BH: Ég er í sjokki - Lóa ég er hættur við !
Fengum skemmtilega heimsókn í gær. Rannveig, Lúlli og Svenni komu í heimsókn í gær til að líta á frænku hennar Apríl. Og að sjálfsögðu fannst þeim hún æðisleg, Rannveig vildi meina að við værum heppin með hvolp því hún var svo róleg. Ronja er nefnilega letidýr eftir kl. 21 á kvöldin. Þá kúrir hún bara og hvílir sig, við þurfum að draga hana út með töngum á miðnætti til að fara út að pissa fyrir nóttina.
Það var ekki talað um neitt nema hunda og aftur hunda. Veit ekki hvar þetta endar, en við skemmtum okkur vel og margar sögurnar voru bráðskemmtilegar.
Svo kárnaði gamanið því ákveðið var að sækja Apríl út í bíl. Apríl er Siberian Husky frá Hulduheimi, eins árs síðan í apríl. Við settum Ronju í taum og drógum hana fram í hol til að hitta frænku sína. Ég veit ekki hvort fékk meira sjokk, BH eða Ronja. Litlu leist ekki meira en svo á stóra frænkuna til að byrja með. Apríl var í taumi, spök og róleg. Ronja svona skoðaði málið í öruggu skjóli KEB sem strauk henni og tjáði henni að þetta væri nú allt í góðu.
BH fannst Apríl heldur stór og trúir ekki að Ronja eigi eftir að stækka svona mikið. Vill held ég bara hafa hana svona títlu áfram. Sagðist hættur við bara, púff. En ég held hann myndi vera fljótur að ná í hana ef hún færi. Hann huggaði sig við að hann tæki ekki eftir því þegar hún stækkaði. Ronja yrði alltaf heppileg stærð því hann venst henni jafnóðum. Rannveig sagði Apríl vera í stærra lagi, hin tíkin þeirra, Indý, er minni og nettari.
Ronja færðist öll í aukana - vaknaði aðeins og heilsaði frænku sinni. Svo var bara farið í leikgírinn og allt varð vitlaust. Þ.e. litla krílið stökk eins og héri á þessa stóru sem lét sér fátt um finnast. Þá taldi sú litla sig hafa þetta allt í hendi sér og færði sig upp á skaftið, hékk í Apríl og skoppaði um allt.
Það fór þó svo að stærri tíkin missti þolinmæðina gagnvart þeirri yngri og tók aðeins á henni. Rétt að sýna henni hver virkilega réði í þessu sambandi. Á endanum hringsnérust þær frænkurnar hvor á annarri í góða stund og það var virkilega gaman að fylgjast með þeim. Því þessi eldri svona hafði lúmskt gaman að, t.d. lagðist niður svona til að fá þessa litlu til að vaða í sig og halda áfram. Leikurinn var þó heldur ójafn því Apríl var í taumi allan tímann. Ég tók vídeóvélina og myndaði fjörið, það verður gaman að horfa á það aftur.
Það var gaman að sjá fullvaxinn hund svona í návígi á sínu heimili. Hughreystandi að sjá hversu blíð og ljúf Apríl er. Við BH erum svona að vona að við getum alið okkar tík vel upp þannig að gaman sé að eiga hana og að hún sé húsum hæf innan um fólk. Rannveig vildi meina að Ronja lofaði góðu, væri gullfalleg og virtist róleg og góð. Minntist á að spennandi væri að sjá Ronju og Indý saman því þær virkuðu líkari týpur, en Ronja og Apríl. Spurning hvort Indý myndi sýna Ronju svo mikla þolinmæði líkt og Apríl gerði.
Setti þrjár myndir inn á Flickr síðuna mína - kíkið á hana. Ef einhver hefur áhuga á að koma og kíkja á hana í eigin persónu þá eru allir velkomnir. Ætla bara að koma því að, að hún stækkar rosalega hratt, verður ekki lítil lengi. Um jólin verður hún nánast í fullri stærð.
Hvolpakerling
Fengum skemmtilega heimsókn í gær. Rannveig, Lúlli og Svenni komu í heimsókn í gær til að líta á frænku hennar Apríl. Og að sjálfsögðu fannst þeim hún æðisleg, Rannveig vildi meina að við værum heppin með hvolp því hún var svo róleg. Ronja er nefnilega letidýr eftir kl. 21 á kvöldin. Þá kúrir hún bara og hvílir sig, við þurfum að draga hana út með töngum á miðnætti til að fara út að pissa fyrir nóttina.
Það var ekki talað um neitt nema hunda og aftur hunda. Veit ekki hvar þetta endar, en við skemmtum okkur vel og margar sögurnar voru bráðskemmtilegar.
Svo kárnaði gamanið því ákveðið var að sækja Apríl út í bíl. Apríl er Siberian Husky frá Hulduheimi, eins árs síðan í apríl. Við settum Ronju í taum og drógum hana fram í hol til að hitta frænku sína. Ég veit ekki hvort fékk meira sjokk, BH eða Ronja. Litlu leist ekki meira en svo á stóra frænkuna til að byrja með. Apríl var í taumi, spök og róleg. Ronja svona skoðaði málið í öruggu skjóli KEB sem strauk henni og tjáði henni að þetta væri nú allt í góðu.
BH fannst Apríl heldur stór og trúir ekki að Ronja eigi eftir að stækka svona mikið. Vill held ég bara hafa hana svona títlu áfram. Sagðist hættur við bara, púff. En ég held hann myndi vera fljótur að ná í hana ef hún færi. Hann huggaði sig við að hann tæki ekki eftir því þegar hún stækkaði. Ronja yrði alltaf heppileg stærð því hann venst henni jafnóðum. Rannveig sagði Apríl vera í stærra lagi, hin tíkin þeirra, Indý, er minni og nettari.
Ronja færðist öll í aukana - vaknaði aðeins og heilsaði frænku sinni. Svo var bara farið í leikgírinn og allt varð vitlaust. Þ.e. litla krílið stökk eins og héri á þessa stóru sem lét sér fátt um finnast. Þá taldi sú litla sig hafa þetta allt í hendi sér og færði sig upp á skaftið, hékk í Apríl og skoppaði um allt.
Það fór þó svo að stærri tíkin missti þolinmæðina gagnvart þeirri yngri og tók aðeins á henni. Rétt að sýna henni hver virkilega réði í þessu sambandi. Á endanum hringsnérust þær frænkurnar hvor á annarri í góða stund og það var virkilega gaman að fylgjast með þeim. Því þessi eldri svona hafði lúmskt gaman að, t.d. lagðist niður svona til að fá þessa litlu til að vaða í sig og halda áfram. Leikurinn var þó heldur ójafn því Apríl var í taumi allan tímann. Ég tók vídeóvélina og myndaði fjörið, það verður gaman að horfa á það aftur.
Það var gaman að sjá fullvaxinn hund svona í návígi á sínu heimili. Hughreystandi að sjá hversu blíð og ljúf Apríl er. Við BH erum svona að vona að við getum alið okkar tík vel upp þannig að gaman sé að eiga hana og að hún sé húsum hæf innan um fólk. Rannveig vildi meina að Ronja lofaði góðu, væri gullfalleg og virtist róleg og góð. Minntist á að spennandi væri að sjá Ronju og Indý saman því þær virkuðu líkari týpur, en Ronja og Apríl. Spurning hvort Indý myndi sýna Ronju svo mikla þolinmæði líkt og Apríl gerði.
Setti þrjár myndir inn á Flickr síðuna mína - kíkið á hana. Ef einhver hefur áhuga á að koma og kíkja á hana í eigin persónu þá eru allir velkomnir. Ætla bara að koma því að, að hún stækkar rosalega hratt, verður ekki lítil lengi. Um jólin verður hún nánast í fullri stærð.
Hvolpakerling
Ummæli