Elska þetta veður, af hverju eru ekki öll sumur svona? Það væri svo fínt að geta gengið að þessu vísu. Og fyrst kröfur eru komnar fram, þá vil ég að þetta byrji í apríl og standi til september. Bara hugmynd, nokkuð góð finnst mér.
Stelpurnar reyndu að sofa í tjaldi síðustu nótt, Una fór um 12 leytið, og Diljá og Karlotta komu inn um kl. 02. Það voru skuggar og eins og einhver væri að labba fyrir utan tjaldið. Já já það er líf í garðinum hjá okkur, bara eins og á Laugaveginum.
Lilja kom heim frá útlandinu í gær, alsæl með vel heppnaða ferð. Þeim Ingibjörgu (mágkonu hennar) leið vel í hitanum og höfðu það gott saman. Hún kom hlaðin gjöfum fyrir allt liðið - nema strákana sína ha ha ha, þeir voru nú nett móðgaðir. Mamma og pabbi fara til Kanada í dag, keyri þau út á völl á eftir. Þau verða í burtu í þrjár vikur, langur tími. En sennilega of fljótur að líða. Nú leggst ég í rannsóknir á netinu og plata mömmu til að kaupa fyrir mig föndurdót, það verður stuð.
Lítið á plani í dag annað en að rækta garðinn (meira bjarga honum, rífa upp arfa o.s.frv.). Annars er garðurinn í góðum málum, þetta mjakast hjá okkur ár frá ári. Bara eitt arfa, njólabeð eftir, setja stétt við bílskúrinn, smíða skúr (kofa) og þá erum við nokkuð sátt, bara að halda þessu við. Alltaf nóg að gera. Eftir að ég skutlast út á völl förum við í fiskibolluveislu hjá Björgvini og Ernu. Ég hef ekki eldað síðan á mánudag, alltaf eitthvað sem bjargar mér frá því þessa dagana. Afmæli hjá Pétri í gær, krakkarnir þar í pylsum og við hjónin ákváðum að styrkja Nings og borða þar frekar en að elda.
Gardínurnar sem við erum búin að bíða eftir í 6 vikur eru komnar - nú verða þær settar upp í eldhúsið og við getum tekið plastið niður. Það verður breyting til batnaðar, annars eru trén að vaxa loksins í þá hæð að skýla okkur frá götunni síðan við klipptum þau niður um árið. Þannig að fólk ætti ekki að þurfa að vera hrætt í vetur að keyra hérna framhjá á morgnana þegar ég stend á náttfötunum með hárið út í allar áttir að smyrja ofan í krakkana áður en þau fara í skólann. Við fáum líka loksins myrkvunargluggatjöld í svefnherbergið okkar. Erum búin að sofa í sólinni í sjö sumur og erum orðin frekar þreytt á að vera með glýju í augun á kvöldin og á morgnana þegar við vöknum. Þetta verður munur, nú er bara að píska Baldvin í að setja þetta upp, nenni ekki að bíða í aðrar 6 vikur eftir því.
Góða veðrið bíður, verið úti að njóta þess, vona að sem flestir séu í fríi núna, ef ekki takið ykkur þá sólarfrídaga alveg grimmt.
Sólarkveðja
Stelpurnar reyndu að sofa í tjaldi síðustu nótt, Una fór um 12 leytið, og Diljá og Karlotta komu inn um kl. 02. Það voru skuggar og eins og einhver væri að labba fyrir utan tjaldið. Já já það er líf í garðinum hjá okkur, bara eins og á Laugaveginum.
Lilja kom heim frá útlandinu í gær, alsæl með vel heppnaða ferð. Þeim Ingibjörgu (mágkonu hennar) leið vel í hitanum og höfðu það gott saman. Hún kom hlaðin gjöfum fyrir allt liðið - nema strákana sína ha ha ha, þeir voru nú nett móðgaðir. Mamma og pabbi fara til Kanada í dag, keyri þau út á völl á eftir. Þau verða í burtu í þrjár vikur, langur tími. En sennilega of fljótur að líða. Nú leggst ég í rannsóknir á netinu og plata mömmu til að kaupa fyrir mig föndurdót, það verður stuð.
Lítið á plani í dag annað en að rækta garðinn (meira bjarga honum, rífa upp arfa o.s.frv.). Annars er garðurinn í góðum málum, þetta mjakast hjá okkur ár frá ári. Bara eitt arfa, njólabeð eftir, setja stétt við bílskúrinn, smíða skúr (kofa) og þá erum við nokkuð sátt, bara að halda þessu við. Alltaf nóg að gera. Eftir að ég skutlast út á völl förum við í fiskibolluveislu hjá Björgvini og Ernu. Ég hef ekki eldað síðan á mánudag, alltaf eitthvað sem bjargar mér frá því þessa dagana. Afmæli hjá Pétri í gær, krakkarnir þar í pylsum og við hjónin ákváðum að styrkja Nings og borða þar frekar en að elda.
Gardínurnar sem við erum búin að bíða eftir í 6 vikur eru komnar - nú verða þær settar upp í eldhúsið og við getum tekið plastið niður. Það verður breyting til batnaðar, annars eru trén að vaxa loksins í þá hæð að skýla okkur frá götunni síðan við klipptum þau niður um árið. Þannig að fólk ætti ekki að þurfa að vera hrætt í vetur að keyra hérna framhjá á morgnana þegar ég stend á náttfötunum með hárið út í allar áttir að smyrja ofan í krakkana áður en þau fara í skólann. Við fáum líka loksins myrkvunargluggatjöld í svefnherbergið okkar. Erum búin að sofa í sólinni í sjö sumur og erum orðin frekar þreytt á að vera með glýju í augun á kvöldin og á morgnana þegar við vöknum. Þetta verður munur, nú er bara að píska Baldvin í að setja þetta upp, nenni ekki að bíða í aðrar 6 vikur eftir því.
Góða veðrið bíður, verið úti að njóta þess, vona að sem flestir séu í fríi núna, ef ekki takið ykkur þá sólarfrídaga alveg grimmt.
Sólarkveðja
Ummæli