Fara í aðalinnihald

Pjakkurinn er mættur

Helena og Davíð eignuðust lítinn fallegan strákapjakk í gær, 28.07 ´07. Allir alsælir og glaðir með hve vel gekk og móður og barni heilsast vel. Við krakkarnir vorum í Skorradalnum og vorum spennt að bíða eftir fréttum. BH og Lilja komu í mat til okkar en fóru svo seinna um kvöldið. Við fengum SMS skeyti og símtöl allt kvöldið með alls konar upplýsingum. Bráðnuðum alveg þegar við fengum mynd senda af prinsinum, hann er bara æði. BH og Lilja kíktu til litlu fjölskyldunnar upp á deild og þar voru Smári og Helena stolt afi og amma líka. Baldvin mætti í bol með mynd af stráknum á, dundaði í því að búa hann til áður en hann fór til þeirra, það vakti mikla lukku. Þar sem drengurinn á allt sem lítið kríli þarfnast er það kemur í heiminn var ákveðið að láta verða af því að gefa honum GSM síma með númeri, það er það eina sem snáðann "vantar". Það er því hægt að senda honum SMS í síma 895-3203 og bjóða hann velkominn í heiminn. Skeytin verða vafalaust lesin fyrir hann af foreldrunum.

Við eigum eftir að kíkja á guttann, vonandi getum við smellt á hann kossi í kvöld, annars bara á morgun. Krakkarnir eru svooo spennt að sjá hann, finnst hann æði, (af myndinni af dæma).

Týri verður sóttur í kvöld, hann veit það ekki ennþá, en við vitum það, hann verður glaður þegar hann verður sóttur. Hann fer yfirum af hamingju. Það er alger brandari að sjá þegar hann tekur á móti Svandísi, hann gjörsamlega springur af gleði. Ég verð hálffegin þegar hann fer. Það er mjög bindandi að hafa svona hund í heimsókn, krakkarnir samt búin að sjá heilmikið um hann og hjálpa til. Hefði verið mun erfiðara án þeirra. Svo er ég eins og köttur hérna, alltaf með svona hairball í hálsinum, mjög óþægilegt.

Mjá

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira