Fórum 28. febrúar til Lilju frænku (föðursystir BH) í fjölskylduboð. Föðurfjölskylda hans hittist ekki reglulega á fyrirfram ákveðnum dögum eins og er í mörgum fjölskyldum. En þau búa sér reglulega til tilefni til að koma saman. Gísli afi hefði orðið 104 ára á fimmtudaginn og var því sá dagur fyrir valinu að þessu sinni og ekki spillti fyrir að Stína og Óli voru í Reykjavík þessa daga. Það er alltaf gaman að hitta fólkið, þeir koma sem geta og aðrir eru svekktir að vera ekki með. Fengum rosa fínan mat og allir skemmtu sér mjög vel. Það er nú á fleiri heimilum en okkar hérna að smáfólkið er verulega upptekið. Hugrún var að fara að keppa í handbolta og því varð hún að fara frekar snemma, Anton var á leiðinni á verslósöngleikinn Kræ beibí og Beggi fór með hann í fyrra fallinu og svo Kjartan minn var að fara á æfingu í bæjarleikhúsinu hérna í Mos til að æfa fyrir sýningu sem er í dag. Hann var að spila á Klarinettið í leiksýningu um Nýju fötin Keisarans.
Í gær komu svo Sólveig og Hlynur til okkar í mat. Við græjuðum góðu mexíkósku súpuna sem Helena hefur stundum haft og omg við átum yfir okkur AGAIN. Það er alltaf gaman að hitta þau skötuhjú, mikið spjallað og mikið hlegið þar til þau þurftu að rjúka því litla daman þeirra er svo lasin með mikinn hita og var alveg brjál heima og afinn vissi ekki alveg hvernig átti að róa krílið. Þau eiga svo von á litlum dreng í lok júlí í sumar. Þá verður sko fjör og nóg að gera.
En eitt partýið í kvöld - nóg að gera í að hitta fólk á þessum bæ. Förum í mat til Lilju á eftir og hittumst öll eins og venjulega einu sinni í viku. Venjulega förum við til hennar á föstudagskvöldum samt.
Kíkti á sýninguna hjá Listaskólanum í Bæjarleikhúsið áðan. Þetta var rosa flott hjá þeim. Leikfélagið sýndi Nýju fötin Keisarans, Skólahljómsveitin spilaði lög við ljóð H.C. Andersen, tvær dömur sungu við undirleik stúlkna úr tónlistarskólanum og svo spiluðu krakkar nokkur lög. Kjartan Elvar og fjórir aðrir klarinettleikarar léku svo undir í sýningunni um keisarann. Þetta var hin besta skemmtun. Svo var myndlistarskólinn með myndir upp um alla veggi í barokk stíl og ég veit ekki betur en að litla daman mín hafi átt eina þeirra. Ég nennti ekki að skoða þær allar nákvæmlega til að finna nafnið hennar. Hún nennti ekki að koma með mér því hún fékk að gista hjá stelpunum hans Björgvins og neitaði að koma heim, það var svo gaman hjá þeim.
Frændurnir gistu hins vegar hjá ömmu sinni í nótt og skemmtu sér vel. Kom til vegna þess að Jón Gísli bað BH um að kenna sér á movie maker forrit og hann benti á KEB sem var alveg til í að miðla þekkingu sinni. Við BH vorum sem sagt barnlaus í nótt í fyrsta sinn í langann tíma - maður tekur varla eftir því samt því þau eru orðin svo stór og sjálfbjarga að það er ekki eins og maður hafi mikið fyrir þeim.
Það hefur oft verið sagt við mig að ég eigi börn sem gaman er að gefa að borða. Þau taka bæði hraustlega til matar síns og hafa alltaf gert. Þau erfðu ekki matvendni móður sinnar (thank god). Það hefur líka alltaf verið eftir því tekið hve duglegur Jón Gísli (14 ára) er að borða og borðar mikið. Í morgun sagði Lilja mér að Jón Gísli hefði ekkert í Kjartan að gera - Kjartan Elvar borðaði töluvert meira í hvert mál og alltaf var hann til í meiri mat þegar það var í boði. Ekki bara það heldur hafði hún talað við Ernu fyrr um morgunin og hún hafði sagt nákvæmlega það sama um Karlottu - Jón Gísli hefur ekkert í hana að gera heldur. Þannig að ef við BH förum á hausinn einn daginn, svona þegar börnin okkar eru unglingar, þá er það vegna matarinnkaupa. Við þurfum að fæða þessa unga á hverjum degi og það er ekkert grín. Það vill til að þau eru bæði mjög dugleg að hreyfa sig og nýta þessa orku sem þau innbyrða og því höfum við ekki áhyggjur af þessu hérna. Verð samt að viðurkenna að ég stoppa Lottu mína stundum af, og fólki finnst ég vond mamma að neita henni um ábót á matinn. En það geri ég bara þegar hún hefur borðað vel og mikið. Alltaf ávextir í boði í eftirrétt og hún þiggur það oftar en ekki og er sátt eftir það.
Later
Í gær komu svo Sólveig og Hlynur til okkar í mat. Við græjuðum góðu mexíkósku súpuna sem Helena hefur stundum haft og omg við átum yfir okkur AGAIN. Það er alltaf gaman að hitta þau skötuhjú, mikið spjallað og mikið hlegið þar til þau þurftu að rjúka því litla daman þeirra er svo lasin með mikinn hita og var alveg brjál heima og afinn vissi ekki alveg hvernig átti að róa krílið. Þau eiga svo von á litlum dreng í lok júlí í sumar. Þá verður sko fjör og nóg að gera.
En eitt partýið í kvöld - nóg að gera í að hitta fólk á þessum bæ. Förum í mat til Lilju á eftir og hittumst öll eins og venjulega einu sinni í viku. Venjulega förum við til hennar á föstudagskvöldum samt.
Kíkti á sýninguna hjá Listaskólanum í Bæjarleikhúsið áðan. Þetta var rosa flott hjá þeim. Leikfélagið sýndi Nýju fötin Keisarans, Skólahljómsveitin spilaði lög við ljóð H.C. Andersen, tvær dömur sungu við undirleik stúlkna úr tónlistarskólanum og svo spiluðu krakkar nokkur lög. Kjartan Elvar og fjórir aðrir klarinettleikarar léku svo undir í sýningunni um keisarann. Þetta var hin besta skemmtun. Svo var myndlistarskólinn með myndir upp um alla veggi í barokk stíl og ég veit ekki betur en að litla daman mín hafi átt eina þeirra. Ég nennti ekki að skoða þær allar nákvæmlega til að finna nafnið hennar. Hún nennti ekki að koma með mér því hún fékk að gista hjá stelpunum hans Björgvins og neitaði að koma heim, það var svo gaman hjá þeim.
Frændurnir gistu hins vegar hjá ömmu sinni í nótt og skemmtu sér vel. Kom til vegna þess að Jón Gísli bað BH um að kenna sér á movie maker forrit og hann benti á KEB sem var alveg til í að miðla þekkingu sinni. Við BH vorum sem sagt barnlaus í nótt í fyrsta sinn í langann tíma - maður tekur varla eftir því samt því þau eru orðin svo stór og sjálfbjarga að það er ekki eins og maður hafi mikið fyrir þeim.
Það hefur oft verið sagt við mig að ég eigi börn sem gaman er að gefa að borða. Þau taka bæði hraustlega til matar síns og hafa alltaf gert. Þau erfðu ekki matvendni móður sinnar (thank god). Það hefur líka alltaf verið eftir því tekið hve duglegur Jón Gísli (14 ára) er að borða og borðar mikið. Í morgun sagði Lilja mér að Jón Gísli hefði ekkert í Kjartan að gera - Kjartan Elvar borðaði töluvert meira í hvert mál og alltaf var hann til í meiri mat þegar það var í boði. Ekki bara það heldur hafði hún talað við Ernu fyrr um morgunin og hún hafði sagt nákvæmlega það sama um Karlottu - Jón Gísli hefur ekkert í hana að gera heldur. Þannig að ef við BH förum á hausinn einn daginn, svona þegar börnin okkar eru unglingar, þá er það vegna matarinnkaupa. Við þurfum að fæða þessa unga á hverjum degi og það er ekkert grín. Það vill til að þau eru bæði mjög dugleg að hreyfa sig og nýta þessa orku sem þau innbyrða og því höfum við ekki áhyggjur af þessu hérna. Verð samt að viðurkenna að ég stoppa Lottu mína stundum af, og fólki finnst ég vond mamma að neita henni um ábót á matinn. En það geri ég bara þegar hún hefur borðað vel og mikið. Alltaf ávextir í boði í eftirrétt og hún þiggur það oftar en ekki og er sátt eftir það.
Later
Ummæli