Ég er á kafi í frönsku stjórnarbyltingunni, las til klukkan 2 í nótt og átti að mæta klukkan 9 í morgun. Mikið lagt á sig - gat alla vega aðeins tekið þátt í umræðum eins og stefnt var að. Þessi saga byltingarinnar er mjög áhugaverð. Vildi að ég hefði tíma til að sökkva mér ofan í þetta og lesa meira en bara námsefnið - en það kemur með betri tíð og blóm í haga. Það er svo óendanlega margt sem mig langar að lesa meira um eftir þessa þrjá vetur í sagnfræðinni. Ekki alveg hægt að segja að námið sé einhæft, alla vega ekki efnið sem við erum að lesa. Allt frá torfkofum á Íslandi til trúabragða deilna nútímans. Er svona að gera það upp við mig hvort ég lesi aðeins meira núna eða drífi mig að klára verkefni sem ég er að leggja lokahönd á. Það er alltaf svo miklu einfaldara að setjast bara niður og lesa dálítið.
Dóttir mín komst að því í morgun að mamma hennar er ekki alveg að bulla þegar hún leggur áherslu á mikilvægi hreinlætis. Fór inn og ýtti við barninu í morgun, bað hana um að drífa sig í föt - skellti mér svo í sturtu og fór inn til hennar aftur til að vera viss um að hún væri að hafa sig til. "mamma það er eins gott að þú fórst í sturtu - það var hrikalega vond lykt af þér áðan" Ég þakkaði pent ábendinguna - en var að spá hvort ég væri svona mikill skunkur í morgunsárið? Ákvað að skella skuldinni á loftleysi í húsinu í morgun - allir gluggar meira og minna lokaðir í norðanáttinni og kuldanum í nótt hjá okkur. Spurning um hvort stelpan sé svona skemmtilega heiðarleg eða bara ferlega dónaleg barnið - ég vel heiðarleg - vona bara að hún hemji sig við aðra en foreldra sína þegar kemur að svona athugasemdum í framtíðinni.
Þau eru svo ólík systkinin á morgnana (og allann daginn og alltaf). Hún þarf gott spark í rassinn til að koma henni framúr - er alltaf til í að kúra aðeins lengur, dálítið lík mömmu sinni. En drengurinn sprettur upp við fyrsta hvísl, þ.e. ef ég næ að vera á undan honum framúr. M.a.s. í nótt er ég var að gera tilbúið fyrir morgunin þá rumskaði hann og fór að líta á klukkuna og svo 5 mín. seinna er BH var frammi þá spratt barnið upp í ofboði - hefur örugglega hugsað að fyrst pabbinn væri kominn á fætur þá hlyti hann að hafa sofið yfir sig. Annars eru þeir feðgar líkir að þessu leyti - því BH var alltaf fyrstur á fætur á morgnana er hann var krakki. Nú hefur þetta aðeins snúist við því ég þarf að koma öllum út hérna á morgnana meðan BH sefur aðeins lengur. Mesta furða hvað það hefur gengið ágætlega.
Au Revoir
Dóttir mín komst að því í morgun að mamma hennar er ekki alveg að bulla þegar hún leggur áherslu á mikilvægi hreinlætis. Fór inn og ýtti við barninu í morgun, bað hana um að drífa sig í föt - skellti mér svo í sturtu og fór inn til hennar aftur til að vera viss um að hún væri að hafa sig til. "mamma það er eins gott að þú fórst í sturtu - það var hrikalega vond lykt af þér áðan" Ég þakkaði pent ábendinguna - en var að spá hvort ég væri svona mikill skunkur í morgunsárið? Ákvað að skella skuldinni á loftleysi í húsinu í morgun - allir gluggar meira og minna lokaðir í norðanáttinni og kuldanum í nótt hjá okkur. Spurning um hvort stelpan sé svona skemmtilega heiðarleg eða bara ferlega dónaleg barnið - ég vel heiðarleg - vona bara að hún hemji sig við aðra en foreldra sína þegar kemur að svona athugasemdum í framtíðinni.
Þau eru svo ólík systkinin á morgnana (og allann daginn og alltaf). Hún þarf gott spark í rassinn til að koma henni framúr - er alltaf til í að kúra aðeins lengur, dálítið lík mömmu sinni. En drengurinn sprettur upp við fyrsta hvísl, þ.e. ef ég næ að vera á undan honum framúr. M.a.s. í nótt er ég var að gera tilbúið fyrir morgunin þá rumskaði hann og fór að líta á klukkuna og svo 5 mín. seinna er BH var frammi þá spratt barnið upp í ofboði - hefur örugglega hugsað að fyrst pabbinn væri kominn á fætur þá hlyti hann að hafa sofið yfir sig. Annars eru þeir feðgar líkir að þessu leyti - því BH var alltaf fyrstur á fætur á morgnana er hann var krakki. Nú hefur þetta aðeins snúist við því ég þarf að koma öllum út hérna á morgnana meðan BH sefur aðeins lengur. Mesta furða hvað það hefur gengið ágætlega.
Au Revoir
Ummæli