Fara í aðalinnihald

Baka vandræði

Við KBB vorum að baka köku sem við höfum ekki smakkað áður. Lítur voðalega vel út í litlu Nóa og Síríus hefti. Leist nú ekki alveg á það að skera einn botn í fjóra - en lét mig hafa það og það tókst ágætlega. Hver botn er heldur þunnur samt. Svo átti að búa til svona súkkulaðirjóma á milli - þrjár týpur, dökkt súkkulaði, rjómasúkkulaði og hvítt súkkulaði. Bara girnilegt - við redduðum þessu mæðgurnar í þrjár skálar og ég fór í það mál að skella þessu á milli. Fannst heldur mikið af rjóma miðað við hversu þunnir botnarnir voru. Oh well - látum þetta virka. Svo þegar ég var búin að þessu sá ég aðeins á uppskriftina - já nefnilega það. Tveir og hálfur dl rjómi + súkkulaði. Hmmm og ég búin að skella súkkulaðinu saman við hálfan lítra af rjóma. Þannig að í stað þess að vera um þrír fjórðu af rjóma á blessaðri kökunni þá er einn og hálfur lítri. Varð nett pirruð á sjálfri mér fyrir að lesa ekki uppskriftina betur - beit bara í mig að svona ætti þetta að vera þegar ég keypti allt í þessa köku og las þetta ekki betur eftir það. Karlottu fannst þetta mátulega fyndið og fór að lesa þetta allt saman, kallaði svo á mig hlæjandi - heyrðu mamma hér stendur að það sé gott að bera fram rjóma með þessari köku - við sleppum því bara er það ekki? He he.

Venjan er sú að þegar ég prófa að baka eða búa til eitthvað nýtt, þá er ég svo yfirmáta stíf á að fara nákvæmlega eftir uppskriftinni að það tekst allt ljómandi vel - það er ekki fyrr en í þriðja og fjórða sinn sem eitthvað klikkar hjá mér. Þá nefnilega er ég orðin svo góð með mig og hætt að líta svo oft á uppskriftina.

Viss um að þetta verði góð kaka en það er spurning hvernig gengur að skera kvikindið - kannski við bara náum okkur í skeið og étum hana beint bara. Þetta verður reynt aftur - viss um að þetta sé góð kaka - betra bara að gera þetta rétt - geri það næst. Bannað að gefast upp.

Héraðsstubbur

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira