Fara í aðalinnihald

you snooze you loose !

Þar sem ég er svefnpurka og á auðvelt með að sofa endalaust, þá er gott að hafa eitt lítið hvolpaskott sem rekur mann framúr. Út með Lupo að pissa og svo inn aftur. Það er ekki nóg til að ég skríði ekki aftur upp í rúm á laugardagsmorgni þó klukkan sé orðin hálf níu. Neinei þeir félagar (Ronja enn í búrinu sínu) hlupu hér eins og berserkir framogtilbakaframogtilbakaframogtilbaka... og alltaf á spegilinn sem má ekki við meira eftir átök heimilishundanna í den.

Svo Ég skoppaði með þá bræður út í gerði þar sem þeir mega djöflast og hamast eins og þeir vilja. OG ÞÁ er ég sæmilega vöknuð og þarf ekki að hvíla mig meira. Geispa bara doldið og næ mér þannig í súrefni. Húsið er ónýtt eftir lélega umgengni heimilisfólkskins svo það er sennilega best að byrja á því að tjasla því saman. Svo verð ég víst að vinna dálítið til að vera ready áður en ég fer út. VSK, laun, reikningar, áramót og mánaðarmót... hvaða hálfviti sagði já við útlandaferð á þessum tímapunkti?

Later

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira