Ég hugsa að allar konur eigi sögur, fleiri en þær muna, um einhvers konar áreiti frá hinu kyninu. Ég á alla vega nokkrar. Og það skrýtna er að ég segi aldrei neinum frá þeim. Af hverju ? Af því manni finnst eins og maður sé ... ég kann ekki orð yfir það. Mér líður illa þegar ég fæ svona athygli - hún er neikvæð, en viðkomandi heldur að hún sé jákvæð - af því það er verið að sýna manneskjunni/konunni áhuga, eða veita athygli eða "hrós" eða eitthvað slíkt. En athyglin er sett fram á þann hátt að sá sem fær hana upplifir yfirgang, jafnvel frekju.
Hvað fær hinn venjulega meðal Jón til að halda að það sé hið besta mál að vippa sér að ókunnugri konu og láta eins og þau séu sálufélagar? Eða kalla til hennar á götu athugasemdir um útlit hennar. Og ef hún er ekki tilbúin að leika með, er hún ótrúlega ruddaleg, þurrkunta, fýlupúki o.s.frv. Hún á að vera þakklát fyrir að einhver skuli láta svo lítið að hafa fyrir því að "hrósa" henni. Að karlmaður sýni henni áhuga.
Svona er ekki í lagi...
Oft er sagt að konur séu að "biðja um það" þ.e. athyglina í þessu tilfelli þá, með klæðaburði, framkomu, látbragði o.s.frv. Ég get ekki séð neitt slíkt hér. Hún gengur ákveðið áfram og skiptir sér ekki af neinum. Og klæðnaðurinn ? Frekar látlaus. Og nú er þessi kona að fá nauðgunarhótanir og morðhótanir fyrir að hafa tekið þátt í þessu myndbandi. Mig langar að segja að það komi mér ekkert á óvart - það virðast alltaf vera einhver mænuviðbrögð hjá ákveðnum hópi fólks/karla. En ég verð alltaf svo hissa á svona hótunum og ljótum athugasemdum í garð þeirra sem benda á eitthvað sem betur mætti fara í samfélagi fólks. Og það skiptir engu um hvað er rætt - ákveðinn hópur rís á afturfæturnar og svo bara frussast eitthvað ógeð frá þeim í gegnum lyklaborðið og á veraldarvefinn fyrir alla til að lesa.
Ég vona að fólk átti sig einn daginn á því að svona yfirgangur er aldrei í lagi. Konur eiga að geta gengið um göturnar án áreitis og án ótta um að verða fyrir líkamlegu ofbeldi eftir að sólin sest. Jafnvel þó þær væru svo ótrúlega glannalegar að ganga um bæinn einar, án stuðnings frá hver annarri, eða góðum vini.
Kennið drengjunum ykkar að hegða sér... sama á hvaða aldri þeir eru.
Og segið stúlkunum ykkar (á öllum aldri) að það má ýta fólki kurteislega í burtu með athugasemdum um að það sé dónalegt. Og ef það virkar ekki, þá má öskra á það að drulla sér í burtu af því það sé enginn áhugi til staðar. Hverjum er ekki sama hvað dónanum finnst um mann, langar þig að kynnast honum betur ?
Þarf ég að hafa það með hérna að það er munur á kurteisislegu hrósi þar sem viðkomandi er ekki að abbast upp á manneskju með svona yfirgangi ? Nei sennilega ekki, en ég geri það samt - það er munur. Og þegar hrósið er einlægt, þó það komi frá frekar drukknum einstaklingi á bar jafnvel, og ekkert rugl fylgir með, þá þakkar maður fallega fyrir og brosir.
Later
Hvað fær hinn venjulega meðal Jón til að halda að það sé hið besta mál að vippa sér að ókunnugri konu og láta eins og þau séu sálufélagar? Eða kalla til hennar á götu athugasemdir um útlit hennar. Og ef hún er ekki tilbúin að leika með, er hún ótrúlega ruddaleg, þurrkunta, fýlupúki o.s.frv. Hún á að vera þakklát fyrir að einhver skuli láta svo lítið að hafa fyrir því að "hrósa" henni. Að karlmaður sýni henni áhuga.
Svona er ekki í lagi...
Oft er sagt að konur séu að "biðja um það" þ.e. athyglina í þessu tilfelli þá, með klæðaburði, framkomu, látbragði o.s.frv. Ég get ekki séð neitt slíkt hér. Hún gengur ákveðið áfram og skiptir sér ekki af neinum. Og klæðnaðurinn ? Frekar látlaus. Og nú er þessi kona að fá nauðgunarhótanir og morðhótanir fyrir að hafa tekið þátt í þessu myndbandi. Mig langar að segja að það komi mér ekkert á óvart - það virðast alltaf vera einhver mænuviðbrögð hjá ákveðnum hópi fólks/karla. En ég verð alltaf svo hissa á svona hótunum og ljótum athugasemdum í garð þeirra sem benda á eitthvað sem betur mætti fara í samfélagi fólks. Og það skiptir engu um hvað er rætt - ákveðinn hópur rís á afturfæturnar og svo bara frussast eitthvað ógeð frá þeim í gegnum lyklaborðið og á veraldarvefinn fyrir alla til að lesa.
Ég vona að fólk átti sig einn daginn á því að svona yfirgangur er aldrei í lagi. Konur eiga að geta gengið um göturnar án áreitis og án ótta um að verða fyrir líkamlegu ofbeldi eftir að sólin sest. Jafnvel þó þær væru svo ótrúlega glannalegar að ganga um bæinn einar, án stuðnings frá hver annarri, eða góðum vini.
Kennið drengjunum ykkar að hegða sér... sama á hvaða aldri þeir eru.
Og segið stúlkunum ykkar (á öllum aldri) að það má ýta fólki kurteislega í burtu með athugasemdum um að það sé dónalegt. Og ef það virkar ekki, þá má öskra á það að drulla sér í burtu af því það sé enginn áhugi til staðar. Hverjum er ekki sama hvað dónanum finnst um mann, langar þig að kynnast honum betur ?
Þarf ég að hafa það með hérna að það er munur á kurteisislegu hrósi þar sem viðkomandi er ekki að abbast upp á manneskju með svona yfirgangi ? Nei sennilega ekki, en ég geri það samt - það er munur. Og þegar hrósið er einlægt, þó það komi frá frekar drukknum einstaklingi á bar jafnvel, og ekkert rugl fylgir með, þá þakkar maður fallega fyrir og brosir.
Later
Ummæli