Míkrósaga

Hér sit ég og er með smá tölu yfir manni mínum, svona um lífið og tilveruna og hvernig ég geri hlutina og svona. Nei ég var ekki að lesa yfir honum eða með skammarræðu - bara svona að velta einhverju fyrir mér. En fékk ekkert svar neitt samt, fannst þögnin heldur mikil eitthvað, átti von á smá viðbrögðum. Þó ekki væri nema svona "já" eða "mhmm" eða "svona er fólk misjafnt" eða eitthvað slíkt. Ég leit þá upp frá tölvuskjánum og sá hann með tölvuna í fanginum að vinna... með headphones á eyrunum og ég heyrði þá í tónlistinni líka. Svo hann heyrði EKKERT í mér og svaraði því eðlilega engu. Svona er þetta með fólkið á heimilinu mínu, þetta er mjög algengt vandamál. Þau eru öll búin að slökkva á mér. það er ekkert skrýtið þó ég einbeiti mér bara að því að spjalla við hundana mína. Þau hlusta alltaf á mig þó viðbrögðin séu stundum lítil og þau haldi bara áfram að kúra sig, nokk sama hvað ég röfla. En þau heyra alla vega í mér samt :o) Later

Ég bara verð, þetta er of fyndið. Stundum er sagt "Like father like son" eða börnin gera það sem fyrir þeim er haft. En nú hefur þetta pínu snúist við :o) Hér er þetta "Like daughter like father" og faðirinn tekur upp siði dótturinnar. Þannig er að þegar KBB fer í sturtu eða bað þá tekur hún iðulega bleika geislaspilarann með sér og blastar einhverri tónlist sem heillar hana í það skiptið. Faðir hennar var að uppgötva snilldina og tók með sér tónlist í sturtuna núna. Mér þykir leitt að hann tók nú ekki bleika geislaspilarann með sér, sem er þó eini geislaspilarinn í húsinu. Hann er aðeins tæknivæddari en það, setti bara hátalara í samband við símann sinn og hann er góður. Ég verð sennilega drepinn eftir að hann les þessa færslu, en ég ætti að ná einum góðum göngutúr alla vega áður. Er á leið út og verð farinn þegar hann er búinn. En sennilega næ ég nokkrum dögum því hann les ekki bullið í mér daglega... fær nóg beint í æð hérna heima bara LIVE. Later (if I live)

Prjónaði mér peysu í vetur. Var heldur lengur að klára hana en ég ætlaði. Á það til að geyma svona verkefni ofan í tösku vikum saman og prjóna svo smá og geyma aftur. Algjör vitleysa en samt virðist mér takast að hafa þetta svona. Alla vega þegar ég loksins kláraði flíkina kom í ljós að peysan er svona fimm sinnum of stór á mig. Í samráði við móður mína ákvað ég að þvo hana stutt á 30 gráðum og þæfa örlítið og sjá hvort það myndi virka. Mér fannst það nú ekki þegar ég rétt henti mér í hana eftir að hafa þvegið og látið þorna. En svo kom í ljós að þetta sleppur. Þannig að ég get sportað mig í fínu peysunni minni og nota nú loksins brúnu stígvélin sem ég hef átt lengi en lítið notað. Kemur helst til af því að ég er alltaf í gráum eða svörtum yfirhöfnum. Þetta slapp fyrir horn. Sem betur fer því ég var á leiðinni í að þræða sjoppur og skyndibitastaði í öll mál. Bara franskar og sveittir borgara, pylsur og þess háttar fæði þar til ég myndi passa í flíkina. Ætla að passa næst er ég geri svo...

Það hefur sennilega bara ekki gerst áður að frú ég (sem er víst ekki frú lengur) skili skattskýrslu áður en frestur rennur út. Og oft hef ég náð mér í aukafrest. Ákvað að drífa þetta af núna og mér til mikillar ánægju var þetta svo hrikalega lítið mál að það er skömm að því að vera að fá aukafrest eða mikla þetta fyrir sér. Alla vega ef maður er ekki að selja eða kaupa eignir á árinu eða braska með hlutabréf eða eitthvað slíkt. Hér hefur allt verið rólegt í slíkum málum og því búið að fylla allt út fyrir mann. Bara tékka hvort það séu ekki öll lán og eignir og laun skráð og dæmið dautt. Ég þurfti ekki að breyta neinu. Rétt aðeins að fylla út fyrir KEB, þar er ekkert forskráð. Lítið mál því hann var búinn að fá launamiðana sína. Ég hugsa til þess með hryllingi þegar ég þurfti að fylla út fyrstu skýrsluna mína - allt á pappír... fyrst handskrifa og reikna allt út, svo vélrita, já VÉLRITA, allt upp til að hafa snyrtilegt. Hendast svo með blöðin á Tryggvagötuna og setja í lúguna fínu þar s...

Ég og KEB höfum átt ágætis samleið í tónlist í gegnum tíðina. Ég hef ekki pirrað mig á því að hann hafi spilað hátt leiðinlega og erfiða tónlist sem öldruð móðir hans á erfitt með að hlusta á. En um daginn bankaði ég hjá honum, opnaði hurðina, horfði á hann og sagði "ég fíla mig pínu eins og unglingamamma núna". Drengurinn glotti aðeins og spurði "á ég að lækka?" Ég þáði það og lokaði aftur. Núna er verið að blasta tónlist sem ég kann ekki að meta en þar sem þetta er gert sjaldan þá læt ég mig hafa það. Vona bara að okkar leiðir liggi aftur saman í tónlistarvali því það er svo gott að hafa smá stuðning á móti feðginunum :o) Þau eru fáránlega samtaka í vali á tónlist, já eða svona oftast alla vega. Ferlega krúttað :o) Hins vegar þoli ég vel (og pabbinn líka) að heyra drenginn æfa sig og æfa á klarinettið til að ná "the flight of the bumblebee". Það er mjög erfitt en hann ætlar að ná því einn daginn og er byrjaður að reyna og gengur bara ljómandi ágætlega fi...

Hraðskreiðasta sleðahundalið á landinu í dag :o)

Hef ekki tíma til að rita niður langloku að hætti sjálfs míns núna... læt nægja að segja að hér búa ÍSLANDSMEISTARARNIR í hundasleðaakstri ! BH kom sá og sigraði á Íslandsmeistaramóti Sleðahundaklúbbs Íslands. Fimm kílómetra braut og níu lið sem kepptu ýmist með tvo eða fjóra hunda. Það munaði þremur mínútum á fyrsta og öðru sæti svo þetta var engin spurning. Hundarnir sem sáu um að draga sleðann voru Hríma, Ronja, Siska og Úlfur. Við erum að tala um vel æft og flott Siberian Express lið :o) Þetta hefði ekki verið hægt nema fyrir samvinnu okkar allra sem stöndum að liðsheildinni. Svo við tökum okkur öll smá hluta af sigrinum þrátt fyrir að kúskurinn eigi heiðurinn af því að drífa liðið áfram í markið á stystum tíma. Olga tók svo tvo kílómetrana og var í öðru sæti með Úlf og Sisku. Þau voru svo flott saman og hefðu tekið þetta ef ekki hefði komið smávægileg truflun í brautinni sem verður skellt á vélsleðagengið sem Úlfur kannaðist svo vel við lyktina af og langaði voða mikið til að heil...