Fara í aðalinnihald

Todo

Það er á plani í dag að vinna, læra, skipuleggja glósurnar og námsefnið í möppur, versla og allt þetta skemmtilega.

Helgin var ágæt - laugardagurinn þaut hjá, gerði lítið gáfulegt. Slátur í matinn og amma og tengdó í mat. Fór og sá KEB í fimleikum, snáðinn frekar svekktur að ég kom ekki fyrr eins og ég ætlaði. Þeir voru nýbúnir á trampólíninu þegar ég kom. Sá hann samt fara afturábak heljarstökk. Hann er spriklandi glaður með þessa tíma það er svo gaman. Nú bíður hann spenntur eftir hverjum einasta tíma. Það eru skemmtilegir strákar sem eru að kenna þessum hóp og það skiptir ekki síst máli. Alltaf fjör í tímum.

Í gær vorum við bara að hanga eiginlega, BH fór að vinna, við krakkarnir skottuðumst á lagersölu hjá Egilssyni. Keyptum okkur alls konar óþarfa og skemmtilegheit. Spil, pússl, föndur o.þ.h. Ég endaði að sjálfsögðu í því að finna út úr þessari armbanda og hringagerð sem KBB hafði fundið sér. Svo matur hjá Lilju bara og komið heim og hrúgast í sófann og horfa á The Tudors. Sem sagt gerði ekkert af viti - átti að vinna, þarf að vera búinn með virðisaukann áður en mamma fer til útlanda. Átti líka að læra, þarf að lesa slatta og byrja að undirbúa verkefni. Þannig að í það fer dagurinn sennilega.

Mrs. Busy

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira