Fara í aðalinnihald

GirlPower

Löggukarlar að væla að stelpur geti ekki, skilji ekki og kunni ekki... í sleðasportinu rúla þær hinsvegar.

Það var mót síðustu helgi, bæði laugardag og sunnudag.

Krýsuvíkurhlaupið - 15 km scooter og bikejöring með 2 hunda á laugardeginum.

Þessir töffarar unnu þá flokka. Rósa hjólaði með tvo hunda og Olga vann Scooter-inn. Þessar tíkur þarna eru náttúrlega engum líkar... allar sex ;)

Kolla landaði 2. sæti með Blanco og Hröfnu í bikejöring með tvo hunda.

Laugardagurinn var svona "stelpurnar rassskelltu strákana" dagur ;)

Svo kom sunnudagur...





Þá tók Auður sig til með Úlfi og bakaði alla samkeppni... samtals átta "lið". Hún var heldur spæld að geta ekki farið brautina með Amyru sinni. En Úlfur hlóp þetta fyrir vinkonu sína og togaði allan tímann á meðan Auður hjólaði með.

Allar þessar stelpur lögðu allt í keppnina og komu dauðar í mark, alsælar en gjörsamlega búnar. Hundarnir voru sáttir, en hefðu hlaupið lengra :) Þær voru líka mörgum mínútum á undan næsta manni og unnu allar mjög sannfærandi.

Í stuttu máli þá á enginn séns í Siberian Express hunda og menn... ekki ennþá alla vega. Og við vinnum að því hörðum höndum að halda því þannig :)

Later



Ummæli

Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira