Fara í aðalinnihald

Væl og sárindi?

Las litla grein í mogganum í morgun að lagið Bahama með Ingó veki sárar minningar og sé hakkað í spað víða á bloggsíðum. Hef ekki séð þau skrif en verð að viðurkenna að mér finnst lagið skemmtilegt. Bara fyndið þegar sungið er eitthvað annað en væl um ástina endalaust. Veit ekki betur en að love hurts - bad. Svo af hverju má ekki bara leka þessum tilfinningum út líka og þá á þennan hátt í stað þess að væla heil ósköp endalaust. Vona að þetta skiljist hjá mér hérna - ég er sennilega bara svona mikið kvikindi því mér finnst ekkert að þessum texta, fínn húmor.

The bitch

Ummæli

Nafnlaus sagði…
I like it, aha aha :) heyrði það fyrst í dag á leiðinni niður í skóla og Frostinn virtist ekkert kippa sér upp við það að brjálaða mamman söng með ;)
15. apríl 2008 kl. 12:27
Nafnlaus sagði…
hehe mér finnst þetta lag alveg frábært. Hækka alltaf í tækinu þegar ég heyri það. En hafði ekki hugmynd um hver væri að syngja þetta lag. Nú veit ég það. Kv Helga. Reyndar hef ég ekki heyrt eða lesið neitt bögg út af þessu lagi.
15. apríl 2008 kl. 15:21
Skrifa ummæli

Vinsælar færslur af þessu bloggi

svona keppnis...

Drengurinn byrjaði að æfa Frjálsar íþróttir núna í byrjun október. Gormurinn nær ekki að mæta á allar æfingar því fimleikarnir ganga fyrir og þetta rekst aðeins saman. En hann er duglegur að hlaupa milli og taka strætó og gerir eins og hann getur að komast á æfingar. Fyrsta mótið sem hann tekur þátt í var haldið í dag. Silfurmót ÍR í Laugardagshöll - yfir 500 krakkar mættir til leiks í öllum aldurshópum og greinum. KEB ákvað að keppa i 60m og 200m spretthlaupi og vildi sjá til með 800m hlaup. Við BH ætluðum að vera og sjá en misstum af 60m sprettinum þar sem hann kom fyrstur í mark í sínum riðli. Svo er farið eftir tíma og hann endaði í 7. sæti af 16 keppendum, ekki slæmt það :o) Hins vegar vorum við komin að kíkja á þá félaga þegar 200m hlaupið hófst og það var gaman að sjá þá strákana - allir að gera sitt besta. KEB var greinilega í sterkum riðli því það var sko hlaupið. Hann var annar mest allan tímann og þá hélt sá sem var þriðji að hann gæti bara komið framúr, KEB ekki sáttur þega...
2 ummæli
Lesa meira

Framtíðarsýn

Ég er pínu óróleg með að ég sjái hugsanlega fram í tímann, þessi framtíðarsýn mín er mjög sennileg. Hún er svona... Ég keyri Vesturlandsveginn á leið í bæinn, það er gott veður - sól og blár himinn - yndislegur vordagur. Tónlistin á háum styrk, ég með sólgleraugun, búin að hafa mig til, hárið fínt búin að klína spartli og lit á andlitið - syng með skemmtilegu lagi (sumir myndu segja gaula... ég held mig við syng). Að venju er hægri fóturinn aðeins þungur, búin að vera dugleg í ræktinni undanfarin ár... er alveg að sligast af vöðvum þess vegna, vöðvar eru þyngri en fita eins og allir vita ekki satt ? Bíllinn slefar í hundraðið... eða rúmlega það, sé það ekki vel í þessari sýn, eina sem skiptir máli er að drossían skröltir hraðar en 80 km/klst. Og auðvitað ryðst ég inn í radargeislann á þessum ljóshraða mínum og fljótlega blikka blá ljós fyrir aftan mig og ég neyðist til að hægja á skrjóðnum og renna ljúflega út á vegaöxlina. Ég lækka í tónlistinni, renni niður hliðarrúðunni og bíð...
Skrifa ummæli
Lesa meira