Fara í aðalinnihald

Staðreynd

Ég er einstæð móðir tveggja eingetinna barna og á eitt ættleitt. Þessu hef ég oft haldið fram og rökstutt á ýmsan hátt. Núna t.d. get ég sagt frá því að ég keyrði þennan ættleidda út á flugvöll því hann var að fara til Belgíu. OK, hann komst að því er hann tók töskurnar sínar út úr bílnum að hann var ekki með veskið sitt með sér - engin kort og engan pening. Finnst ykkur skrýtið þó ég tapi mér stundum hérna á þessa kjána, og þessi elsti sem á að geta séð um sig sjálfur er eiginlega verstur!!! Heppinn var hann að Davíð fór með honum í þetta sinn - svo nú verður kortið hans misnotað í ferðinni.

Hvað er síminn á geðdeild - best að setja það á ísskápinn ef á þyrfti að halda í framtíðinni

:)

Ummæli

Nafnlaus sagði…
Já, það er stundum gott að hafa símanúmerið á geðdeildini að hendi ef maður þarf á henni að halda. Sérstaklega þegar ........
"ein sem skilur"
14. september 2007 kl. 21:30
Lóa Björk sagði…
bannað að skrifa nafnlaus - ég verð svo forvitin. En gott að einhver skilur mig :)
14. september 2007 kl. 22:47
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira