Fara í aðalinnihald

Rómó ?

Mér finnst þetta myndband dáldið skemmtilegt. Koddaslagur er dáldið skemmtilegur. Við BH förum ALDREI í koddaslag. Eða sko ekki ég alla vega... alla vega ekki við hann.

Þið vitið koddaslagur - sjáið þetta í bíómyndum. Parið svona að "slást" með koddunum og hlæja aðeins og það ríkir ákveðið jafnræði - eða svona næstum því alla vega. Voða rómó og svona kósí skemmtilegt.

EKKI hjá okkur. NEI. Baldvin tapar ekki - ekki heldur gamnirómókósý koddaslag. Bara ekki. Og hann tryggir það alveg - gulltryggir - í fyrsta höggi. Ég má þakka fyrir ef ég einu sinni veit að það er koddaslagur í gangi þegar hann hefst. Hans mottó er AIM TO KILL - Operation: kill the bitch. Í alvöru ég má þakka fyrir að halda tönnunum... þakka fyrir að vera ekki dauðrotuð.

Svo ég lærði hratt að ég fer ekki í koddaslag við svona loonie.

Ég færi frekar í koddaslag á sjómannadaginn út á svona drumbi yfir höfninni við fullvaxinn alvöru íslenskan sjómann - og ég myndi hafa betur... svo góð er ég orðin.

Mér var boðið í koddaslag fyrir ekki svo löngu... sennilega komin ár síðan en ekki mánuðir... ég íhugaði það alvarlega því ég er með svona heilsukodda og þeir eru harðir (mýkjast er maður liggur á þeim) en hans er alveg mjúkur. Þetta getur ekki klikkað. En ég ákvað að sleppa því - kom í ljós að hann ætlaði að nota minn kodda... en ekki hvað - AIM TO KILL.

Later

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira