Fórum í gær til að leyfa hundunum okkar að hlaupa lausum. Leit út um gluggann og sá þetta líka fína veður. M.a.s. snjóaði aðeins. Vorum samt vöruð við að það væri ekki skemmtilegt veður á Suðurlandsvegi og þar með ekki heldur á Nesjavallavegi, þar sem okkar ferð var heitið. Við vorum því við öllu búin. Vissum að sennilega myndum við ekki ná að keyra alla leið þangað sem við helst vildum en ákváðum að sjá hvernig aðstæður voru.
Er við vorum komin áleiðis var okkur ljóst að okkar bíll myndi ekki hafa það lengra en við vorum komin. Svo við ákváðum að snúa bifreið vorri við og lögðum á "auða" götuna og hleyptum hersingunni út. Sama gerðu Olga og Halli. Við vorum minnt á það þarna hvernig vetur eru á Íslandi þegar vind hreyfir. Það var vont að fá snjórigninguna í andlitið og við óðum sums staðar snjó uppfyrir hné út í móa. Hundarnir þurftu smá tíma til að átta sig. Það var mjög fyndið að sjá þau hlaupa og endastingast á nefið þegar snjórinn gaf sig. Við röltum þarna með þau í klukkustund tæpa og komum svo aftur að bílunum tilbúin í heitt súkkulaði og smákökur.
Ég var blaut inn að beini. Jakkinn minn blautur í gegn og flíspeysan vel rök. Var í skíðabuxum sem halda ekki vatni og því blaut í gegn fyrir ofan hné, legghlífarnir héldu þurru þar fyrir neðan. Ég var minnt á það þarna af hverju ég er að safna mér fyrir rándýrum hlífðarfötum frá annað hvort Cintamani eða 66°N - RÁNDÝRUM. Maður er þurr í jakka og buxum frá þeim eftir svona útiveru í íslenskri veðráttu - ekki kaldur og hrakinn þegar maður kemur inn í bíl. Mér er aldrei kalt fyrr en ég þarf að setjast inn í bíl eftir að hafa skoppað úti í slagviðri. Svo nú er bara að harka af sér og safna meira til að enda í svona fínum útigalla :o) Verst að þetta drasl fer aldrei á útsölu.
Þrátt fyrir að hafa lagt bílnum á útpældum stað og passað súper vel að enda ekki föst þarna... þá vorum við föst er við ætluðum heim á leið. Það skóf svona skemmtilega undir bílinn að framan að við komumst tvo sentimetra í blautum þungum snjónum. Þetta er svona helsta ástæða þess að efst á óskalistanum mínum er breyttur Toyota Land Cruiser á 35 tommum (eða meira) á meðan hinar mömmurnar vilja einhverja ofurmömmu bíla til að koma sem flestum ormum þar inn.
Halli kippti okkur úr þessum vandræðum á sekúndubroti, var ekki meira mál en það. Bíllinn bara lak af stað án nokkurra vandræða með smá aðstoð frá tröllinu. "Langar í Land Cruiser á 35 tommum" *dæs* Var ég búin að nefna það ?
Komumst heim í heitt súkkulaði og smákökur fljótlega og það var hrikalega gott :o)
Later
Er við vorum komin áleiðis var okkur ljóst að okkar bíll myndi ekki hafa það lengra en við vorum komin. Svo við ákváðum að snúa bifreið vorri við og lögðum á "auða" götuna og hleyptum hersingunni út. Sama gerðu Olga og Halli. Við vorum minnt á það þarna hvernig vetur eru á Íslandi þegar vind hreyfir. Það var vont að fá snjórigninguna í andlitið og við óðum sums staðar snjó uppfyrir hné út í móa. Hundarnir þurftu smá tíma til að átta sig. Það var mjög fyndið að sjá þau hlaupa og endastingast á nefið þegar snjórinn gaf sig. Við röltum þarna með þau í klukkustund tæpa og komum svo aftur að bílunum tilbúin í heitt súkkulaði og smákökur.
Ég var blaut inn að beini. Jakkinn minn blautur í gegn og flíspeysan vel rök. Var í skíðabuxum sem halda ekki vatni og því blaut í gegn fyrir ofan hné, legghlífarnir héldu þurru þar fyrir neðan. Ég var minnt á það þarna af hverju ég er að safna mér fyrir rándýrum hlífðarfötum frá annað hvort Cintamani eða 66°N - RÁNDÝRUM. Maður er þurr í jakka og buxum frá þeim eftir svona útiveru í íslenskri veðráttu - ekki kaldur og hrakinn þegar maður kemur inn í bíl. Mér er aldrei kalt fyrr en ég þarf að setjast inn í bíl eftir að hafa skoppað úti í slagviðri. Svo nú er bara að harka af sér og safna meira til að enda í svona fínum útigalla :o) Verst að þetta drasl fer aldrei á útsölu.
Þrátt fyrir að hafa lagt bílnum á útpældum stað og passað súper vel að enda ekki föst þarna... þá vorum við föst er við ætluðum heim á leið. Það skóf svona skemmtilega undir bílinn að framan að við komumst tvo sentimetra í blautum þungum snjónum. Þetta er svona helsta ástæða þess að efst á óskalistanum mínum er breyttur Toyota Land Cruiser á 35 tommum (eða meira) á meðan hinar mömmurnar vilja einhverja ofurmömmu bíla til að koma sem flestum ormum þar inn.
Halli kippti okkur úr þessum vandræðum á sekúndubroti, var ekki meira mál en það. Bíllinn bara lak af stað án nokkurra vandræða með smá aðstoð frá tröllinu. "Langar í Land Cruiser á 35 tommum" *dæs* Var ég búin að nefna það ?
Komumst heim í heitt súkkulaði og smákökur fljótlega og það var hrikalega gott :o)
Later
Ummæli
jú, ok... kannski flokkast þetta undir snobb en það er gott að vita hvað maður vill OG það eru góðar ástæður fyrir því afhverju. Stundum er það líka bara þannig að "merkið tryggir gæðin".
En annars voru kökurnar þínar hættulega góðar! Er enn að hugsa um þær...namminamminamm!
ORB