Þetta er allt að gerast - búið að ná í sláttuvélina og garðhúsgögnin upp á loft í bílskúrnum. Búið að slá grasið. Nú þarf ég að bera á stólana og borðið og ætla líka að sulla á pallinn smá viðarvörn. Svo þarf að græja blóm í pottana - nenni ekki í beðin alveg í bili. Og aðalmálið - BÚIN AÐ KAUPA GRILL - jább, það verður grillað í sumar. Gamla grillið var alveg búið að gefa upp öndina - það loga bara eldar á þremur stöðum. Þannig að það er hægt að kveikja í kjötinu til að elda það. Ekki alveg að virka. Svo þegar maður lokar fyrir gasið þá þarf maður að blása á síðustu logana svo þeir slokkni alveg.
Alveg sama hvað ég reyndi að lappa upp á greyið það var bara orðið gamalt og ekkert hægt að laga það neitt. Enda veit ég ekki hvernig útlitið á grillinu, sem ég var alltaf að laga, ætti að hafa áhrif á matseldina sjálfa? Reyndar skipti ég um steina líka og það allt en þetta var bara ekki að ganga. Lifi ekki annað sumar án þess að grilla oft og mikið :o)
Þannig að afmælisgjöf okkar hjóna til hvors annars kemur í hús á morgun samansett og heimkeyrt - hlakka mikið til. Gamla grillið verður kvatt í kvöld og notað í hinsta sinn. Ætlum að grilla pylsur og fá skemmtilegt hundafólk í heimsókn. Smá myndakvöld frá Vatnajökulsferðinni!
Litla drottningin mín ætlar að mæta á skólaslitin hjá tónlistarskólanum á eftir. Hún fær viðurkenningu fyrir að hafa lokið 1.stigs prófi á fiðlu og svo var hún beðin um að spila líka lagið sitt.
Hún spilaði á tónleikum um daginn frumsamið lag. Svava vinkona hennar spilaði undir á píanó og Katla vinkona hennar las textann sem KBB samdi við lagið. Svo spilaði litla mín lagið sitt á fiðluna sína. Þetta vakti lukku og athygli. Skólastjórinn bað því um að þær stöllur myndu flytja atriðið sitt á skólaslitunum á eftir :o)
Yndislegur dagur og yndislegt veður - fór ekkert í dag að vinna í ritgerðinni minni. Smá þröskuldur, þ.e. búin með það sem ég ætlaði að klára og nú þarf að skipuleggja sig aftur og meira. En það er bara svo gott veður - spá í að skrifa kennaranum bréf og útskýra að það sé komið SUMAR og ég mikið spennt fyrir garðinum mínum þá. Sérstaklega í svona góðu veðri. Ég er ekki viss um að ég fái mikla samúð og enn vissari að ég fæ enga samúð frá skattinum sem heimtar sitt í byrjun júní :o/
Þarf eitthvað að fara að skipuleggja þetta vel og vandlega og vera dugleg og klára þetta allt saman bara :o) Svo er spurning hversu miklu ég fæ ráðið um minn tíma í sumar, það verður bara að koma í ljós :o)
En nú ætla ég að gera tilbúið fyrir kvöldið og drífa mig á skólaslitin og dást að fallegu dóttur minni !
Later
Alveg sama hvað ég reyndi að lappa upp á greyið það var bara orðið gamalt og ekkert hægt að laga það neitt. Enda veit ég ekki hvernig útlitið á grillinu, sem ég var alltaf að laga, ætti að hafa áhrif á matseldina sjálfa? Reyndar skipti ég um steina líka og það allt en þetta var bara ekki að ganga. Lifi ekki annað sumar án þess að grilla oft og mikið :o)
Þannig að afmælisgjöf okkar hjóna til hvors annars kemur í hús á morgun samansett og heimkeyrt - hlakka mikið til. Gamla grillið verður kvatt í kvöld og notað í hinsta sinn. Ætlum að grilla pylsur og fá skemmtilegt hundafólk í heimsókn. Smá myndakvöld frá Vatnajökulsferðinni!
Litla drottningin mín ætlar að mæta á skólaslitin hjá tónlistarskólanum á eftir. Hún fær viðurkenningu fyrir að hafa lokið 1.stigs prófi á fiðlu og svo var hún beðin um að spila líka lagið sitt.
Hún spilaði á tónleikum um daginn frumsamið lag. Svava vinkona hennar spilaði undir á píanó og Katla vinkona hennar las textann sem KBB samdi við lagið. Svo spilaði litla mín lagið sitt á fiðluna sína. Þetta vakti lukku og athygli. Skólastjórinn bað því um að þær stöllur myndu flytja atriðið sitt á skólaslitunum á eftir :o)
Yndislegur dagur og yndislegt veður - fór ekkert í dag að vinna í ritgerðinni minni. Smá þröskuldur, þ.e. búin með það sem ég ætlaði að klára og nú þarf að skipuleggja sig aftur og meira. En það er bara svo gott veður - spá í að skrifa kennaranum bréf og útskýra að það sé komið SUMAR og ég mikið spennt fyrir garðinum mínum þá. Sérstaklega í svona góðu veðri. Ég er ekki viss um að ég fái mikla samúð og enn vissari að ég fæ enga samúð frá skattinum sem heimtar sitt í byrjun júní :o/
Þarf eitthvað að fara að skipuleggja þetta vel og vandlega og vera dugleg og klára þetta allt saman bara :o) Svo er spurning hversu miklu ég fæ ráðið um minn tíma í sumar, það verður bara að koma í ljós :o)
En nú ætla ég að gera tilbúið fyrir kvöldið og drífa mig á skólaslitin og dást að fallegu dóttur minni !
Later
Ummæli