Míkrósaga

Setti inn myndir af villidýrinu mínu henni Ronju á flickr síðuna mína :o)

Sigurjón afi minn kvaddi í dag í hinsta sinn! Afi var hörkukarl og sá eini sem fékk litlu mig til að skjálfa og hlýða þegar ég var óþekkur krakkakjáni. Og það var víst ekki svo sjaldan :o/ Öllu mildari var hann við skottin mín tvö, hann og KBB voru ansi góð saman. Honum þótti svo gaman að fá okkur í heimsókn og bauð skottunni ósjaldan upp á epli sem hann skar ofan í hana. Á meðan var KEB í fimleikum en fékk sinn eplaskammt þegar hann var með í för :o) Þrátt fyrir að hann hafi kvatt okkur þá lifir minningin um hann ennþá og mun gera lengi :o) †

10 ára dóttir mín er alveg með það á hreinu (eins og móðir hennar áður) að ef hún nær sér í mann þá verður hann hærri en hún og eldri - alla vega einu ári. Svona er þetta innbyggt í okkur. Hún fór aðeins í flækju þegar ég sagði henni að Amma hennar ein er nú eiginlega hærri en afinn og önnur amma eldri en sá afi sem hún er gift. Þetta breytti samt ekki hennar afstöðu. Hærri og eldri skal hann vera. Ekki mikið eldri bara svona árinu kannski. Gat eyðilagt það fyrir henni líka og sagði henni að einn afinn er töluvert eldri en sú amma sem hann er giftur. Þetta var aðeins hugsað en breytti í engu hennar áformum um væntanlegt mannsefni. Svo sjáum við bara hvað setur - við skulum vona að hún verði ekki svo ákveðin að hún missi af hinum eina sanna vegna einhverra ímyndaðra staðla sem verður að fara eftir. Ég fór í Álafoss hérna í kvosinni um daginn að kaupa lopa í peysuna fyrir gaurinn minn. Er ég gekk frá bílnum að búðinni þá kom þar að móðir með litla pjakkinn sinn. Sá var uppveðraður yfir t...

Við komin heim úr Skorradalnum eftir vel heppnaða helgi. Sól og blíða alla helgina og við vel bökuð. Krakkarnir voru út á bát meira og minna sunnudag og mánudag. BH, SBK og pabbi sáu um að þeyta þeim þarna um allt vatnið. KBB sat á blöðrunni og var dregin um allt en KEB prófaði sjóskíðin í fyrsta sinn og stóð svona líka fínt. Þurfti aðeins tvær tilraunir og hann var góður. Varð aðeins fyrir aðkasti því hann átti það til að sleppa annarri hendi og laga hárið á undarlegustu tímum, það þótti frekar fyndið. Hundarnir hegðuðu sér súper vel - Týri minn var ekki eins mikið á urrvaktinni og venjulega. Lét aðeins svona í sér heyra öðru hvoru en bara svona til að minn á sig. Ég endaði með þau öll í göngutúr í gær á meðan hinir skemmtu sér á bátnum. Það var frekar skrýtin sjón greinilega því ég fékk heilmikla athygli, stöðvaði fótboltaleik, kaffiboð og gönguferðir fólks. Tveir toghundar í bandi og svo Týri sem er nú ekkert vanur að vera í taum. En þetta gekk nú ágætlega, það var helst snúið þegar...

"Hvenær förum við á þjóðhátið mamma?" Og hann var að meina það líka - Við KEB vorum að keyra heim eftir að ég sótti hann í vinnuna kl. 16. Jamm - gerði honum alveg ljóst að hann fengi ekki að fara einn á þjóðhátíð í eyjum fyrr en hann yrði 18 ára og það væri þá útrætt núna, þurfum ekkert að ræða það aftur. En sagði jafnframt að kannski væri bara gaman ef við fjölskyldan færum einhvern tíman saman. Hann sættist á að það væri bara ágæt hugmynd. Gef honum 2 ár og þá verður þetta hallærislegasta uppástunga sem ein mamma getur látið sér detta í hug! Fórum í árlegt garðpartý til Eddu í dag - boðað með einum og hálfum tíma í fyrirvara. Við skemmtum okkur vel og krakkarnir enn betur, þau bíða spennt á hverju sumri og alltaf er jafnmikið fjör. Verslunarmannahelgin er plönuð - verður eins og í fyrra og árin þar á undan. Skorradalurinn er áfangastaður okkar að venju og við hlökkum mikið til. Vonandi verður allt liðið þarna og við eigum eftir að hafa það gott saman. Við verðum sjö mannfó...

Eða það finnst drottningunni alla vega. Hún fór í klippingu í morgun og lét taka vel af englahárinu sínu. Held að það hafi fokið einir 20 cm, hárið nær niður á mitt bak en ekki niður á rass eins og í morgun. Þetta var orðið nauðsynlegt því það var orðið frekar slitið í endana og erfitt fyrir hana að halda því fínu. Íris spurði líka hvort hún fengi oft hausverk og ég varð að játa því og það getur að sjálfsögðu verið rétt. Nú bíð ég spennt eftir að sjá hvort daman kvarti minna um hausverk en áður. Hún er náttúrulega með svakalega þykkt hár krakkinn. Þess vegna var tekið vel af því og klippt í styttur líka. Jamm 10 ára stelpan komin með unglingaklippingu og er alsæl. Stytturnar eru samt þannig að auðvelt er að safna jafnsíðu aftur og ekki klippt stutt við andlitið - allt gert í hófi. Hún svona spriklandi lukkuleg með þetta og mamman ánægð með hversu mikið léttara verður fyrir barnið að þvo og greiða hárið. Hún talaði við Lilju ömmu sína í síma og sagðist vera með fréttir, hún hefði látið ...

KBB var mætt klukkan 7:30 í morgun í Austurbæjarskóla ásamt fullt af flottum krökkum. Þau voru þarna saman komin til að taka þátt í senu í kvikmyndinni Bjarnfreðarson. Þetta var svona alvöru, hár og förðun og búningar. Ég sá hana því miður ekki í hennar múnderingu en þau voru öll klædd í anda 1973. Hún skemmti sér mjög vel og er voða ánægð með að hafa fengið að taka þátt. Nú hlakkar okkur bara til að sjá myndina þegar þar að kemur en fyrst horfum við á Fangavaktina - vonandi alla vegar :o) Later