Þetta fullorðna fólk er svo skrýtið...

Þegar ég las í mogganum um daginn um strákfíflið í Sandgerði sem var einn af nokkrum sem gengu í skrokk á skólafélaga sínum varð ég pirruð. Gormurinn svona flottur íþróttamaður - í boxi. Notaði það sem hann hefur lært til að valda sem mestum skaða á fórnarlambinu. Ég minntist á það við Baldvin að gaurinn er með þessu athæfi sínu að eyðileggja fyrir öllum þeim sem vilja iðka þessa íþrótt og þeim sem börðust fyrir því að fá hana leyfða aftur eftir áratuga bann. Og nú var ég að lesa þessa frétt á mbl.is. Vona að þessi drengur sé stoltur af afreki sínu. Held að það séu margir sem æfa box hugsi honum þegjandi þörfina þessa dagana. Vona að hann fái hiksta blessaður.

Ég ætla að leyfa mér að halda fram að box sé ekki endilega mikið ofbeldisfyllri íþrótt en karate, tae kwon do og fleiri bardaga íþróttir. KEB var að æfa karate á sínum tíma og trúið mér, trikkin sem hann var að kenna systur sinni og lýsa fyrir henni skaðanum sem hvert þeirra veldur voru ekki falleg. Og á sýningum léku þau eftir svona sýndarbardaga. Þar sem krílin tóku sér stærri nemendur og jafnvel kennarann í bakaríið. Allt náttúrulega leikið og enginn raunverulegur skaði hlaust af!

Hins vegar var það þannig frá degi eitt að krökkum sem byrjuðu var gert það ljóst að þau fengju ekki að æfa lengur ef þau notuðu það sem þau lærðu þarna gegn öðrum börnum. Yrðu rekin úr félaginu strax. Þeim var innrætt (kannski var það bara ég) að karate er sjálfsvarnaríþrótt, ekki árásaríþrótt. Best að taka fram líka að Katan var uppistaðan í æfingum - ekki slagsmál.

Er það ekki líka þannig að þeir sem ganga í skrokk á öðrum byrja ekki á því af þeir læra box. Þeir myndu mjög sennilega gera það þó þeir hefðu aldrei lært að slá og berja. Held að íþróttin box sé ekki mesta vandamálið hjá þessum dreng. Það er eitthvað annað sem er að pirra hann. Spurning um að ráðast að rót vandann og hætta þessum boðum og bönnum endalaust.

Later