Míkrósaga

Verð víst að lesa fyrir morgundaginn - vill til að þegar ég loksins sest niður og sökkvi mér í þetta þá er þetta ekki leiðinlegt. Við krakkarnir þrifum hérna aðeins hjá okkur áðan - voða fínt að fá aðstoð að venju þá tekur þetta mun styttri tíma. Kjartan er búinn að vera að suða í mér að baka með honum rúllutertu sem honum þótti svo góð í heimilisfræði - hann kom heim með bókina núna fyrir helgi þannig að við létum verða af því. Gerðum tvöfalda uppskrift og þegar ég var búin að hella því á bökunarpappírinn á plötunni þá fer ég að yfirheyra drenginn hvort einfalda uppskriftin hefði ekki líka þakið heila plötu. Hann hélt það nú - yeb þannig að við fengum ansi þykka og veglega rúllutertu sem hefði vel dugað á tvær plötur. Þetta var ekkert verra - vitum bara betur næst þá gerum við tvær kökur úr þessu. Ma og Pa komu við hjá okkur á og hjálpuðu okkur með kökuna. Nú er ekki mikið eftir, spurning hvort BH fái nokkuð að smakka því hann var farinn að vinna. Farin að lesa...

Vaknaði seint - las uppí rúmi - aulaðist framúr og við mæðgur fengum okkur hádegismat. Fórum í göngutúr út í Leikbæ og keyptum afmælisgjöf fyrir Huldu Karen. Heim í bað og rukum svo allt of seinar í afmæli. Þar var stútfullt útúr dyrum, brjálað fjör. Spjallaði við Fríðu og Helgu meðan Karlotta lék sér með krökkunum. Svo var haldið heim á leið og svo farið beint aftur í partý til Björgvins og Ernu. Fengum geggjaða kjötsúpu og svo var kjúklingur með frönskum í boði líka - eftirrétturinn var eins mikið nammi og fólk gat í sig troðið. Spiluðum Scene it spilið - DVD spil um bíómyndir, ferlega skemmtilegt. Sérstaklega því við BH burstuðum hin þrjú liðin og tvö þeirra voru með spjöld til að stoppa okkur af, en voru alltaf að geyma þau til betri tíma - þokkalega sem þau voru spæld er við lentum beint á lokareitnum og gátum svarað spurningunni sem að okkur var rétt - Yeb - minns reddaði því aldrei þessu vant. Svo sátum við allt kvöldið og spiluðum spurningarnar og klippur úr bíómyndum og reyndu...

Fór til mömmu í gær - endaði með ma og pa til ömmu, Freyja er í heimsókn. Við fórum öll í sama bíl og ég keyrði - pabbi var að skoða handsfree-símagræjurnar í bílnum hjá mér og spyrja út í þetta, ákvað að sýna honum bara hvernig þetta virkar og hringdi í Baldvin. BH: Haaalllóóóó LBK: hæ og útskýri strax fyrir honum að ég sé að sýna pabba símann í bílnum. BH: Já já eins gott að ég svaraði ekki eins og ég ætlaði að svara HAHAHAHAHA. Það hefði verið vandræðalegt. Það er nefnilega ekki alltaf gott að hafa símanúmerabirti, stundum dettur manni í hug að svara eins og fífl og það getur komið manni um koll. Fyrir þó nokkru síðan hringdi síminn minn frammi einhvers staðar, BH var að vinna með Óskari eitthvað, ég lá eins og skata uppi í sófa undir teppi að glápa á sjónvarpið. Glætan að ég nennti að standa upp og svara. Sé að það er BH að hringja svo ég læt vaða: ÞAÐ ER EINS GOTT AÐ ÞÚ HAFIR SKOTHELDA ÁSTÆÐU TIL AÐ RÍFA MIG UPP Á RASSGATINU UPP ÚR SÓFANUM FRÁ SJÓNVARPINU. (Þarf ég að taka fram að...

Október er bleikur mánuður, sonur minn verður ánægður þegar hann uppgötvar það :o). Í þessum mánuði er vakin athygli á brjóstakrabbameini og öllu krabbameini bara held ég. Ég var að heyra af konu sem greindist með heilaæxli í fyrravor. Þessi kona hefur unnið í Lágafellsskóla svo ég var óskaplega miður mín síðasta haust þegar í ljós var komið að ekkert væri hægt fyrir hana að gera. Áðan frétti ég af henni aftur, hún er búin að vera í fríi frá vinnu allt síðasta ár. Meðferð hennar gekk út á að minnka æxlið til að hægt væri að skera það í burtu, það virtist ganga ágætlega og fyrr í vikunni átti hún að fara undir hnífinn. Læknar tóku myndir af lunganu hennar og í ljós kom að þar var æxli sem ekki var vitað um áður. Í framhaldinu komust menn að því að aldrei hafi verið um heilaæxli að ræða, heldur bara æxlið í lunganu. Skil þetta ekki alveg en svo virðist sem boðefni frá æxlinu berist til heilans og verði til þess að heiladingullinn bólgnar upp og líti út fyrir að vera æxli. Í stuttu máli v...

Er að horfa á Oprah - jú ég er líka að vinna verkefni - Verið að ræða svefntruflanir, verð að kíkja á það því BH sefur nánast ekkert og getur ekkert sofið að viti. ég hins vegar sofna á 10 sekúndum sléttum. Algeng spurning er: "Ertu sofnuð?" Nú segja sérfræðingarnir í sjónvarpinu að ég sé ekki í lagi því ég sofna svo fljótt. HHmmm en þetta er ekki vandamál hjá mér - málið er segir gaurinn að sá sem sofnar svo fljótt vanti meiri svefn. Já já sennilega rétt - en mér fannst það samt fyndið að ég er ekki í lagi því mér gengur of vel að sofna. Snore

Var bara komin með símann í hönd og að hringja til að gera tilboð - 180 milljónir er ekki neitt svo ég ætlaði að bara að slétta þetta út á 200 milljónir. Geggjað hús til sölu http://visir.is/article/20071030/LIFID01/71030074 . En þá mundi ég - æi já Kjartan með ofnæmi fyrir hestum - endemis, annars værum við pottþétt bara á leið í Asparhvarf. Og svo myndum við fara í hvarf líka þegar kæmi að skuldadögum. En það væri seinni tíma vandamál. Þetta hefði hentað okkur svo vel, Svandís hefði fyllt hesthúsið, Karlotta myndi ríða út alla daga eftir skóla, ég myndi liggja í heita pottinum og glápa á sjónvarpið. Kjartan Elvar fengi nóg efni til að taka upp þarna og Baldvin - ja ætli hann myndi ekki bara endanlega verða gráhærður og reyna að vinna fyrir öllu saman, hann hefur aldrei kunnað að slappa af. En svona er þetta Kjartan Elvar gæti ekki búið þarna - yrðum þá að skilja hann bara eftir og ég vil það ekki þannig að við ætlum að vera áfram í kofanum okkar í Leirutanganum. Það vill svo til að v...

KEB var heima í dag, kvefaður og slappur. Missti af Halloween partýinu í gær - var að byrja að vefja hann eins og múmíu með 16 metrum af teygjubindi þegar hann nánast líður útaf - hvítur í framan. Þannig að hann var bara heima í dag, fer í skólann á morgun en ætla að halda honum inni. Er skíthrædd um að ég nái í þessa pest líka þetta árið. Man ekki hvenær ég varð lasin síðast - veit að ég hef ekki lagst í rúmið síðan ég byrjaði í skólanum 2004. KBB náði sér í frunsu - kom að því, bara spurning um tíma. Ég fæ svona ógeð á vörina öðru hvoru - þakka fyrir að Zovir var fundið upp. Þetta var viðbjóðslega vont hérna áður en það kom á markaðinn. Veturinn aðeins að minna á sig með kaldara veðri og pínulítið af snjó. KBB var svo ánægð þegar hún sá snjóinn á sunnudagskvöldið - SJÁÐU ALLANN ÞENNAN SNJÓ - mmhhmm náði varla sentimetra og krakkinn alveg að sleppa sér. Hún og Diljá notuðu tækifærið daginn eftir og voru duglegar úti að leika sér. Og áðan þegar KBB kom úr skólanum fór hún út í garð með...