Míkrósaga

Ap, jún, sept, nóv, þrjátíu hver. Einn til hinir kjósa sér. Febrúar tvenna fjórtán ber, frekar einn þá hlaupár er. Þá vitið þið það

Feðginin sátu hér í gær og tefldu. KBB þarf kannski aðeins meiri þjálfun en smá æfingu á laugardögum og svo bara á mótum. Ef maður er að keppa þá er nú allt í lagi aðeins að tefla eina og eina skák heima öðru hvoru. Þar sem ekkert gagn er í mér þá kemur það í hlut föður hennar að tefla við hana. Svo er stóri bróðir nokkuð sleipur líka. Þegar maður er á krílaaldri ennþá, þá er rosa mikið atriði að vinna. Krakkarnir geta endalaust rifist um reglur og afbrigði þeirra. Oft heyrist að bannað sé að taka tilbaka leik ef maður er búinn að hreyfa mann. Það er svekkjandi þegar viðkomandi uppgötvar að kannski hefði verið betra að leika annan leik. Karlotta spyr pabba sinn "er snertur maður hreyfður?" Pabbi hennar er ekki eins upptekinn og vinir hennar á að sigra og svaraði því, "nei snertur maður, allur útkámaður". og mát

Skóli á eftir - fara með KEB í tannréttingar - lesa og læra. Hætt að hanga yfir bíómyndum allann daginn, hætti því reyndar fyrir helgi. Lét taka sauma áðan á heilsugæslustöðinni, fékk að bíða í hálftíma eftir hjúkrunarfræðingnum. Merkilegt hvað tími manns er einskis virði sums staðar. BH ætlaði að taka saumana fyrir mig en það klikkaði hjá okkur svo ég dreif mig bara og borgaði 1000 kall fyrir það. Hefði þurft að borga 2000 á spítalanum þannig að ég græddi smá, það fer upp í lesheftið sem ég kaupi á eftir fyrir skólann. Sat og beið eftir hjúkkunni og hlustaði á væl í krakkagreyi inn á einhverri læknastofunni. Móðureðlið eitthvað kikkaði inn því ég var að því komin að fara og ná í barnið sem kallaði ámátlega á mömmu sína - Svona "bjargaðu mér mamma mín" væl, ég höndla svoleiðis ekki mjög lengi. Veit ekki hvað þeir voru að kvelja krílið og hugsaði að stundum þarf vont til að gera betra, en það var bara ekkert að hjálpa, mig langaði svooo mikið til að ná í barnið og bjarga því f...

Ég er að verða léttgeggjuð á hangsinu hérna heima. Fer ekkert nema með einhverjum öðrum - nenni þessu ekki lengur og ætla að taka yfir bílinn vonandi á morgun eða hinn. Ferlega heftandi að vera háður öðrum um alla snúninga. Núna er planið að koma sér í ritgerðagír. Ein risa ritgerð - halda áfram að undirbúa hana eitthvað. Ein lítil ritgerð (svona í samanburði alla vega), byrja að ná í lesefni fyrir hana og búa til spurningu til að vinna eftir. Og svo ein pínuritgerð - kallast framsaga, finna efni til að skrifa um (datt í hug Landakot áðan) og finna lesefni og spurningu til að svara. Þannig að það er svona nettur ritgerðakvíði í gangi og ég er mjög dugleg að lesa Moggann bara í staðinn fyrir að koma mér að verki. En nú þarf að fara að drífa í þessu því ég er búin með sunnudagsmoggann og hálfnuð með mánudagsblaðið. Ef ég þekki mig rétt þá glugga ég í Fréttablaðið líka til að teygja lopann. Later

Já eða svo gott sem - fáum hann pottþétt næsta laugardag, engin spurning. KBB var á skákmótinu í Ráðhúsinu áðan og gekk vel - fékk 2 vinninga. Í lok verðlaunaafhendingar var dregið úr númerum keppenda um verðlaun í happdrætti, forláta JVC DVD spilari í verðlaun. Númer 27 vann og KBB var númer 27 í nafnalistanum. Okkur er hætt að lítast á blikuna - hún er fáránlega heppin í svona happdrætti og bingó. Það er nánast hægt að ganga út frá því að hún fái vinning og helst 1. vinning. KEB var fljótur að hugsa og ætlar með hana út í búð að kaupa Lottómiða, hún á að velja tölur og kaupa miðann og þá erum við svo gott sem tryggð með allar tölur réttar. Sakar ekki að reyna 7 - 9 - 13

Ég er ekki í standi til að bera út með syni mínum þannig að faðir hans tók við hlutverki útburðarins. Hverfið sem KEB hefur verið með er ekki hérna í næstu götu og því förum við með honum. Erum að bíða spennt eftir einhverju hérna nær okkur til að hann geti farið bara einn út. BH er ekki alveg hress með þetta nýja jobb sitt en er alveg sjúr á því að þetta fer í ferilskránna, það er engin spurning. Um miðja viku var hann að því kominn að borga krakkanum bara fyrir að vera heima á morgnana í stað þess að brölta út í öllu veðri um hánótt. Hann getur náttúrulega ekki látið það fréttast um sig að hann fari snemma að sofa og því vakir hann hérna til miðnættis á hverju kvöldi og skríður svo framúr kl. 5:45 með bauga niður á hné hálfsofandi og fer út með stráknum. En nú vaknar hann við fyrsta hanagal og rýkur af stað eins og elding. WHY? Þarf að spyrja? Hann er svo lukkulegur því einn morguninn mætti út á hlað stífmáluð húsmóðir nýstigin úr sturtu með sleikt hárið aftur í hvíta frotte náttslop...

JJJIIII það er eins gott að það sjái þig enginn á leiðinni heim! Tengdamóðir mín mælti þessi orð er ég var að fara frá Helenu í gær eftir að hafa ekki tekið eftir neinu óviðeigandi klukkutímann sem við spjölluðum þrjár saman. Eina sem Helena hafði til málana að leggja var - huh, ég færi nú svona út í búð ef ég þyrfti. Smá kynslóðabil! Var í Þjóðarbókhlöðunni fyrir tveimur eða þremur árum með stelpunum í kaffíteríunni, þessari rándýru, þegar ég sá fullorðinn strák (um tvítugt - nógu fullorðinn) í náttbuxum í röðinni við afgreiðsluborðið. Held að það hafi verið í fyrsta sinn sem ég sá manneskju í náttfötunum úti - alla vega fullorðna manneskju. Man að mér fannst þetta fyndið - öfundaði hann sennilega dálítið því þetta er náttúrlega hrikalega þægilegur fatnaður. Aldrei myndi ég fara út í náttfötunum, það er nú allt í lagi að klæða sig áður en maður fer meðal fólks. Ég á að vera dugleg að labba um, helst aðeins að fara út, lengra í dag en í gær. Og þegar Helena hringdi og bauðst til að ko...

Ligg í bælinu og glápi á bíómyndir, dæli í mig verkjalyfjum og skakklappast framúr öðruhvoru. Þori ekki annað enn að hlýða hjúkkunum - þær lögðu MIKLA áherslu á þetta með verkjalyfin, ég er samt ekki sannfærð en ætla að hlýða. Fyrrv. eign þvottahúss ríkisspítalanna

How much can we get away with, and still go to heaven?

Það var fyrirsögn í Mogganum um daginn um að töluvert fleiri karlmenn eiga bíla en konur. Ég hugsaði með mér að sennilega væri það á fleiri heimilum en mínu þar sem bæði konan og maðurinn eiga bílinn í raun en karlinn er skráður eigandi. Skiptir engu máli hvaða nafn er í skráningarskírteininu, eignin er okkar beggja. þannig lít ég á það og spáði ekki meira í þetta. Áðan þurfti BH að taka Jeppann, bílinn minn, þannig að ég fékk náðarsamlegast lykilinn af Renault tíkinni hans. Mér var tilkynnt að hann sæi það nú alveg ef ég keyrði hraðar en 60 km/klst á þessum gula. Þetta er gamalt grín í fjölskyldunni, afi sagði þetta við pabba minn er hann fékk eitt sinn volvo lánaðan hjá móðurafa mínum. Afi var mjög passasamur á bílana sína og þeir voru alltaf eins og nýir hjá honum. Alla vega ég spurði minn mann hvort hann ætlaði að láta það fréttast um sig að hann væri giftur einhverri gamalli ömmu - sem þá keyrði bara á 60 km/klst? Hann taldi 60 bara vera fínan ökuhraða fyrir mig. Jæja ég átti ekki...

Er að reyna að koma mér út úr þessum keyra krílin út um allt pakka. Gengur ágætlega. KEB er mjög sjálfstæður að koma sér á milli staða í strætó, á hjóli eða labba. Erfiðara gengur að fá KBB til að labba á milli staða. Kemur kannski helst til af því að hún hefur ekki svo mikinn tíma að labba t.d. í tónlistarskólann á föstudögum. Á mánudögum og þriðjudögum fer hún með rútunni beint úr skólanum í íþróttir. Þá finnst mér ómögulegt að sækja hana ekki því hún er ekki búin fyrr en kl. 17. Það er langur dagur hjá barni í 3. bekk að vera að heiman í fullu fjöri frá kl. 8 - 17. Er samt að reyna að koma henni í strætó. Reyndum síðasta föstudag, ég var ekki á bíl og nennti ekki veseni og sendi barnið í strætó með skýrum leiðbeiningum um hvenær hún ætti að fara út. Mín hringdi fimm mínútum síðar og taldi sig vera komna of langt. Hún komin eitthvað upp í Helgalandshverfi og mátti hinkra á meðan strætó kláraði hringinn og kom svo tilbaka. Þá sagði strætóbílstjórinn henni hvar hún ætti að fara út. Tak...

Átti að vera uppdópuð af verkjalyfjum núna eftir skurð á Landsspítalanum. En er þess í stað heima að reyna að koma mér að bókunum að lesa. Þessu var frestað fram á mánudag og mér lofað að ég yrði fyrst á færibandið þann morguninn. Þannig að ég mæti fersk 7:15 á Landsa á mánudagsmorgun. Valentínusardagur í dag, hmmm gerði ekki mikið úr honum er ég var í USA og því gerum við hjónin ekki mikið úr honum í dag. Held mig við Bónda- og konudaginn, BH heldur sig við þá hugmynd að gera e-ð fyrir þann sem maður elskar þegar honum dettur í hug - ekki á fyrirfram ákveðnum dögum - gróðadögum kaupmanna. Sennilega dettur honum aldrei neitt í hug því ég er heppin ef hann man eftir afmælinu mínu he he. Kannski fullmikil alhæfing en samt ekki... Ég er búin að læra að ef ég vil eitthvað þá hef ég frumkvæði að því sjálf. T.d. á morgun (ekki í dag) þá ætla ég að draga hann með mér í bíó og kannski út að borða. Vorum búin að ákveða að sjá Brúðguman í bíó og því verður sú mynd fyrir valinu. Nú er bara að sjá...

Þetta er svooooo ég á hverjum einasta einasta einasta degi... http://youtube.com/watch?v=o6P2w5GkXmU

KEB kom heim rétt eftir tvö með hund í eftirdragi - hann elti mig bara heim! Greyið var ómerkt svo við hringdum í áhaldahúsið og létum sækja hann svo eigandinn geti vitjað hans. Þegar hundafangarinn mætti örskömmu seinna kom KBB heim með fréttir um að hún hefði farið að heimsækja Halldór Laxness í dag. Bróðir hennar var svo skemmtilegur að tilkynna henni um hæl að hann væri dauður (smekklegt orðaval). Sú stutta var vel meðvituð um það og hafði farið heim til hans - að Gljúfrasteini. Ég fór í að sýna áhuga - hvað lærðir þú um Halldór Laxness? KBB: Hann átti sundlaug heima hjá sér LBK: Er það allt sem þú veist um hann? KBB: Nei, hann skrifaði líka bók.... um klukkuna sína. Gat ég annað en hlegið? Ungamamma

Fór í dag með KBB til Sæmundar tannréttingarlæknis - þurftum smá viðgerð á gómnum hennar. Drengirnir í bekknum hennar eru duglegir að fikta í dóti annarra barna og hún ekki dugleg að geyma gripinn í boxinu er hún borðar. Þannig að vírinn fór allur í flækju og ekki hægt að nota góminn þannig. Það gekk allt ljómandi vel og fórum við mæðgur í bakaríið að viðgerð lokinni. Fengum okkur heitt kakó og eitthvað gott að borða. Ég átti tíma hjá Jóni lækni þarna í Mjóddinni rétt á eftir og því tókum við því rólega. Á borðinu sem við settumst við lá tímaritið Hann/Hún, ég fletti því annars hugar og var að lesa eitthvað þegar hnussar í Karlottu, hu fallegasta kona í heimi - mér finnst þú nú fallegri. Leit upp annars hugar og hváði - leit á greinina sem hún greip á lofti. Umfjöllun um Catherine Zeta Jones sem talin er ein fallegasta kona í heimi, get ekki annað en verið sammála því. Dóttir mín hins vegar vildi meina að hún væri falleg en mamma hennar væri fallegri - ekki slæmt hrós það, lifi á því e...

Ofvirkur -------------- Kraftmikill Hvatvís --------------- Fljóthuga Utan við sig ----------- Skapandi Dagdraumabarn -------Hugmyndaríkur Tekur ekki eftir ------- Víðsýnn og hugsandi Ófyrirsjáanlegur -------Sveigjanlegur Þrætugjarn ------------Sjálfstæður Þrjóskur ---------------Staðfastur Pirraður ---------------Viðkvæmur´ Árásargjarn (frekur) ---Ákveðinn Með athyglisbrest ----- Einstakur Orðin í fyrri dálkinum hafa fengið neikvæðan stimpil - spurning um að reyna að hugsa jákvæðar og nota önnur hugtök. Þessi listi er í litlum bækling sem heitir Engill í paradís, eftir Hrönn Ríkharðsdóttur og Sigurð Arnar Sigurðsson. Mér finnst þetta sniðugt - ofvirkur, athyglisbrestur, þetta eru ekki jákvæð hugtök en einstakur og kraftmikill hljómar betur. kv. Lóa

Var að lesa lítið rit um Breiðavíkurheimilið á árunum 1952-1964. Fróðlegt í ljósi þeirrar umræðu sem verið hefur um þetta heimili undanfarið. Í ritinu er fjallað um upphaf starfsins í Breiðavík og uppbyggingu þess fyrstu árin. Ungir drengir sendir á úthjara veraldar til hálfgerðrar betrunarvistar, þeim sjálfum til hjálpar oftast nær. Það var alla vega tilgangurinn. Þetta starf var allt frekar frumstætt en unnið af góðum hug. Svo hefur allt farið fjandans til þarna eins og alþjóð veit. Ég las mér nú ekki mikið til um þetta mál allt saman svo ég veit ekki hvenær ósköpin byrjuðu. Skelfilegt til þess að hugsa að börn hafi verið send heiman frá sér, frá kannski brotnu heimili þar sem aðstæður voru slæmar, og í þetta helvíti sem margir greinilega upplifðu. Það sem ég hef hins vegar verið að velta fyrir mér í dag og undanfarið er að í dag búa börn enn við erfiðar aðstæður. Eiga mæður og feður sem ekki geta eða vilja hugsa almennilega um þessi kríli. Á tvær vinkonur sem vinna innan leikskólann...

Er svooo hress - vakandi síðan kl. 5. Ætlaði ekki að nenna framúr en veðrið var ekki nógu slæmt til að kúra lengur. Bárum út í tæpa tvo tíma í þessu líka ágætis veðri, ekkert hægt að kvarta yfir því. Komum svo heim og dunduðum okkur - las moggann, kríli í tölvuleikjum. Svo vantaði okkur að brenna þessari aukaorku sem við erum svo uppfull af hérna. Við KEB skelltum okkur í líkamsrækt. Nennti ekki í bæinn og prófaði World Class hérna í Lækjarhlíðinni - á staðinn sem ég ætlaði aldrei að láta sjá mig inná. Þoli ekki svona rými þar sem maður stendur í upplýstum sal og blasir við úti á götu því það er ekkert fyrir risastórum gluggunum. Sorry kæru arkitektar og flottheita fólk þetta er ekki að virka. Það eru fleiri en ég sem hafa ekki áhuga fyrir að vera eins og api í búri til sýnis rennsveittur og rauður í framan. Lét mig hafa það, nennti ekki í bæinn. Fyrir utan að ég rennsvitna ekki neitt því miður. Má ósköp ekkert reyna á mig - geri allt frekar létt, meira til að hita upp vöðvana og svo t...

Nú er úti veður vont, verður allt að klessu. Það er eins gott að vera ekki með lausamuni þarna úti núna. Þeir koma þá kannski bara inn um gluggann og þá erum við í vondum málum. Fór í bæinn og prófaði veðrið. Keyrði Kjartan og Pétur á Holtaveginn og fór með KBB í leiðinni í Hagkaup í Holtagörðum. Hún skipti þar nokkrum afmælisgjöfum og fékk nokkur PetShop dýr í viðbót. Það er dálítið leikið með þetta allt saman þessa dagana. Ég er svona að vona að þetta ágæta veður verði gengið niður í fyrramálið - hætt við að við mæðgin verðum dálítið blaut og hrakin við útburðinn. Sennilega myndum við bara vera heima í svona látum - já held það bara. Það er ekki þess virði að deyja þarna úti fyrir Moggann. Vá það er að bæta í vindinn hérna - mér er hætt að standa á sama - eldingar og GEÐVEIKAR ÞRUMUR. Nánast eins og í Florida um árið - þar var maður orðinn ansi vanur og kippti sér ekki lengur upp við smá ljósashow og læti á himninum. Held ég myndi drukkna ef ég færi út núna. Spurning um að kveikja á ...

If the universe is expanding, why can´t you ever find a parking space?

If you try to fail, and succeed, wich have you done?

Tel mig vera nokkuð fordómalausa - veit samt betur innst inni. Það er erfitt að losna alveg við þennan leiða kvilla sem virðist fylgja öllu fólki að einhverju leyti. Stundum veit maður ekki um eigin fordóma fyrr en maður stendur frammi fyrir þeim. Var í Krónunni í dag, búin í skólanum og kom úr vinnunni þar sem ég hafði setið smá stund að prenta greinar fyrir skólann. Klukkan orðin 18 og BH illa haldinn af hungri heima svo ég var að drífa mig í að hlaupa í gegnum búðina svo ég kæmist fyrr heim. Well - kom að kössunum, góð röð við einn þeirra en tveir komu til greina, ekki svo löng röð. Var svona um það bil að koma mér að öðrum þeirra og sé þá að allt er stopp þar, sný mér að hinum og þá komið fólk þar sem ég nennti helst ekki að bíða á eftir. Þá tók ég eftir stelpunum sem stóðu við þessa tvo kassa. Þær voru ekki gamlar, brosmildar og dálítið glannalega til fara. Ég hélt að sú sem afgreiddi á kassanum sem ég stóð við væri í einhverjum vandræðum og gæti því ekki klárað að afgreiða kúnnan...

Já eða næstum því alla vega - þessi ælupest fer eins og eldur í sinu heyrist mér. KBB hætt, BH tekinn við. Ég er skíthrædd við að grípa þetta á lofti og steinliggja á morgun eða í nótt - nenni því ekki. Er í sótthreinsunardeildinni í þeirri veiku von að við KEB sleppum við æluna. Helena steinlá á sunnudaginn var, Beggi varð veikur í vinnunni í dag og strákarnir hans báðir liggja óvígir með þessa pest og Stefanía dóttir hans var sótt lasin í leikskólann í dag. Þvílíkur faraldur og þetta er bara innan fjölskyldunnar. Tengdamamma var heima í dag lasin, ekki með gubbu samt. Diljá hérna á móti er búin að vera með hita og kvef síðan á mánudag. Þær KBB fara ekki skólann á morgun og er það annað árið í röð sem Diljá missir af öskudeginum. Þetta er náttúrulega frekar fúlt því það er beðið með eftirvæntingu að fara í búning og í skólann að skemmta sér. KBB búin að plana síðan í september að vera pönkari á öskudaginn - ákvað það þegar hún uppgötvaði að hún passar svona fínt í Armyboots sem ég á s...

Vsk í dag - verð að klára það. Er að sofna ofan í lyklaborðið en er á leið í vinnuna til að klára, var að dunda í þessu hérna heima. KBB byrjaði kl. 2 í nótt að æla er vonandi hætt núna. Ældi síðast kl. 9:35 eftir að hafa kvalist í um 40 mínútur. Veit ekki hvoru leið meira illa, KBB eða KEB (sem er heima líka veikur með kvef og slappur). Hann vappaði í kringum hana að segja henni að reyna að drekka og borða smá Cheerios, honum leið svo illa fyrir hennar hönd. Og þegar hún loksins ældi núna síðast fór stóri bróðir inn í eldhús til að rista brauð fyrir greyið - hann var alveg búinn á því eftir að hlusta á stunur, kjökur og eymdarvæl um að hún gæti bara ekki meir. Nú sefur hún bara, vonandi er þetta búið alveg og hún nær að bæta sér upp svefninn sem tapaðist í nótt. Þegar KBB fær ælupest erum við BH á fullu að þrífa því hún er eins og 1 árs barn, ælir bara þar sem hún liggur eða situr. Nær sjaldnast á klósettið eða að teygja sig í fötuna sem alltaf er nálægt. Það endar alltaf þannig að vi...

Ég hef oft velt því fyrir mér af hverju ég var ekki fædd á 18. -19. öld. Það hefði verið svo rosalega tilvalið. Hef svo gjörsamlega vöxtinn í alla flottu kjólana sem voru í gangi þá. En ekki fyrir mjónufötin í dag, er ekki alveg þessi spýta sem krafist er af kvenfólki í dag. Nefndi þetta við BH áðan við morgunverðarborðið - vorum að hlæja að þessu. Hann var fljótur að uppgötva að sennilega hefði það ekki skipt neinu máli því á þeim tíma hefði ég sennilega ekki fengið neitt að éta hvort sem er. Æ já einmitt, í hvert sinn sem ég hef hugsað um alla fínu kjólana sem ég hefði kannski passað í frá 18. og 19. öldinni þá hef ég endað á því að hugsa sem svo að sennilega, mjög líklega, hefði ég þá verið grindhoruð og skítug með lús ef ég hefði lifað á þeim tíma. Ætti enga fína kjóla né ríka forfeður. En maður má alltaf láta sig dreyma. Bæti því við til gamans að í eina skiptið sem ég hef farið út að máta föt og verið hæstánægð með að passa í allt var þegar ég var að velja mér brúðarkjól. Þeir vo...

KEB tók þátt í fimleikamóti FSÍ í dag. Mótið var haldið í Ármanns-salnum, þannig að hann var á heimavígstöðvum. Honum hefur farið mikið fram síðan hann tók fyrst þátt í móti í haust, svo mikið að mamman sér mikinn mun í hvert skipti. Og í dag kom árangurinn í ljós, hann fór heim með 4 verðlaunapeninga, keppti í sex greinum. Fékk tvö silfur og tvö brons. Nú er bara að vinna í að ná gullinu. Hann klúðraði gólfæfingum glæsilega, gleymdi sér alveg og var dreginn niður fyrir að gera ekki ákveðnar æfingar - kemur ekki fyrir aftur. Ég náttúrulega sá það ekkert, fannst hann bara flottastur eins og alltaf, hann þurfti að segja mér að hann hefði gleymt sér. Nú er bara stefnan að ná betri árangri og komast upp um þrep svo í kjölfarið. Hann er í fjórða þrepi þannig að stefnan er bara upp á við. Annars er aðalmarkmiðið að hafa gaman að þessu og geta alltaf meira og meira, það er mesta fjörið og það hefur honum gengið vel hingað til. Er með skemmtilegum strákum í hóp og að gera skemmtilegar og krefj...

Þá er afmæli drottningarinnar formlega lokið og þetta gekk allt saman ljómandi vel. Hún bauð vinkonum sínum í partý sem haldið var hjá Stjörnustelpum og það vakti mikla lukku. Held þær hafi allar sagst ætla að halda sín afmæli þarna næst. Þær fengu að fara í búninga, þemað var rokkstjörnur, svo fengu þær allar hárgreiðslu og förðun í anda poppstjarna. Þetta var ekki alveg leiðinlegt. Tvær konur sem sáu um að þær væru allar fínar og flottar. Stelpurnar hlupu þarna um og dönsuðu og skemmtu sér mjög vel. Farið var í leiki áður en þær fengu að borða. Ég þurfti ekki að hafa fyrir neinu, mjög amerískt eitthvað. Settist inn á kaffistofu og las í skólabókum á meðan aðrir sáu um partýið. Dálítið svona döh, en ég get ekki kvartað, hlustaði á og fylgdist aðeins með og gat nýtt tímann í lestur samt. En þetta verður ekkert gert aftur, næsta ár verðum við bara hérna heima eins og venjulega. Aðalatriðið er að þær voru allar í skýjunum eftir þessa tvo klukkutíma. Karlotta var alsæl um kvöldið, að spri...