Fara í aðalinnihald

Update

Búið ?

Nei alls ekki en komið vel áleiðis - þetta kemur allt með kalda vatninu og þeir sem þekkja til hérna vita að það þarf að renna dáldið lengi áður en það verður kalt ;)

Þetta fannst mér skemmtilegast, þegar BH uppgötvaði einn svartan stein á kolröngum stað. Honum fannst það minna fyndið en mér en sættist þó á að þetta væri dáldið sniðugt. Dóttirin fór hins vegar á límingunum og meikar þetta alls ekki. Ég er hreint ekki viss um að hún eigi eftir að geta sofið hreinlega vitandi af þessum "mistökum".

Ég tók Indversku teppin söguna á þetta. Þegar þau eru vefuð, þessi fínu og flottu teppi, þá er alltaf laumað inn alla vega einu stk mistök. Því ekkert er fullkomið nema verk guðs. Þessa sögu heyrði ég einhvern tímann og þetta verður sagan á bakvið stéttina mína.

BH var enn minna skemmt í dag þegar hann sá annan svartan stein á röngum stað í planinu, þá gat hann alls ekki hlegið lengur.

Hér er svo það sem þarf að klára hratt og örugglega. Staurarnir komnir, það er afrek, hefði ekki viljað missa veðrið í frost áður en það hafðist. Nú þarf að leggja stétt og gúmmímottur og eitthvað svona pissuhorn. Loka þessu með timbri, skella tveimur hliðum í þetta og græja ruslatunnugeymslu. SÆLL þetta verður svo awesome - bylting, ekkert annað. Þokkalega sem loðbolta kvikindin eiga eftir að hafa það gott þarna :)

Ég hlakka svo mikið til þegar þetta verður lokað gerði og ruslatunnurnar komnar á sinn stað. Held að nágrannarnir verði fegnir líka þegar þetta verður búið. Við erum ekki búin að vera vinsælustu og snyrtilegustu nágrannarnir síðustu tvo mánuði. En þeir hafa verið afskaplega skilningsríkir og almennilegir - því það eru þau öll sömul alltaf. Held að við séum afskaplega rík að því leyti - við eigum góða nágranna og það er mikils virði.

Later



Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira