Fara í aðalinnihald

Nýtt ár - ný verkefni

Þeim tókst það loksins, mikið hljóta þau að vera glöð!

Nú þarf ég að vinna hratt í því að hrista á mér rassinn (allann kropinn) og ná mér í smá þol. Byrja strax núna, ef ekki þá alla vega á Sunnudaginn. Þá verður gengið á Úlfarsfellið.

Pabbi hringdi áðan og ég fékk nákvæmlega tíu mínútur til að ákveða hvort ég myndi ekki bara skella mér á skíði með þeim 29. janúar - 5. febrúar. Neee veit ekki sko. Talaði svo við Magneu sem sagði mér að hypja mig upp í vél og út. BH sagði það sama. Svo ég þori ekki annað en að hlýða og er því búin að segja já takk ég ætla að skella mér með.

Þau eru búin að reyna í mörg ár að drífa mig með, og alla mína fjölskyldu. Það er ekki eins og mann hafi ekki langað en við höfum ekki látið verða af því.

Þannig að nú hefur sá sögulegi árangur náðst í fjölskyldunni að drífa mig á skíði í útlöndum. Veit ekki alveg hvert en geri ráð fyrir Ítalíu. Verð bara að treysta þeim.

Verður áhugavert því ég hef ekki skíðað síðan áður en ég fékk bílpróf og gömlu skíðin mín eru ekki hæf lengur - dáldið rispuð eftir smá steinaslys. En Ma lánar mér örugglega gömlu skíðin sín ef ég bið fallega :o)

Later

Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira