okílídókíli

Well - við verðum heldur vinafá næsta sumar. KEB er endalaust að selja í fjáröflunarskyni fyrir ferðina til Danmerkur næsta júlí. Allir verða hundleiðir á okkur og svara ekki símanum, segjast ekki hafa fengið tölvupóst og koma ekki til dyra þegar við erum annars vegar. Og til að tryggja að enginn nenni að lesa þetta hérna áfram þá ætla ég að koma því hér á framfæri að hann er að selja jólarósir, kerti, jólakort, súkkulaðidagatöl, kaffi og m.a.s. sokka.

Þannig að það væri vel þegið að ef fólk er í þeim hugleiðingum að kaupa þessa hluti hvort sem er að styrkja drenginn svo mamman fari ekki endanlega á hausinn og barnið komist í þessa skemmtilegu ferð :o)

Væri t.d. ekki tilvalið að setja gott kaffi frá Kaffitár í jólapakkann til ömmu og afa og senda falleg jólakort teiknuð af Heklu (þekkið myndirnar þegar þið sjáið þær) til vina og vandamanna? Kaupa ekki allar alvöru húsmæður jólarósir á aðventunni? Súkkulaðidagatölin eru sko með 25 gluggum - já já einn auka fyrir góða krakka (eða þau koma frá Bretlandi þar sem aðaldagurinn er Jóladagur). Er einhver sem ekki notast við kerti á þessum dimmasta tíma ársins?

Smá söluleiðangur hérna á netinu - öllum brögðum beitt til að ná í smá pening upp í ferðina ;o)

Later