Fara í aðalinnihald

Vetrarfrí

Allt orðið skínandi fínt - krakkarnir í vetrarfríi og við ætlum að nota daginn til að spóka okkur í bænum. Í gær voru þau í fríi líka en ekki ég svo þau fengu frí frá mér líka. Kjartan Elvar naut þess að hafa húsið fyrir sig allann daginn og dunda sér en Harpa tók Karlottu í fóstur og hún fékk að vera hjá Diljá, gisti þar og var allann fimmtudaginn með þeim. Svo kom Diljá til okkar og var hér í nótt. Spurning hvort þær vaxi saman vinkonurnar ef þetta heldur svona áfram.

Fór í bíó í gær, sjá sjónvarpsmynd um frönsku stjórnarbyltinguna. Fékk smá sjokk þegar ég vissi að þetta tæki 3 klukkutíma, ég með sjálfala börn heima. En það reddast nú allt því þau eru ekki beint smábörn. Myndin var fín en stikklaði á ansi stóru samt - hefði getað verð 20 klukkutímar mín vegna, þá hefði þessu öllu saman verið gerð betur skil, en þetta var fínt. Mikið var ég fegin að myndin var sýnd í Háskólabíó í bíósal - hefði drepist ef ég hefði þurft að sitja í skólastofu á ömurlegum stólum í 3 tíma. Myndin var ekki búin fyrr en rúmlega sex og þá hringdi ég heim og bað KEB um að kveikja undir kartöflum svo við gætum borðað á skikkanlegum tíma. Svona er nú fínt að eiga stóran strák sem reddar manni. Sami strákur hjálpaði mér í morgun og ryksugaði allt saman á meðan ég þurrkaði af, nice - flýtir mikið fyrir.

Farin út í góða veðrið

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira