Fara í aðalinnihald

Hvítasunna

Ég fæddist á Hvítasunnudag, átti svo 12 ára afmæli á Hvítasunnudag líka. Í dag á SBK afmæli og það er Hvítasunnudagur. Páskarnir extra snemma á ferðinni í ár og hún nær þessum degi á sinn afmælisdag. Ég á ekki séns nema páskarnir séu extra seint á ferð. Til hamingju með afmælið mín kæra og njóttu dagsins vel. Þrátt fyrir bilaða rigningu þá bjargast þetta vonandi, þú verður sennilega eitthvað minna að ríða út í dag en undanfarið. Það rignir víst á réttláta þannig að þú ert í góðum málum. Það er búið að vera svo gaman að fylgjast með grasinu grænka í rigningunni sem hefur komið undanfarna daga. Sumarið er á leið í hlað og við vonum náttúrulega að það verði svipað gott og í fyrra.

Held þá áfram að lesa, komin í barnaverndarmálin nær okkar tíma - held það sé i alvöru kominn tími til að stokka upp þetta barnaverndarkerfi eitthvað.

Later

Ummæli

Nafnlaus sagði…
Takk, dagurinn var fínn ég reið út allan daginn þrátt fyrir brjálað rok. Það var á tímabili rigning svona einhverneigin fyrir ofan mig hún náði ekki niður fyrir rokinu he he, en svo á tímabili ringndi nú líka bara yfir mig en það var ekki mikið. Ég var búin að vonast til að fá svona veður eins og var á afmælisdaginn minn í fyrra þá var geggjað veður sól og blíða....
14. maí 2008 kl. 00:57
Lóa Björk sagði…
Ég sem hélt þú værir bara að sitja yfir ánum í sauðburði í huggulegheitum inni í húsi. Við krakkarnir þurfum að fá að kíkja á lömbin - kannski um helgina :o)
14. maí 2008 kl. 10:00
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira