (rakkarnir í X-beislum) og hljóp laus með, þeir fastir saman með millitaum í hálsólarnar.
"Ronja gerir ekkert gagn, hún er nú eiginlega bara fyrir !" Svo mörg voru þau orð um litla sjálfstæða vandræðagemlinginn okkar. Og var hún þó þokkaleg svona miðað við oft áður. En hún þarf sína hreyfingu þannig að í svona ferðir er ekki sanngjarnt að skilja hana eftir heima.
Hundarnir fengu alla vega smá sprett og við mæðgur súrefni í lungun - þau liggja hérna sátt á gólfinu, litla drottningin í sturtu og ég bíð spennt eftir að skola af mér svitann... sem lyktar ekki vel þessa dagana sökum hormónaójafnvægis :/
Mikið óskaplega væri ég sátt við að það myndi snjóa aðeins meira og tolla svona kalt - svo bjart og fallegt í snjónum og gaman að fara út að leika sér :)
Later
Ummæli