Glefsur úr sumarfríinu

Höfum oft verið heppnari með veður í sumarfríi fjölskyldunnar. En hver fer til Norðurlanda og stólar á gott veður? Ekki við - þess vegna tókum við regnúlpurnar okkar með. Og höfum aldeilis haft not fyrir þær líka. Okkur FINNST rigningin góð :o)

Þetta er nú ekki svona slæmt, við höfum haft nóg fyrir stafni og látum þetta ekki á okkur fá. Enda höfum við fengið sólarglætu í gegnum skýin og rigningin hefur ekki verið það mikil að við séum alltaf rennandi blaut.

Fórum í fyrradag í Legoland í Billund, hittum það Elísabetu kennara í Lágafellsskóla. Það eru Íslendingar hér á hverju horni. Fengum skítsæmilegt veður í Legolandi og skemmtum okkur vel. Það rigndi sama og ekkert en við redduðum því, keyptum okkur ponsjó og fórum í sjóræningja vatnsslag á sjóræningjaskipi í garðinum. Svo náttlega þurftum við að prófa vatnalestirnar og allt sem var þarna í boði. Náðum að draga BH með okkur í einn lítinn Xtreme rail leiðangur. Annars er það sko mamman í þessari fjölskyldu sem fer með krökkunum í græjurnar og pabbinn er notaður sem herðatré (hann geymir töskur og myndavélar). Krakkarnir eru nógu stórir til að fara sjálf í öll þessi tæki - en hey - mamman er ekki nógu stór til að vera skilin eftir. Alla vega ekki í stóru tækin. Nenni ekki í mikla snúninga og þeytivindur, púff fæ bara í magann við að skrifa þetta.

Í gær fengum við ský og rigningu öðru hvoru. Hávaðarok fylgdi þessu á ströndinni í Thyborön. Krakkarnir fá ekki nóg af ströndinni. Við vorum þarna í hálftíma og við hjónin hlógum að því að engir nema Íslendingar létu sig hafa þetta veður á ströndinni - krakkarnir í stuttbuxum (því það er ekki kalt) í peysum að búa til sandkastala, svona eins og ekkert væri eðlilegra í sandstorminum þar sem þurrt var á ströndinni.

Þessi bær var nú ekki að heilla okkur. Frekar subbulegt þarna og illa hirt hús og garðar. Iðnaðarverksmiðjur tóku á móti okkur inn í bæinn. Eina sem eitthvað var varið í að sjá var Sniglahúsið. Ætla ekki að lýsa því - set myndir á flikr við tækifæri. Nenntum samt ekki inn, vorum of hlaðin drasli - fötum, skóflum og háfi. Algert must að hafa með sér háf á ströndina hér fyrir neðan sumarhúsið - veiða krabba. Krakkarnir búnir að ná tveimur. Erum með þá sem gæludýr hérna úti í garði í fötu bara. NOT, þeim var sleppt er við fórum af ströndinni í bústaðinn.

Fórum í Holstebro og kíktum á lífið - þar var ekki mikið líf reyndar. KEB vildi vita hvort við værum í Stúí - hans útgáfa á Struer - sem er aldrei kallar annað er Stúí núna. Og Lemvig fékk viðurnefnið Lemðig. Já já við höfum nóg að gera.

Annars var drullað yfir dömuna í Danmörku í gær - jamm - það varð að veruleika þetta sem ég hef oft velt fyrir mér. Þegar fuglahópur flýgur yfir fólk - skíta þeir aldrei þannig að þeir hitti einhvern? Fékk svarið í Holstebro, á göngugötunni í miðbænum. Fannst þetta frekar þungur rigningardropi - eða skrýtið að hjólið sem var að fara framhjá skyldi sletta upp að háls á mér. OJJJ svo sá ég fuglana fljúga fyrir ofan okkur. Hey krakkar er hvítt í hárinu á mér?? Nei þau töldu svo ekki verða svo ég renndi hendinni eftir taglinu (ef tagl skyldi kalla). ÍÍjjjúú, slímugt. Oj mamma það er grænt í hárinu á þér (ég er í alvöru með svona ógeðsgrettu á andlitinu á meðan ég skrifa þetta).

Ég reif pappír úr vasanum og rétti að mínum ektamanni og bað hann vinsamlegast um að gera það besa úr þessu. Sem hann gerði - þreif það mesta úr hausnum á mér og upp úr hettunni minni. Endemis, mínútu áður hafði ég hettuna á hausnum vegna þess að það rigndi. Hvers vegna var ég að taka hana af mér?? Needless to say þá beið ég allan seinnipartinn eftir að komast heim í sturtu - og setja peysuna mína í þvottavélina.

Í Holstebro var farið í leikfangaverslun og krakkarnir fengu að kaupa sér Lego kassa - það var búið að lofa því frá deginum áður. BH sá fyrir sér að bíða að eilífu amen í röð í búðinni í Legolandi því þar var brjálað að gera - stappað af fólki. Og verðið var ekki neitt ódýrara en í venjulegri búð. Svo okkur þótti betra bara að græja þetta í rólegheitum í bænum, sem við gerðum.

Annars er aðalskemmtun krakkana hérna strendurnar þrátt fyrir veðrið, þau láta það ekkert á sig fá. Eða jæja, KBB sagði áðan að næsta sumarfrí yrði til sólarlanda. Og BH sagði í fyrradag að við ættum að skella okkur til sólarlanda í haust. Og ég sem bauð honum til Marmaris í sumar og hann hafnaði því.

Fórum í Stúí (Struer) áðan og skelltum okkur í bíó - sáum Mamma Mia. Við skemmtum okkur bara vel og mælum hiklaust með myndinni. Get alveg sagt að hún er betri en söngleikurinn sem við BH sáum með Halldóri og Kötu 17. júní árið 2000. Þar sem bara ein söngkona gat actually sungið skammlaust og gaurarnir voru svo lélegir að einn þeirra kallaði sinn texta þegar hann átti að syngja.

Í gær var planið að við krakkarnir skelltum okkur í sund, sá nefnilega svona sundskilti hérna í Lemvig. Þið vitið svona axlir og haus upp úr vatni skilti! Sund right?

BH vildi meina að GPS sýndi ekkert sund nær en 70 km. í burtu. En mín var með þetta allt á hreinu. Svo þegar ég sýndi honum skiltið sem vísaði á laugina í plássinu spurði hann "ertu að meina þetta baðstrandarskilti?" Og svo hló hann allsvakalega - hrmpf, mér var ekki eins mikið skemmt - en brosti þó út í annað. Hann hringdi náttlega beint í pabba sinn til að forvitnast um sundlaugamenningu Dana. Ég heyrði náttúrulega bara það sem BH sagði:

BH: Eru einhverjar sundlaugar hérna í Danmörku?
HG: ???
BH: Lóa sá nefnilega sundlaugarskilti hérna í Lemvig og þegar ég sá það benti ég henni á að það væri baðstrandarskilti, [glott]
HG: ????
BH: Já henni þótti það ekki eins fyndið og þér :o)

Kom í ljós að einhverjar eru sundlaugarnar hérna en Hansi mælti ekki með þeim, innilaugar og ekkert verið að bæta heitu vatni útí neitt allt of mikið.

Hins vegar er vatnagarður hérna nálægt og það gæti vel verið að við kíktum á hann - við erum hvort sem er meira og minna blaut hérna.

Værsgo