Hvolpur - ekki hvolpur

Síðan um miðjan desember höfum við velt fyrir okkur hvenær tíkin fari að lóða hérna. Þruma systir hennar byrjaði þá og við héldum eðlilega að Ronja myndi vera á svipuðum tíma. En það er nú eitthvað annað - eitthvað seinni til.

Á gamlárskvöld fórum við með hana yfir til Hörpu og Gumma. Breki sem venjulega nennir henni mátulega, hékk í rassinum á henni svo við héldum að nú væri þetta að byrja - hlýtur að vera. En nei ekkert gerðist.

Fór í hesthúsin með hundana í síðustu viku - þar hékk Týri í rassinum á henni, límdur við hana. Og hann virkilega leggur fæð á tíkina sem neitar að surrender þegar hann þessi virðulegir hundur mætir á svæðið. Þannig að nú hlýtur hún að fara að byrja.

Fórum til Tinnu í fyrradag og hittum það Indý og svo kom Rannveig með Apríl. Það var fjör og mesta furða hvað hundarnir voru spakir. Engin leiðindi og ekkert urr - mesta lagi í Úlfi sem aðeins lætur heyra í sér til að reyna að hræða þessar stóru tíkur. það er ekkert að virka sérstaklega vel hjá honum samt. Apríl og Indý höfðu mikinn áhuga á afturendanum á Ronju - benti sterklega til að eitthvað væri að byrja að gerast.

Ronja búin að vera heldur róleg síðustu daga - liggur bara spök svona eins og hún sé í mikilli afslöppun að hugleiða tilgang lífsins. Áðan lá hún í stofunni í bælinu sínu og Úlfur eitthvað eirðalaus gekk að henni og reyndi störukeppni. Starði á hana í nokkrar sekúndur og stökk svo upp á öllum fjórum í einu og beint á hana. Sennilega haldin death wish - annars myndi hann ekki ögra henni svona.

Nú byrjuðu dagleg átök og þau hlupu inn í hol og tókust þar á í smá stund. Þegar ég loks stóð upp frá bókhaldinu (vsk í dag) þá tók ég fyrst eftir einum inniskó frá BH og einum strigaskó frá mér í holinu. GRR sökudólgurinn er Úlfur - rak þá augun í tvö pör af ullarsokkum í forstofunni - GRR sá hefur haft nóg að gera þegar ég sat og hélt hann væri sofandi. Sá svo inni í þvottahúsi að búið var að dreifa úr peysunni minni yfir gólfið - par af nælonsokkum ekki á sínum stað og hann var greinilega búinn að gera heiðarlega tilraun til að toga þrjár flíkur út í gegnum götin á þvottakörfunni. Busy litle puppy! Mér fannst þetta mátulega fyndið - en ætla að fylgjast betur með honum núna því það þarf að standa vitleysinginn að verki til að skamma hann. Sem betur fer eyðilagði hann ekkert - en það stóð tæpt með rándýru strigaskóna mína sem ég keypti á Kastrup í sumar! Þess má geta að hann er búinn að merkja inniskóna mína allrækilega. Reglulega þegar ég kem heim þá er annar skórinn minn horfinn og hinn bíður einmana eftir mér.

Anyways - í látunum í þeim áðan þá slettist blóð hér út um allt - tók eftir því þegar ég var búin að hirða upp eftir Úlf. Þannig að tíkin virðist hafa byrjað að lóða í fyrsta sinn í dag!

Later