Míkrósaga

Ef ólífuolía er búin til úr kreistum ólífum, úr hverju er þá barnaolía búin til ??

...Já það kann ég. Við Helena bökuðum FULLT af kanilsnúðum í dag, 2 bananabrauð og 2 Döðlubrauð. Baka kannski brauð aftur á morgun, bara til að hafa nóg með Vestur. Kanilsnúðarnir eru snilld - gerbakstur - klikkar ekki. Döðlubrauðið er to die for - og ég borða ekki döðlur. Bananabrauðið er náttlega ómissandi og við komum rúllandi heim eftir fríið. Sóttum myndir í framköllun fyrir hádegið, hvað er langt síðan maður gerði það? Karlotta vildi vita í gær af hverju ég prentaði ekki bara myndirnar. Kjartan var með einnota myndavélar í Vatnaskógi, datt í vatnið með aðra þeirra alla vega og eru þær myndir skrautlegar með bleikum doppum hér og þar. Bara gaman fyrir hann að eiga þessar myndir seinna, ætla að setja þær fljótlega í albúm með honum þannig að hann geti skrifað við myndirnar nöfn á fólki og hvað þeir voru að gera. Á næsta ári verða þau bæði send með einnota myndavélar, gaman að eiga þessar minningar. Alltaf fréttir um drukknanir í sundlaugum landsins upp á síðkastið. Ég er hætt að ve...

Drengurinn kom heim sæll og glaður, endalausar sögur og mikið fjör. Mamman tók upp úr töskunum hans um kvöldið og satt best að segja leit út fyrir að einhver hefði komið fyrir handsprengju þar ofaní. Öllu hafði verið hent "snyrtilega" í hrúgu í töskuna og svo lokað og vonað það besta. Tók þetta bara beint í þvottakörfuna svo engum varð meint af. En get sagt að ólíkt var að opna töskur systur hans síðasta föstudag, þar vantaði bara ilmrósablöð og reykelsi efst til að toppa samanbrotin fötin, þannig að ég vissi ekki hvort þau voru notuð eða ekki. Kynin leggja ólíka áherslu á hlutina, það er alveg ljóst. Nú erum við fjölskyldan orðin fjögur aftur og allt orðið eins og það á að vera í Leirutanganum. Veröndin og garðurinn eru æði - fékk borð í gær og nú er hægt að sitja úti (á gömlu sólstólunum) í sólinni og rokinu að lesa og ná sér í smá lit - yndislegt. Rokið er nefnilega ekkert að pirra mig á pallinum, þar er þokkalegt skjól þó trén leggist nánast á hliðina á móti mér. Baldvin ...

Baldvin telur bloggið mitt vera svona um klósettferðir, varð nú pínu fúl kannski en þetta sennilega rétt hjá honum. Er svona nokkurs konar dagbók kannski. Skemmtilegra að lesa bullið úr þeim sem eru að velta lífinu fyrir sér. En ég var að hugsa þetta í gær og komst að þeirri niðurstöðu að bloggið mitt ber þess merki að ég hef kannski of mikið að gera bara. Dæmigerð íslensk húsmóðir. Er á fullu allann daginn og er bara þreytt og vitlaus á kvöldin og þá er ekki mikið um heimspekilegar pælingar. Hef bara ekki orku í þannig til að setja það á blað alla vega. Búin að gleyma öllu því sem maður er búin að vera að velta fyrir sér þegar maður er úti að dunda í beðunum eða bera á timbrið á milli þess sem maður sinnir börnum sem þurfa mat o.þ.h. Verð kannski eitthvað gáfulegri og spái meira í hlutina í haust þegar skólinn byrjar. Þá fæ ég sennilega athugasemdir frá honum eins og "þarftu alltaf að velta þér uppúr svona hlutum" eða eitthvað álíka. Erfitt að gera honum til hæfis - hef bara...

Nú verður farið í fyrramálið og náð í borð og stóla. Minns er búinn að bera á pallinn og vegginn, hrúga blómum í pottana og setja þetta allt voða flott hérna úti. Er meira að segja að þrífa grillið og búin að pússa upp borðið á því og bera á. Ætla að kaupa mér spray og gera það almennilega svart aftur. Pallurinn og umhverfið er orðið svo flott að ég get ekki haft gamalt illa farið grill hérna til að krampa stílinn. Hættum að vinna hérna úti kl. 23 í kvöld og enduðum í ostaköku hjá Hörpu og Gumma, Helena og Davíð voru dregin með inn líka. Það var mikið spjallað og hlegið, aðallega hlegið samt. Karlotta var að fara inn í rúm og spurði hvað klukkan sé. Trúði því nú ekki að hún væri orðin eitt um nótt, vildi vita af hverju væri þá svona bjart. Nú er bara að fara að sofa til að vakna hress (eins og það gerist einhvern tímann - aldrei neitt eiturhress á morgnana) og halda áfram þarna úti í sólinni og rokinu. Vona nú samt að rokið verði bara á Atlantshafinu og láti mig í friði hérna í garðinu...

Flottar í íslenska fótbolta landsliðinu bökuðu Serbana. Spurning um að þær fari að kenna karlaliðinu hvernig á að gera þetta. "Þú kaupir aldrei pæjuföt á mig" Já já daman er komin heim, ég keypti á hana topp í Zöru á hana og þetta var svona nafladæmi sem hún var hæstánægð með. En mamman var lítið hrifin og ég skipti honum og við keyptum annað í staðinn. Benti krílinu á það að hún væri bara alltaf pæja það þyrfti ekkert að bera naflann til að vera pæja. Hún var alsæl í Ölver og ætlar aftur að ári og þá að sjálfsögðu í Ölver, nennir ekki að ræða Vindáshlíð. Hún hefur aldur til að fara þangað á næsta ári, en hún fær alveg að ráða þessu. Ég er ánægð með hve vel tókst til og hversu ánægð hún er. Hún talaði stanslaust í 3 klukkutíma að segja mér sögur og syngja fyrir mig lög sem hún lærði. Kannast nú við nokkur síðan ég var sjálf að gaula þetta í KFUK. Nú er bara gaurinn eftir og ég vona að það sé eins gaman hjá honum og hann vilji fara aftur næsta sumar. Hann er reyndar að fara af...

Lítið um að vera hérna. Er enn að hamast á þessum vegg við pallinn, endalaus vinna á svona 2 tíma eftir og þá er ég búin að pússa þetta og þá tekur málningavinnan við. Hún er öllu auðveldari og fljótlegri vona að ég klári þetta í góða veðrinu á morgun. Baldvin háþrýstiþvoði pallinn þannig að það ætti vonandi að vera hægt að bera á hann á laugardaginn. Þá verður búið að kaupa sumarblóm til að setja í blómapottana fínu sem við keyptum um daginn. Svo læt ég verða af því að kaupa mér borð og stóla hérna út og þá verður pallurinn algert æði og tími fyrir okkur að drífa okkur Vestur á firði í frí. Pöddurnar og fuglarnir njóta þá afrakstur vinnunar okkar. Fór í Glitni í dag með ávísun frá Rafiðnaðarsambandinu, stílaða á Baldvin og tvíyfirstrikaða. Í stuttu máli mátti ég ekki einu sinni leggja hana inn á reikningin hans, þrátt fyrir að vera með hana framvísaða og allt. Neibb mín er með prófkúru á reikninginn hans og því mátti ég bara ekki með nokkru móti leysa hana út né leggja hana inn á ávís...

Er að reyna að vera dugleg hérna heima - nota dagana úti þegar gott er veður. Var í dag í því að pússa vegginn við pallinn, grunnaði svo það sem ég er búin með. Veggurinn er svo flottur núna hérna inn að húsinu. Klára þetta vonandi á morgun alveg, þ.e. að pússa þetta það er leiðinlegast. En það á að rigna á morgun held ég þannig að sennilega verð ég hérna inni að þrífa. Náði loksins að versla líka, hef ekki farið í matvöruverslun síðan á fimmtudaginn í síðustu viku, geri aðrar húsmæður betur. Þetta er með því leiðinlegra sem ég geri, versla í matinn. Fór og hitti skólastelpur á Vegamótum, fengum okkur að borða saman og fengum uppdate hjá hópnum um hvað allir eru að gera, hafa verið að gera og eru að fara að gera. Tvær eru að skrifa BA ritgerð, ein að koma eftir 6 mánaða vinnu í Kabúl og önnur að fara í 6 mánaða vinnu í Kabúl. Nóg að gera hjá þessu fólki. Ég var í aðeins öðrum húsmæðrapakka, heima að hugsa um garðinn og gera pallinn fínan. En ég er alveg róleg byrja í brjálæðinu aftur í...

Kvennadagurinn í dag og Jón afi á afmæli í dag. Allir að halda upp á daginn og vera í bleiku, allir í bleikt. Lóa bleika

Við Baldvin erum búin að vera gift í 13 ár í dag og venju samkvæmt þá gerum við ekki rassgat í bala. Ég var nú eiginlega bara búin að gleyma þessu, tengdó minnti mig á þetta fyrir helgi. Fórum samt í dag í Blómaval og Húsasmiðjuna og keyptum efni til að pússa og grunna vegginn við pallinn. Svo ætla ég að mála hann rauðan eins og húsið. Því næst verður pallurinn tekinn og háþrýstiþveginn, þá má bera á hann eftir að hann hefur þornað. Í Blómaval keyptum við okkur rosa flotta blómavasa til að hafa á rosa flotta pallinum okkar þegar hann er tilbúinn. Fer á morgun og kaupi mold og blóm til að hafa í vösunum. Svo þegar þetta allt er komið og tilbúið langar mig að kaupa mér borð og stóla, eitthvað annað en plastdraslið sem löngu er búið að gera sitt gagn og úr sér gengið. Hlakka svo til þegar ég verð búin að þessu öllu saman, ætti að geta gengið í þessari viku ef veðrið tollir skaplegt. Kjartan Elvar tilkynnti mér þegar ég kom hérna inn að við ættum að hjóla meira og labba. Já já get alveg ve...

17. júní gott fólk - fæðingardagur þess sem bjargaði Íslandi. Þannig var dóttur minni kennt um Jón Sigurðsson í 2. bekk í Lágafellsskóla alla vega. "Mamma hvað heitir aftur maðurinn sem bjargaði Íslandi?" spurði hún nú í vor þegar við vorum eitthvað að ræða málin. Aðeins vottur af þjóðernisrembu í okkur greinilega ennþá. Er ekki alveg viss um að Jón Sigurðsson hafi alveg bjargað mikilfenglegri þjóð frá drukknun eins og okkur er kennt í barna- unglinga- og framhaldsskólum. En hvað um það þjóðhátíðardagurinn er í dag og við vonum að veðrið haldist skaplegt svo allir getir skemmt sér vel og leikið sér. Við hérna á heimilinu, þeir sem eru heima, ætla að þramma í skrúðgöngu hérna í Mosfellsbænum, sýna sig og sjá aðra við Hlégarð í smá stund og svo ætlum við Baldvin bara heim þegar við erum búin að fá nóg. Kjartan Elvar á örugglega eftir að endast eitthvað lengur þarna með vinum sínum. Hann fer síðan aftur í kvöld sennilega til að skoða lífið líka. Veit ekki hvort við nennum þá - þ...

Koma sér á lappir, vera hress og fara út í íþróttahúsið að Varmá og taka þátt í kvennahlaupinu. Byrjar klukkan 11 og við Harpa ætlum að labba saman niðureftir með Unu, engin Karlotta eða Diljá þetta árið. Þar hittum við Magneu sem er niðurfrá á fullu að vinna í kringum þetta. Svo ætlum við vinkonurnar að rölta þetta hlaup og kjafta saman heil ósköp á leiðinni eins og kvenna er siður. Við Magnea eigum ekki séns í að hlaupa, báðar lent í lyfjakokteil krabbameinslækninga og Harpa er með Unu sem hleypur ekki langt sökum aldurs. Vissara að taka það fram að kannski er það bara aumingjaskapur í mér á háu stigi að geta ekki hlaupið er svona bara að geta mér til að geislajoðið hafi farið með mig, en það er jafn gott gisk og hvað annað. Ekki fer ég að játa á mig aumingjaskap. Er búin að vera að drepast í bakinu síðan ég sló grasið tvo daga í röð og er búin að kenna því um. Svo var ég í rúminu í gær að lesa og er með frekar þunga bók og ligg öll skökk við að lesa hana, kannski það sé bara því að...

Við mæðginin fengum okkur soðna ýsu í kvöldmatinn, bara svona létt fæði til að koma ísnum og sælgætinu niður með bíómyndinni sem við ætlum að horfa á á eftir. Við vorum úti að þrífa gluggana og nú sést út um þá almennilega. Sá nákvæmlega tvær aumar köngulær á húsveggnum við bílskúrinn, he he eitrið er að virka fínt. Nú þarf ég vonandi ekki að horfa í augun á köngulóm í allt sumar hérna á pallinum og úti í garði. Það var aaaaðeins of mikið af þeim, þær voru í hundraðatali hangandi á húsinu og það er bölvaður óþrifnaður af þeim. En ég vann, alla vega í bili, verð að viðurkenna að mér er ekki sérlega vel við að baða húsið í þessu eitri heldur - vona að þetta dugi í tvö ár - fat chance. Farin í bíógláp og nammiát. Köngulóabaninn

Þá er Karlotta farin í Ölver, er á leiðinni í rútunni núna, lagði af stað kl. 14. Hún er búin að vera á iði í allann morgun, gat varla borðað fyrir spenningi og kvíða. Var dálítið aum í morgun en braggaðist svo öll þegar búið var að pakka og lesa saman og borða. Hún gat ekki beðið eftir að leggja af stað á Holtaveginn þar sem rútan beið þeirra. Ölver eru litlar sumarbúðir og það var bara ein frekar lítil rúta sem rúmaði alla ferðalangana. Ekki er það nú verra fyrir svona duglegar litlar stelpur sem fara einar að heiman í heila viku. Spurning hvort þetta verði erfiðara fyrir hana eða mömmuna. Erfiðast fannst henni að hafa ekki séð pabba sinn í tæpa viku og nú verður enn lengra þar til hún getur knúsað hann. Þau spjölluðu saman í gærkvöldi í símann og þá sé ég hana kúra sig að símanum og segja svo "bara svo þú vitir það þá er ég að knúsa símann" þannig að pabbinn fékk smá knús. Svo fer Kjartan á Mánudaginn í Vatnaskóginn og það er aðeins stærri staður. En þetta eru stórir strák...

Já þær eru flottastar, komst að því í gær að ég er ofvaxin. Góður endir á löngum degi. Horfði dauðþreytt á Americas next top model og tvær af keppendunum eru feitar, þ.e. ekki grindhoraðar. Og mér til mikillar skelfingar þá er ég jafn "feit" og þær. Önnur þeirra datt út í gær og Tyra var svo hughreystandi við hana, sagði henni hversu falleg hún væri og að hún ætti að sættast við kroppinn á sér og vita að hún væri flott. Ég er nú ekki betur gefin en það að ég er bara þokkalega sátt takk kærlega fyrir. Þarna er verið að segja 90% af venjulegu kvenfólki á Vesturlöndum að þær geti vel verið sáttar, flottar og fínar þrátt fyrir að vera aðeins íturvaxnar. Góðann daginn, þurfti ekki á því að halda frá þessum Bony asses sem lifa við hungurmörk og éta eitt vínber á dag. Held það séu frekar þær sem þurfi að vita að þær séu hálfóeðlilegar þegar beinin standa alls staðar út á þeim greyjunum. Ég fór alla vega alveg róleg inn að sofa með minn mjúka rass, vitandi að það er flottast að vera ...

Ætlaði að vinna og fara svo í alls konar búðir - Max, Ikea, finna sumarblóm o.fl. En svo var bara svo gott veður og við Davíð ákváðum að fá eiturpésann í dag sá sagðist koma kl. 17. Ég rauk í það að fá vélina hjá Davíð og slá AGAIN og ekki veitti af, nú er þetta eins og það á að vera. Það er svo flott að líta út í garð núna að ég sit bara við gluggann. En gaurinn kom ekkert að eiturúða garðinn og það á að rigna á morgun og þá vil ég ekkert fá hann, þannig að ég er mátulega spæld. En svakalega er garðurinn flottur mar. Í rigningunni á morgun er planið að fara í verslunarleiðangurinn sem ekkert varð af í dag. Baldvin talaði við mig í gær og sagðist ekki mundu hringja frá Tyrklandi, heyrði bara í mér aftur á fimmtudaginn. Ástæðan - það er svo hrikalega dýrt að hringja þaðan að maður borgar aleiguna fyrir að sögn Þrastar (starfsmanns Símans). En gaurinn hringdi samt í dag oftar en einu sinni - ég er ómótstæðileg, I know. Eða hann fékk símakort til að hringja með og þarf ekki að borga eins ...

Okei þá, hætt að röfla, Baldvin þér er óhætt að koma heim og þá verður allt eins og það á að vera. Sá í Kastljósinu að jarðarförin hennar Ástu Lovísu var í dag, sýnt var brot úr viðtalinu við hana síðan í haust. Þannig að nú er ég bara hæst ánægð með að kassinn sé týndur og ég get vonandi fengið annan. Við erum alla vega heilbrigð hérna á heimilinu og á lífi, það er víst það sem skiptir máli þegar allt kemur til alls. Nú er brosið bara skrúfað á (þar til næst) og allt er í himnalagi :) Sunshine

Fann ekki endemis kassann og varð að slá grasið án hans og raka svo allt á eftir. Bölvað bull er þetta - garðurinn ekki næstum því eins fínn á eftir. Þyrfti að slá aftur á morgun þegar bletturinn hefur þornað meira, sló hátt í dag svo ég kæmist í gegnum þetta allt saman. Krakkarnir hjálpuðu mér og við vorum furðufljót að þessu, en ég er komið á sporið með nýjan kassa læt ekki bjóða mér þetta kjaftæði lengi. En það þarf að sérpanta gripinn - tala við einhvern í fyrramálið sem veit meira um málið og vona að hún geti bjargað mér. Annars verður keypt ný sláttuvél ekki seinna en strax, svo verður Baldvin lokaður inni í bílskúrnum þar til hann er orðinn þannig að hægt sé að ganga um hann eins og á eðlilegu heimili. Verst að hann myndi sennilega hverfa líka eins og flest annað sem endar þarna inni. Fór í að grófhreinsa þau beð sem ekki var búið að ganga á og á morgun ætla ég að byrja að gera þau almennileg - mikið svakalega verður gaman að vera úti í garði þegar þetta er búið. Hreinsaði aðein...

Hringdi til að bjóða ykkur í kaffi á morgun, bara vöfflur og svona" -"Já ertu að sníkja pakka?" Það var pabbi sem sá svona í gegnum mig, þekkir dóttur sína. Hef samt ekki nennt s.l. 3 ár að bjóða fólki heim í kaffi 10. júní. M.a.s. dóttirin búin að uppgötva hvað er nice að slappa bara af við fjögur og fara út að borða saman þegar við foreldrarnir eigum afmæli. Hún spurði mig í gær hvort við gætum ekki bara slappað af bara við fjögur og haft það kósí og farið á fínan veitingastað og borðað kvöldmat. Ein komin á bragðið eftir að við fórum á Stokkseyri í maí á Fjöruborðið og fengum okkur humar og fínerí. Þegar ég spurði hana hvort ekki væri í lagi að bjóða nokkrum heim, þá var svarið jú jú bara ekki of mörgum. Þannig að við buðum foreldrum og systkinum og ömmum og öfum í vöfflur og kaffi. Það eru tæplega 30 manns þannig að það er ágætishópur. Ömmur okkar og afar voru að kíkja á eldhúsið í fyrsta sinn og leist bara vel á afraksturinn. Og ég fékk nokkrar gjafir, kross, pening...

Ég á ammæli í dag, ég á ammæli í dag, ég á aaaaaaamææææælii íííí daaaag, ég á ammæli í dag

Hmm spekingstal um Marshall áætlunina, já en sko held að liðið sem sat fyrir aftan mig á fyrirlestrinum hafi ekki þótt ég mjög gáfuleg þar sem ég sat og dottaði yfir myndunum sem voru sýndar. Grínlaust höfuðið á mér kipptist ósjaldan upp aftur eftir að hafa hnigið aðeins niður. Það er nefnilega þannig að ég bara er búin um klukkan fimm á daginn. Hef úthald á við 18 mánaða börn. Það er frekar erfitt þegar mikið er að gera við það að vera til hérna. Krakkarnir fengu einkunirnar sínar í gær og þar með er skólanum lokið fyrir sumarið og allir lukkulegir með það. Þau stóðu sig að venju með mikilli prýði og voru sátt við árangurinn. Það var brjálað að gera í gær. Kjartan Elvar fór til tannréttingalæknisins í skoðun og það gengur allt samkvæmt áætlun nema gaurinn þarf að fá teina í bæði efri og neðri góm. Það var ekki alveg planið í upphafi en vissum að það gæti hugsanlega komið til þess. 8. október er örlagadagurinn, völdum að vera eftir 12 ára afmælið og vonandi lýkur þessu fyrir fermingu....

Var að keyra heim áðan og áttaði mig þá á því að ég hef ekki enn heyrt Eurovision lagið sem vann í ár. Ég sakna þess ekki heldur en bara fyndið, venjulega heyrir maður það í lok keppninar, en ekki í ár. Fór á fyrirlestur um Marshall aðstoðina áðan, það var ansi fróðlegt. Fyndnast fannst mér þegar einn gaurinn (prófessor í stjórnmálafræði) benti á að Íslendingar sem fengu hlutfallslega mest allra úr sjóðnum hefðu notað peningana mikið til að fjölga ríkisstofnunum og auka miðstýringu. En tilgangurinn var að aðstoða Evrópu við að rífa sig upp úr örbyrgð og eyðileggingu og styðja við frjálsa markaðinn og útrýma kommúnisma. Á þessum árum voru Íslendingar með klemmurnar á hreðjum Bandaríkjamanna, því þeir voru svo æstir í að halda úti herstöð hérna. Aðeins annað upp á teningnum núna þegar þeir virða okkur ekki viðlits og búnir að snúa sér að Mið-Austurlöndum í auknum mæli. Farið hefur fé betra vorum búin að kreista þá nóg og ættum að geta reddað á okkur rassgatinu sjálf núna - vona það alla ...

Lásuð þið greinina um að konur noti mikið útrunnar snyrtivörur? Þar er talað um að ekki eigi að nota mascara lengur en 6 mánuði, minn er yfirleitt búinn þá eða orðinn svo uppþornaður að ekki er hægt að nota hann lengur. Nema ég vilji líta út eins og abstrakt málverk. En blýantar t.d. ég nota þá svooooo lengi, maður á að henda þeim eftir árið. Comon, þá verða þeir að selja manni minni einingar. Ef ég ætti að nota þessa löngu blýanta sem manni eru seldir, á einu ári, þá bara yrði ég að teikna myndir á allann kroppinn á hverjum degi til að eiga séns að klára hann. Eins með augnskugga ég á engan séns að klára þá á einu ári - myndi þá vilja minni einingar og miiiiikið ódýrari. Var svona að velta þessu fyrir mér í morgun þegar ég var að spartla upp í andlitið á mér - á töluvert af snyrtivörum og þó ég sé nokkuð góð í að henda út gömlu drasli þá er margt komið á tíma - og ég nota það bara með góðum árangri. Later PS það er svo glatað veður - hef ekkert annað að gera en að þvæla hérna inn, eða...

Nú eru krakkarnir að klára skólann og samkvæmt venju eru Lágafellsleikar síðustu tvo dagana. Hmm þetta er ekki fyrsta sinn sem veðrið leikur sér að þeim (ekki við þau). Það er eins og síðustu ár hafi verið nákvæmlega svona veður þegar þau eru úti að keppa í alls konar skemmtilegum íþróttum á leikunum. Karlotta óð upp á Helgafellið í morgun - vona að þau fjúki ekki niður aftur. Það átti að grilla uppi og hafa það kósí en það var hætt við það vegna veðurs, mjög gáfulegt. Þannig að í morgun fóru þau bara í regnföt og hlý undirföt til að takast á við íslenska sumarveðrið. Þegar litið er á dagatalið þá er kominn júní mikil ósköp, en þegar litið er út um gluggann þá er haust, alla vega hér í Mosfellsbænum þar sem trén bogna niður í jörð í mestu hviðunum. Vonum bara að þetta skáni - kannski er þetta bara til að hreinsa loftið fyrir molluna sem verður hérna í sumar, hvaaa má maður láta sig dreyma.... I´m off then, berjast út í veðrið og takast á við daginn, farin í vinnuna. Lóa

Sammála Bakþönkum í Fréttablaðinu í dag - það má aldrei tala gegn vændi og súlustöðum án þess að frelsisboðorðum rigni yfir mann. Við eigum sem sagt að hafa frelsi til að nýta okkur neyð annarra. Ég get ekki séð að það sé góð speki, á eftir að lesa þessa grein í Ísafold sem er að gera allt vitlaust, kíki á hana á bókasafninu við tækifæri. Í CSI í gær var óborganlegt hugtak yfir vændi kynnt - á hóruhúsinu þótti orðið Prostitute ekki nógu fínt, þau kusu að nota pleasure provider (minnir það alla vega), gat ekki annað en hlegið. Var að enda við að lesa bókina Þegar vonin ein er eftir það er ævisaga konu sem var vændiskona í Frakklandi á sjöunda áratugnum. Lýsingarnar voru ekki fallegar, samt ekki svona sjokkerandi bók, bara raunsæ lýsing konu sem hefur séð ýmislegt. Er hrædd um að líf vændiskvenna hafi ekki skánað á þessum áratugum sem liðnir eru síðan, ætli það hafi ekki versnað til muna, ég ímynda mér það alla vega. Í fréttum í gær var sagt frá aukaverkunum Yasmin pillunnar, yikes ég v...

Ömurlegt veður - haustaði snemma þetta vor, verð að vinna vsk á morgun, fer ekki með til Tyrklands í næstu viku... þarf að segja meira?

Var búin að gleyma að það gæti orðið hreint hérna - þreif í dag og tók til og nú líður mér miklu betur aahhh. Kjartan orðinn lasin AGAIN, slappur í maganum - tók við af pabba sínum sem var að drepast í tvo daga. Drengurinn er aldrei lasinn, kannski einu sinni á ári, nema þennan vetur er hann búinn að pikka upp hverja pestina á eftir annarri. Við hin höfum sloppið aðeins betur og ekki verið eins dugleg við að hýsa sýklana. Við ætluðum í sund á morgun og í bakaríið að fá okkur heitt kakó en ég get ekki séð að það gerist, þá bara later. Sótti drengina í bíó klukkan 16 og fór á gula bílnum - Renault Megane Sport - crying outloud það eru bara mannréttindi að vera á svona bíl - gefa inn og tíkin bara rýkur áfram - ekki mjög leiðinlegt. Og nei var ekki að glanna - löggan að mæla í Ártúnsbrekkunni og lét minns alveg í friði, I rest my case. Well inn að lesa - nóg af bókum sem bíða Ms. bókaormur

Feðginin farin í Skóginn og við Kjartan Elvar skröltum í kotinu á meðan, okkur er ekki alveg að leiðast það. Fórum á bókasafnið, náðum okkur í Garfield teiknimyndasögur á ensku og hlógum okkur máttlaus yfir þeim á American Style. Harpa og Pétur skrölta hér í næsta húsi líka og er planið að gaurarnir skelli sér í bíó á morgun - Pirates of the Caribbean. Við mæðginin ætlum svo að grilla okkur lambasteik á morgun og mjög líklegt er að við mátum nýja (gamla) bakaríið hérna í Mos. Bakaríið var sem sagt að flytja í nýtt húsnæði. Engin spurning að við fáum okkur heitt kakó, það er veðrið í það gott fólk. Þannig að við höfum nóg að gera þar til Karlotta og Baldvin koma aftur. Er að reyna að vera dugleg að lesa, er með langan lista af bókum sem mig langar að lesa. Bæti alltaf á hann þegar ný Bókatíðindi koma fyrir jólin (I know, pínu klikk). Þannig að þegar ég fer á safnið þá veit ég hvað bókum ég á að leita að. Oftar en ekki tek ég þó fullt af bókum sem ég hef ekkert skrifað niður - bara ráfa ...

Til hamingju með daginn allir - nú er loksins hægt að fara á kaffihús með börnin sín án þess að kafna úr skít frá næsta reykingarmanni. Og fara á skemmtistaði án þess að koma raddlaus tilbaka og þurfa að fara með fötin í hreinsun eftir helgina. Kæru reykingarmenn og konur ég hef enga samúð með ykkur he he, bara glöð yfir að geta farið á þessa staði án þess að kafna úr ógeði. Vona að fólk sé ekki svo illa háð rettunni að það bara hrynji allur veitingarekstur í landinu. Finnst eitthvað svo ótrúlegt að fólk geti ekki farið út að borða eða fengið sér kaffibolla (kakóbolla) þó sígarettan verði að bíða þar til heim er komið. Lóa