Míkrósaga

Föstudagurinn var frekar busy og eins og venjulega fór tímaplanið mitt úr skorðum. Alls konar sem ekki er gert ráð fyrir og annað sem tekur kannski lengri tíma en áætlað var. Enn eitt dæmi um athyglisbrest minn og skipulagshæfileika: Fór að taka úr þvottavélinni, setti blauta þvottinn í körfuna. Og ég man ekki af hverju ég fór fram, en áður en ég vissi af var ég að taka úr uppþvottavélinni þegar ég hugsaði... var ég ekki að taka úr þvottavélinni? Svo ég fór inn í þvottahús og setti á snúrurnar úti svo það myndi þorna strax. Þvoði fimm vélar þennan dag, allt sett út á snúrur... og allt komið saman brotið inn í skápa um kvöldi. Elska svona brakandi þurrk þannig að hægt sé að klára þvottinn samdægurs. Ég ætlaði í Skorradalinn um kvöldmat og þetta var að ganga ágætlega... en svo bara flaug tíminn og aukaverkefni bættust á listann. Þannig að ég lagði ekki af stað fyrr en um 23:30, en ákvað að drífa mig vitandi að annars myndi ég ekki leggja af stað fyrr en undir hádegi næsta dag. Það ...

Föstudagurinn 17. júlí: Á meðan ég græjaði inni í þvottahúsi, sem er orðið súper fínt núna, þá setti ég KBB í rabarbaramálið. Hún fór út í garð og reif upp rabarabarann. Við fórum saman út í garð og ég sýndi henni hvernig maður græjar þetta úr moldinni, og sker af blöðin og endann. Henni þótti þetta ekki mikið mál og dreif sig í málið - svo henti hún afgöngunum sem hún skar af í moldina undir rifsberjarunnanum. Fínasta efni í mold :) Þegar hún kom inn aftur fékk hún eldsnögga sýnikennslu í að skola af uppskerunni og skera allt niður í matvinnsluvélinni. Já ég nenni ekki að skera þetta allt í höndunum, langt síðan ég hætti því og setti vélina í þessa vinnu. Þegar hún var búin að skera niður og vigta sex kíló var þessu hent í pott og blandað sykri. Suðan var fljót að koma upp og þetta fékk að malla í þrjá klukkutíma. Ekki alveg lystugt svona fyrst eftir að suðan byrjar og ég hugsa alltaf... ætli hún verði svona græn/drullubrún ?? En hún verður alltaf fa...

Ég er ekki þekkt fyrir að gera hlutina skipulega... er þokkalega skipulögð en þó ekki. Þegar ég þríf heimilið þá rýk ég úr einu í annað. Ef ég er í eldhúsinu og byrja þar, þarf að ganga inn í herbergi með eitthvað, þá gleymi ég mér þar og byrja á einhverju sem grípur mig þar inni. Þaðan þarf ég kannski að fara með eitthvað inn á bað og þegar ég kem þangað þá byrja ég að að græja eitthvað þar o.s.frv. Svo er allt í einu bara allt orðið fínt og hreint. Og á meðan á þrifum stóð hef ég sennilega gefið hundum að borða, sett í þvottavél, tekið af snúrum, brotið saman þvott o.s.frv. Sem sagt ekki mjög skipulögð en kem verkinu frá engu að síður. Ég fór í að taka þvottahúsið í gegn í gær. Byrjaði ekki fyrr en seinnipartinn svo ég tók helminginn, þann sem tekur lengri tíma, í kringum innréttinguna og þvottavélina og svona. Það er allt þrifið, líka þvottavélin og þurrkarinn - ryksugað mesta úr þurrkaranum þar sem allt safnast saman sem étið er úr tauinu. Geri það reyndar nokkrum sinnum á ári. S...

Var léleg í maí og júní - er að reyna að bæta fyrir syndir mínar gagnvart ferfætlingum heimilisins. Aldrei hefur mér þótt það leiðinlegt, er samt löt stundum og langar að gera annað eða er bara mjög busy í alls konar. En leiðinlegt er það ekki. Þegar maður fer á hverjum degi út með loðbolta þá yrði það ansi þreytt að ganga sama hringinn endalaust. Þannig að það gerum við ekki. Í þessari viku var línuskautað, hlaupið Gengið upp á Úlfarsfell og hlaupið niður Gengið í Mos ...  og hundum sleppt lausum í hundagerðinu smá stund. Þá fengu þau aðeins meira en 5 km. og svo hjólað Eins gott að hafa þetta skemmtilegt :) Smásaga. Þegar ég sleppti hundunum í hundagerðinu í gær þá hlaupa þau ekki lukkuleg út um allt. Neibb þau sjúga hvern einasta fermetra í upp í nefið... eða alla vega alla lykt úr gerðinu. Rölta í rólegheitum og þefa og þefa og þefa og þefa og þefa... og þefa. Svo var Ronja búin að tékka á öllu gerðinu og veit sennilega hvaða hundar hafa verið þarna undanf...

Byrjaði í fyrrakvöld á nýja prjóninu mínu Það sem ein kona getur vandræðast með að fitja upp og telja tæplega 200 lykkjur. Passa svo að þegar byrjað er að prjóna að flækja ekki hringinn þannig að flíkin verði snúin. Ég þurfti að telja 4x til að vera viss - skoðaði prjónin vel áður en ég óð í lykkjurnar EN samt þurfti ég að byrja upp á nýtt. Mér tókst að hafa prjónið snúið og þegar ég reyndi að laga það missti ég niður endalykkjuna og fann ekki út úr að redda mér. Svo ég rakti hringinn upp og fitjað upp aftur. Í þetta sinn tókst að hefja verkið skammlaust. Þegar ég byrja á svona verki þá er horft á eitthvað í sjónvarpinu sem maður þarf ekki að fylgjast með. Svo í gærkvöldi gat ég horft á eina bíómynd sem ég missti af um helgina og gat þá haldið verkinu áfram. Þannig að þetta mjakast. Svo er bara að vera dugleg að horfa á sjónvarpið næstu daga eftir að hafa verið úti í garði á daginn, hreyfa hunda og allt annað sem tilfellur fyrir utan vinnu... jú ég þarf að vinna líka - það ge...

Þegar maður á husky hunda þá er toppurinn að fara á sleða með nokkra slíka fyrir framan, algjörlega toppurinn. En þar á eftir eru línuskautar málið - það er hrikalega gaman. Ég er samt pínu rög. Ég er voða dugleg að hugsa fram í tímann og reyni að koma mér ekki í aðstæður sem ég ræð ekki við. Því fer ég oft hægar yfir en aðrir, ég kæri mig ekki um að geta ekki stoppað í 90°beygju ef maður brunar í fangið á einhverjum sem maður sá ekki. Eða geta ekki stoppað í brattri brekku af því hraðinn er orðinn of mikill o.s.frv. En þegar vegurinn er beinn og breiður og maður sér vel fram fyrir sig, þá er ég alveg á því að gefa vel í og þjóta áfram. Ég er örugg með Ronju, hún er svo létt og meðfærileg. Við vinkonurnar erum alveg með hvor aðra. Við kunnum á hvor aðra. Hins vegar er hún orðin eitthvað gömul í kroppnum og 10 km eru of mikið fyrir hana. Hún er spræk 5 km en eftir það eru hún orðin hæg og dregst jafnvel aftur úr, svo það er betra að hlífa henni við svona. Ég ræð verr við rakka pja...

Ákvað í vetur að prjóna á sjálfa mig lopapeysu. Hef tekið minn tíma í það eins og venja er. Spurning um að setja markmið um lok verkefnis þegar ég byrja á svona. Því annars bara geri ég þetta svona þegar ég nenni og langt líður á milli sem ég gríp prjónana. Oftast vegna þess að ég er þá ekki að horfa á sjónvarpið mikið, það er venjulega þá sem ég prjóna, eða vegna þess að ég er þreytt eftir daginn og orka ekki að gera neitt. Svona leit þetta út 2. júní. Mér fannst ekki gaman að gera þetta munstur - ekkert erfitt, en ekki skemmtilegt. Kemur ágætlega út samt. Hér er hún svo tilbúin, þvegin og þurr... en ég pressaði hana samt svo nú er hún tilbúin til notkunar. En hugsa að ég geymi aðeins að sporta mig í henni því það er bara ansi heitt á landinu bláa þessa dagana. Best að njóta þess á meðan hægt er... á milli þess sem maður lemur af sér helv... bitmý. Hér sést mynstrið betur - þetta er uppskrift úr LOPI Óveður blaðinu. Heitir Balahvít. Og hún smellpassar svona fínt - alls...