Fara í aðalinnihald

Ósætti hjá veðurguðunum?

Nú er úti veður vont, verður allt að klessu.
Það er eins gott að vera ekki með lausamuni þarna úti núna. Þeir koma þá kannski bara inn um gluggann og þá erum við í vondum málum.

Fór í bæinn og prófaði veðrið. Keyrði Kjartan og Pétur á Holtaveginn og fór með KBB í leiðinni í Hagkaup í Holtagörðum. Hún skipti þar nokkrum afmælisgjöfum og fékk nokkur PetShop dýr í viðbót. Það er dálítið leikið með þetta allt saman þessa dagana.

Ég er svona að vona að þetta ágæta veður verði gengið niður í fyrramálið - hætt við að við mæðgin verðum dálítið blaut og hrakin við útburðinn. Sennilega myndum við bara vera heima í svona látum - já held það bara. Það er ekki þess virði að deyja þarna úti fyrir Moggann.

Vá það er að bæta í vindinn hérna - mér er hætt að standa á sama - eldingar og GEÐVEIKAR ÞRUMUR. Nánast eins og í Florida um árið - þar var maður orðinn ansi vanur og kippti sér ekki lengur upp við smá ljósashow og læti á himninum. Held ég myndi drukkna ef ég færi út núna.

Spurning um að kveikja á nokkrum kertum og hafa það bara notalegt hérna inni í þessum látum - vona að rafmagnið haldi inni svo það sé hægt að glápa á sjónvarpið.

Kósí kósí

Ummæli

Nafnlaus sagði…
Já það er sko brjálað að gera hjá veðurguðunum, var í fjárborginni áðan og ég bara fauk úti og stoppaði á girðingunni í eitt skiptið og svo er ekkert venjulega mikið vatn á götunum allstaðar og í Ártúnsbrekkunni þurfti löggan til dæmis að stoppa umferðina meðan verið var að reyna koma vatninu í burtu af götunni en þar hafði myndast risa stöðuvatn á brúnni í Ártúnsbrekku. Svo sá ég bíla stopp út um allt í pollunum, væntanlega búnir að bleyta sig og neituðu að fara í gang. Sem betur fer þarf jeppinn minn töluvert dýpri á til að fara að taka upp á að stoppa 7 9 13 bank bank, (eftir alla viðgerðina hjá vinum mínum í Ingvari Helgayni).
8. febrúar 2008 kl. 23:30
Lóa Björk sagði…
Og þú náttúrulega úti að flakka í veðrinu - líkt þér að tolla ekki heima hjá þér og hafa það náðugt rétt á meðan ósköpin ganga yfir.
Góða ferð í skíðaferðalagið og komið öll heil heim :o)
9. febrúar 2008 kl. 11:57
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira