Míkrósaga

Fór að spegla mig í dag... í Mjóddinni. Fékk Kæruleysis sprautu og mátti ekki keyra sjálf heim, var skutlað á staðinn. Var búin að plata systur mína til að koma og sækja greyið þegar ég væri búin. Svona var samtalið okkar er ég var NÝKOMIN á hvíldarstofuna... Þannig var það nú... hún kom inn til mín og ég svaf klukkutíma á meðan hún sat yfir vitleysingnum. Svo losnaði hún fljótt við mig og ég fór á flakkið að græja og gera. Dauðfegin að þetta virkar ekki eins og að vera svæfð - meikaði ekki heilan dag í flökurleika og ógeð. Later

Í síðasta mánuði fylgdist ég, eins og aðrir, með umræðu og fréttum og viðbrögðum fólks, í tengslum við dóma í nokkrum kynferðisbrotamálum. Ég m.a.s. las dóminn yfir hinum fimm fræknu. Og nei ég komst ekki að þeirri niðurstöðu að greinilega væru drengirnir saklausir og stúlkan lygin drusla sem vildi´ða. Eins og margir karlkyns kommentarar, sem höfðu lesið dóminn. Ég komst heldur ekkert að þeirri niðurstöðu að þeir væru allir drullusekir og hún saklaust fórnarlamb. Eins og margir kommentarar sem ekki lásu dóminn og helst bara fyrirsagnir fréttamiðla og upphrópanir múgsins með heykvíslarnar. Ég var ekki á staðnum, ég veit ekki hvað gerðist. En ég VEIT að ég myndi ekki vilja að dómarar, hvorki í héraðsdómi né hæstarétti myndu rétta í máli ef ég stæði frammi fyrir því að kæra kynferðisbrot. Ég treysti þeim ekki í eina sekúndu. Ég ætla að halda því fram hér og nú að ég væri alveg manneskjan til að sýna "óeðlilega" hegðun að þeirra mati eftir að á mér væri brotið og sennilega á me...

Skynsamleg viðbrögð? SKOÐUN 07:00   03. DESEMBER 2015 Sæunn Kjartansdóttir sálgreinir. SÆUNN KJARTANSDÓTTIR SKRIFAR Nýlega voru fimm piltar sýknaðir af ákæru um að nauðga skólasystur sinni. Ekki leikur vafi á að kynmök hafi átt sér stað heldur hvort stúlkan hafi verið þeim samþykk. Stúlkan kærir ofbeldi en piltarnir lýsa hversu gröð hún hafi verið í þá alla, helst sem flesta í einu. Án þess að ég telji mig þess umkomna að meta hvað gerðist í þessum harmleik vil ég benda á nokkur mikilvæg atriði. Það er löngu tímabært að lögregla, saksóknari og dómarar átti sig á að þegar þeir leggja mat á trúverðugleika fólks er hyggjuviti þeirra takmörk sett. Þekking á lögum gerir fólk ekki sérfrótt um mannlega hegðun en hvors tveggja er þörf þegar kemur að kynferðisbrotamálum. Það eru til dæmis alvarleg mistök að ganga út frá þeirri forsendu að fólk í áfalli hegði sér á tiltekinn hátt. Þannig er óforsvaranlegt að ráða af atferli stúlkunnar af upptöku úr eftirl...

Sumt þarf maður bara að eiga - þetta myndband minnti mig á einn fjölskyldumeðlim, nefnum engin nöfn KBB. Tek það fram að viðkomandi drottning hefur lagt nett fæð á þennan söngvara í gegnum tíðina. Vægt til orða tekið þá er hún ekki aðdáandi. En svona hefur hún stundum viljað heilsa móður sinni samt, með auðvitað hennar útfærslu. Útfærslu sem ég get aldrei lært, enda ekki alltaf eins. En ég er ekki bara svona takmörkuð að geta ekki græjað svona kveðju í hvert sinn - meira bara hef ekki tíma í þetta :) Later

Hendi stundum inn myndum hérna... m.a.s. af mér sjálfri. Nenni sjaldnast að breyta þeim - geri það nú samt stundum. En helsta ástæðan fyrir að ég geri það ekki er leti - ég nenni því ekki. Vil bara skrifa það sem mig langar að segja og hendi inn myndum af því það er gaman að hafa þær með. En nú sé ég að það er enn betri ástæða til að sleppa því að eiga við myndirnar og nú held ég mig við þessa skýringu: Yup - ég er ekki löt, ég þekki sjálfa mig og það er full ástæða til að óttast að ég gæti týnst einn daginn... bara af því ég man ekki hvar eða hver ég er, fór út í náttúruna og rata ekki tilbaka, fór til útlanda og rata ekki tilbaka - eða eitthvað bara... svo þetta er ástæðan fyrir því að ég sleppi þvi að edit-a allar myndir af mér ;) Ég vil að það sé rétt nafn á legsteininum þegar þar að kemur.

Var að fara á fund í gærkvöldi - auðvitað var mælst til að konur og menn myndi mæta í einhverju bleiku í tilefni þess að í dag væri bleiki dagurinn. Um daginn, í byrjun mánaðar, keypti ég tvær bleikar slaufur, eina fyrir mig og eina fyrir KBB. Þetta er í fyrsta sinn í nokkur ár sem ég kaupi bleiku slaufuna. Ákvað fyrir þó nokkru að ég tæki ekki þátt í að styrkja Krabbameinsfélagið í því að einbeita sér að einni tegund krabbameins í konum. Konur fá allar tegundir krabbameins. Eftir að hafa fylgst með vinkonum, og konum sem ég kannast við, berjast við alls konar krabbamein fannst mér að peningar úr árlegri söfnun ættu ekki allir að fara í einn rannsóknarpott. Örugglega heilmikið einfaldað hjá mér, en í mörg ár einblíndu þeir á brjóst kvenna og krabbamein í þeim - finnst gott að nú skuli fólk einbeita sér einnig að annars konar krabbameini og benda á mikilvægi þess að opna umræðu á aðrar tegundir. Í ár er ristilkrabbamein í sviðsljósinu. Krabbamein sem fólk hefur helst ekkert viljað t...

Ég flý það ekki lengur - það er endanlega orðið opinbert. Ég er miðaldra ! Hver hefði trúað að það er ekkert mál og að maður gæti verið svona fáránlega ferskur og fallegur á þeim tímapunkti í lífinu. Hljóp 9 km í gær - hafði lítið fyrir því. Já ok er með svona verki í mjöðmum og lærum í dag og smá stíf þegar ég stend upp. En ekkert til að væla yfir - hef oft verið verri sko. En ég held að maður neiti því ekki lengur og verði að horfast í augu við staðreyndir og sætta sig við blákaldann veruleikann þegar sá dagur rennur upp að frumburður manns verður tuttugu ára. Það er þannig að þessi ungi herramaður... ... sem er jafn hissa og ég - er TUTTUGU ÁRA í dag, 6. október. Hann kom í heiminn mánuði fyrr en áætlað var - leiddi til þess að móðir hans stóð á brókinni á spítalanum (án brókar samt eiginlega meira að segja) og karl faðir hans þurfti að græja allt áður en krílið kom heim í Ferjuvoginn. Og hann stóð sig vel - reddaði öllu sem redda þarf fyrir ungabarn á þremur dögum. N...