Fara í aðalinnihald

Nú er úti veður vont...

Nú eru krakkarnir að klára skólann og samkvæmt venju eru Lágafellsleikar síðustu tvo dagana. Hmm þetta er ekki fyrsta sinn sem veðrið leikur sér að þeim (ekki við þau). Það er eins og síðustu ár hafi verið nákvæmlega svona veður þegar þau eru úti að keppa í alls konar skemmtilegum íþróttum á leikunum. Karlotta óð upp á Helgafellið í morgun - vona að þau fjúki ekki niður aftur. Það átti að grilla uppi og hafa það kósí en það var hætt við það vegna veðurs, mjög gáfulegt. Þannig að í morgun fóru þau bara í regnföt og hlý undirföt til að takast á við íslenska sumarveðrið. Þegar litið er á dagatalið þá er kominn júní mikil ósköp, en þegar litið er út um gluggann þá er haust, alla vega hér í Mosfellsbænum þar sem trén bogna niður í jörð í mestu hviðunum. Vonum bara að þetta skáni - kannski er þetta bara til að hreinsa loftið fyrir molluna sem verður hérna í sumar, hvaaa má maður láta sig dreyma....

I´m off then, berjast út í veðrið og takast á við daginn, farin í vinnuna.

Lóa

Ummæli

Nafnlaus sagði…
Já þetta veður er búið að vera hálf ömurlegt um helgina og það sem er af þessa viku. Ég lét mig nú samt hafa það að ríða út eins og venjulega en hef sjaldan lent í öðru eins veðri og um miðnætti á mánudagskvöldið, ég var búin að vera að ríða út í rigningu og roki og var að flytja hesta á milli hesthúsahverfa (það rak mig áfram), en um miðnætti bætti rosalega í vindinn og rigninginn stakk mig hræðilega í andlitið og hestarnir börðust á móti vindinum og lá við að ég fyki bara af baki svei mér þá, og svo varð ég rennandi blaut á rassinum he he, var í skálmum og regnúlpu. En lýtum á björtu hliðarnar veðrið á að skána um helgina....vona ég
6. júní 2007 kl. 12:45
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira