Röfl í lok vikunnar

Mér finnst umræðan hérna á klakanum um mansal ansi áhugaverð. Hélt fólk í alvöru að mansal þrifist ekki hér á Íslandi?? Og að halda að það sé fyrst núna í gangi er dálítill barnaskapur held ég. Þrátt fyrir að slík mál hafi ekki ratað til dómstóla eða komist í hámæli í fjölmiðlum þá held ég að mansal hafi tíðkast hér í langan tíma án þess að nokkuð hafi verið gert. Fyrirsagnir um að verið sé að útbúa einhverskonar áætlun eða aðgerðalista til að bregðast við mansali pirra mig bara. Af hverju er það ekki löngu búið? Af hverju eru svona áætlanir ekki tilbúnar og farið að vinna eftir þeim núna í stað þess að byrja núna fyrst á einhverri grunnvinnu?

Það er ekki eins og að fólk hafi ekki vitað að mansal væri í gangi allt í kringum okkur - af hverju hélt fólk að mansal viðgengist ekki hér líka?

Vona að opinberum aðilum sem vinna að þessum málum gangi vel að finna úrlausnir og hjálpa þessum ólánsömu konum. Og það væri ansi gott ef hægt væri að fangelsa þá sem stunda svona þrælahald - helst henda lyklunum bara.

Svo glotti ég nú út í annað þegar lesið var í fréttum í gær að faðir sem misnotaði 2 ára dóttur sína kynferðislega hefði fengið tvöfaldaðan dóminn í hæstarétti. Hrædd um að hann sjái eftir að hafa áfrýjað - geri ráð fyrir að hann hafi áfrýað en ekki ákæruvaldið. Besta mál að svona fólk fái þunga dóma, það væri óskandi að það hefði fyrirbyggjandi áhrif. Því miður er ég ekkert allt of bjartsýn á það samt. Eini gallinn við þetta er að endemis fangelsin fyllast hraðar og ekkert pláss er fyrir dæmda sakamenn. Spurning um að finna aðrar leiðir til að kippa fólki úr umferð í einhvern tíma. Veit ekki hvernig samt.

Á Bylgjunni um daginn var verið að ræða glæpagengjamál og að glæpir væru nú að færast í aukana og að glæpagengi væru búin að koma sér vel fyrir hérna og svona eitthvað. Mér fannst hann ansi góður einn hlustandinn sem hringdi inn og vildi bara gera þennan framsalssamning við Brasilíu og senda svo alla þessa helv... útlendinga þangað. Hmmm já - ekki kannski brattasta brekkan í dalnum þessi því hver segir að Brasilíumenn vilji taka við öllum skúrkum Íslands???
Já og gaurinn sem var nú ekki alveg sammála lögreglustjóranum um að fólk ætti að hætta að kaupa þýfi. Ég meina ef þér er boðin fartölva á fáránlegu verði þá máttu vita, alla vega gera ráð fyrir, að hún sé stolin. Nei sko gaurinn vildi meina að allt væri bara orðið svo dýrt... já og sko þá verður maður að kaupa vöruna ef manni býðst hún ódýrari en út úr búð. HALLÓ - kannski bara ættirðu að safna aðeins lengur eða vera án vörunar sem er svo dýr??

Eitt enn, svona fyrst ég sit hérna að skrifa - þá verður það að koma fram að lopapeysan MÍN var kláruð í dag - sett í þvottavélina og liggur nú til þerris inni á rúmi. Svo er það bara að pressa hana og nota :o) Hafði smá áhyggjur af því að hún væri og lítil - kemur í ljós að ég prjóna kannski helst til fast - en not to worry, hún passar sæmilega, ég kemst alla vega í hana. Þannig að mín kæra systir - þú færð hana ekki ;o Nú þarf ég bara að fara í fyrramálið í Álafoss og kaupa mér meiri lopa því næsta verkefni bíður :o)

Later