Karlottu langaði að hitta vini sína á Úlfljótsvatni og dekurdýrið sem hún er fékk auðvitað skutl þangað seinnipartinn. Ég ætlaði bara að hlaupa þarna í kring með hundana og svona á meðan og kippa henni svo aftur með mér heim.
BH ákvað að koma með og við ákváðum að hjóla, hann búinn að þefa uppi einhvern slóða fyrir okkur til að fara eftir.
Í stuttu máli er þetta einn fáránlega skemmtilegasti hjólatúr sem við höfum nokkurn tíma farið. Og hafa þeir verið nokkrir.
Í HELLIDEMBU með hunda í góðu stuði, grófan veg sem breyttist stundum í hálfgerða mýri með mjúku undirlagi og pollum á stærð við stöðuvatn, hjóluðum við á 20 - 30 km hraða. Ég fór nú ekki hraðar en um 20 km en BH var langt á undan mér allann tímann og beið reglulega til að vera viss um að ég hefði ekki drukknað einhvers staðar. Hann var heppinn að halda sér á hjólinu, kófsveittur í allt of mikið af fötum miðað við lætin.
Venjulega er honum svo kalt því hann þarf ekki að gera neitt nema sitja á hjólinum og stýra. Ég hins vegar klæði mig aldrei mikið því ég fæ að hjóla með Ronju minni. Í þetta sinn sá litla drottningin um að hlaupa eins og köttur (husky) og dró mig eins og henni þætti þetta ekkert mál.
Shit hvað hefði verið gaman að vera með GoPro vél á hausnum þarna - þetta var svo gaman.
Það er þannig í svona ferðum að maður hefur of mikið að gera alltaf til að smella af myndum - reyndi samt að taka nokkrar í þetta sinn - en þær eru yfirleitt allar í upphafi ferðar á meðan allir taka sig til og svo í lokin þegar allir koma sáttir tilbaka.
Hér er ein sem gefur hugmynd um hluta af leiðinni - BH og rakkarnir eru of langt í burtu til að þeir sjáist mikið - ekkert hægt að zooma inn á þessum símum neitt !
Þetta var auðveldi hluti leiðarinnar.
Þegar við komum svo loks tilbaka eftir ævintýrið þá litu fötin okkar svona út
Það var ekki þurr þráður á okkur eftir lætin - en skeljarnar héldu okkur þokkalega þurrum sjálfum, og þrátt fyrir að hafa orðið blaut í fæturna fundum við ekki fyrir því. Ullarsokkarnir klikka ekki - okkur var ekki kalt í eina sekúndu. Það margborgar sig að vera almennilega klæddur í réttum fatnaði... góðum fatnaði sem virkar.
Það er kannski óþarfi að taka það fram en allar yfirhafnir okkar fóru beint í þvottavélina er heim var komið.
BH ákvað að koma með og við ákváðum að hjóla, hann búinn að þefa uppi einhvern slóða fyrir okkur til að fara eftir.
Í stuttu máli er þetta einn fáránlega skemmtilegasti hjólatúr sem við höfum nokkurn tíma farið. Og hafa þeir verið nokkrir.
Í HELLIDEMBU með hunda í góðu stuði, grófan veg sem breyttist stundum í hálfgerða mýri með mjúku undirlagi og pollum á stærð við stöðuvatn, hjóluðum við á 20 - 30 km hraða. Ég fór nú ekki hraðar en um 20 km en BH var langt á undan mér allann tímann og beið reglulega til að vera viss um að ég hefði ekki drukknað einhvers staðar. Hann var heppinn að halda sér á hjólinu, kófsveittur í allt of mikið af fötum miðað við lætin.
Venjulega er honum svo kalt því hann þarf ekki að gera neitt nema sitja á hjólinum og stýra. Ég hins vegar klæði mig aldrei mikið því ég fæ að hjóla með Ronju minni. Í þetta sinn sá litla drottningin um að hlaupa eins og köttur (husky) og dró mig eins og henni þætti þetta ekkert mál.
Shit hvað hefði verið gaman að vera með GoPro vél á hausnum þarna - þetta var svo gaman.
Það er þannig í svona ferðum að maður hefur of mikið að gera alltaf til að smella af myndum - reyndi samt að taka nokkrar í þetta sinn - en þær eru yfirleitt allar í upphafi ferðar á meðan allir taka sig til og svo í lokin þegar allir koma sáttir tilbaka.
Hér er ein sem gefur hugmynd um hluta af leiðinni - BH og rakkarnir eru of langt í burtu til að þeir sjáist mikið - ekkert hægt að zooma inn á þessum símum neitt !
Þegar við komum svo loks tilbaka eftir ævintýrið þá litu fötin okkar svona út
Það var ekki þurr þráður á okkur eftir lætin - en skeljarnar héldu okkur þokkalega þurrum sjálfum, og þrátt fyrir að hafa orðið blaut í fæturna fundum við ekki fyrir því. Ullarsokkarnir klikka ekki - okkur var ekki kalt í eina sekúndu. Það margborgar sig að vera almennilega klæddur í réttum fatnaði... góðum fatnaði sem virkar.
Það er kannski óþarfi að taka það fram en allar yfirhafnir okkar fóru beint í þvottavélina er heim var komið.
Ummæli