Fara í aðalinnihald

Ekkert er fegurra...

Allt brjál í Reykjavíkinni, gaman að fylgjast með. Fráfarandi meirihluti svoooo mikið hissa á þessu öllu saman, skilur bara ekki svona svik. Skrýtið því þeir gerðu nákvæmlega það sama fyrir 100 dögum síðan. Allir svo misskildir og torskildir að til vandræða horfir. What goes around, comes around, gott að hafa það í huga.

Það verður gaman að sjá hvort skipt verður um meirihluta fljótlega aftur, pólitíkin er aldrei leiðinleg greinilega. Alla vega kunna borgarfulltrúar að halda spennunni og fjölmiðlar eru alveg að fara á límingunum það er svo gaman hjá þeim núna.

Skil þetta ekki

Ummæli

Lata húsmóðirin sagði…
Ha ha mér fannst best í gær þegar fréttamaðurinn hjá rikissjónvarpinu var að ljúka og ætlaði að fá Björn Inga í viðtal en þurfti að tilkynna að hann kæmi ekki vegna nýliðinna atburða, um leið og hann var búin að tilkynna að hann kæmi ekki þá sagði hann að Björn Ingi væri væntanlegur í kastljós. Um leið og hann sleppti orðinu varð hann að segja að Björn Ingi kæmi ekki í kastljós :O)
En þetta var hörkuspennandi í gær. En ein spurning. Hvað ætli þetta rugl alltsaman kosti borgarbúa. Núna er þetta þriðji meirihlutinn sem er myndaður á þessu kjörtímabili.
22. janúar 2008 kl. 12:53
Lóa Björk sagði…
Ég las á bloggi eitthvað með biðlaun til fráfarandi borgarstjóra, þetta kostar örugglega slatta allt þetta hringl í fólkinu.
Ég missti alveg af fjörinu í fréttunum, sjónvarpið var í rugli hjá mér og ég sat hérna inni í herbergi við tölvuna mína og horfði á Ísland í dag af netinu, og skemmti mér alveg prýðilega.
22. janúar 2008 kl. 13:22
Lata húsmóðirin sagði…
Já var einmitt að lesa það áðan. Hver borgarstjóri fær um milljón í laun á mánuði. Vilhjálmur fær í sex mánuði, Dagur í þrjá mánuði og Ólafur fær nátturulega launin sín.
22. janúar 2008 kl. 15:13
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira