Fara í aðalinnihald

Here we go again...

Sömu trikkin - nýr hvolpur

Hann er fjögurra mánaða, hálfbróðir Úlfs og skuggalega líkur þessum stóra. Sömu litir í þeim báðum. Fullur af fjöri, búinn að klóra aðeins í handabakið á mér þegar ég var að leika við hann. Nú eru þeir hálfbræður úti í gerði að takast á. Þessi stóri að kenna þeim litla að hemja sig, og að sá stóri ræður. Sá litli að takast á við hræðslukastið og færa sig upp á skaftið. Kominn upp á kofa að spóka sig með þeim stærri og horfa á lífið í kringum sig.

Ronja fékk ekki að vera með í leiknum að sinni. Mér fannst of mikið að hafa tvo stóra úlfa níðast á þeim minni. Hún liggur hérna hjá mér frekar fúl að þurfa að vera inni. Tók hana góða stund að sætta sig við að ver hér hjá mér þegar fjörið er klárlega úti. Ætli ég taki Úlf ekki inn í smá stund á eftir og setji Ronju hjá krílinu í staðinn. Vona að þau taki út þörfina fyrir að siða greyið til þarna úti. Nenni ekki svona látum hérna inni :o)

Later

Ummæli

Olga sagði…
Ahh, skil þig svo vel með lætin- miklu betra þegar þau klára að ærslast úti og eru svo poll róleg inni :) Fer aðeins betur með parketið og heimilið í heild!
Viktor heppinn að hafa ykkur!
21. janúar 2011 kl. 19:30
Lóa Björk sagði…
yup og svo pissar hann þá úti ekki inni - erum svona að klára að húsvenja hann þó hann sé orðinn duglegur... Svo kemur Farkas á morgun og Lupo fer með Viktori - nóg að gera :o)
21. janúar 2011 kl. 20:49
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira