Fara í aðalinnihald

Fermingarstúss

Í dag fórum við í stúdíó A6 og tókum fermingarmyndir af KEB. Það gekk ágætlega, hann svona spriklandi fínn í jakkafötunum sínum. Tókum með honum hversdags föt líka og smelltum af nokkrum myndum. KBB kom með og var í fötum sem við mæðgurnar fundum í Oasis fyrir ferminguna á hana.

Það var smellt af nokkrum myndum - klarinettið var tekið með, hundarnir og Lubbi líka - ekki má gleyma Lubba sínum :o) BH situr sveittur núna að vinna myndirnar og finna þær bestu. Því svo á ég eftir að raða þeim í scrap-albúmið, ætlum að reyna að hafa þetta tilbúið fyrir veisluna.

Anton kom líka og BH smellti af fullt af myndum af honum. Algjör töffari og fyrirsæta - það verða flottar myndirnar hans líka. Það voru teknar yfir 700 myndir í dag, þannig að það hljóta að leynast nokkrar nothæfar þarna innan um. Hvað gerði fólk fyrir stafræna tækni?

Later

Ummæli

Nafnlaus sagði…
A6 taka þeir góðar myndir hehe ;-)
16. mars 2009 kl. 15:45
Lóa Björk sagði…
bestu og endalaust liðlegir :o)
16. mars 2009 kl. 16:35
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira