Míkrósaga

Aulaði út úr mér um daginn að 31. apríl - þá eitthvað sem ég man ekki lengur. Uppgötvaði strax að sennilega er enginn 31. apríl - því miður gerðu þeir sem á hlustuðu sömu uppgötvun. BH greip þetta eins og skot og sagði öllum að hann ætti nú einmitt afmæli 31. apríl. Hann á sem sagt afmæli á morgun og við tölum bara um afmælið 31. apríl. Á morgun er planið að að fjölskyldan leggi á Esjuna í smá morgungöngutúr með nesti og nýja skó, já eða nesti alla vega. Ég er nú ekki allt of spennt þar sem ég veit að dóttir mín er ekki duglegasti göngugarpurinn, þrátt fyrir að bróðir hennar sé steingeit - ekki í því stjörnumerki heldur er óstöðvandi gormur með óþrjótandi orku. Ég veit ekki hversu dugleg ég verð - planið að taka því rólega þarna upp og sjá til. Later

Var að lesa bloggið hennar Svövu þar sem hún segir frá því að vera á brókinni þegar hún tók á móti (óvart) konu að lesa af mælum. Minnti mig á þegar ég lenti í svipuðu á hóteli á Sharm El Sheikh, í Egyptalandi. Það var hins vegar öllu verra - ekkert handklæði eða neitt þannig að bjarga málunum og það í landi múslima sem hylja konur sínar frá toppi til táar, alla vega margir þeirra. Þetta hótel var ekkert slor - fimm stjörnu dæmi og þar af leiðandi skipt um rúmföt tvisvar á dag - eða alla vega búið um tvisvar á dag. Það vissi ég ekki - ég er ekki vön svona fínheitum. Þetta er sennilega gert af þeirri einföldu ástæðu að hitinn er 50°C, alla vega í sólinni, fólk leggur sig eftir daginn og svitnar örugglega slatta. Við BH vorum ekkert í því að leggja okkur samt - allann daginn að kafa og svo bara slaka á eftir það í rólegheitum. BH fór í sturtu seinnipart dags á meðan ég sat úti á svölum í bikini (nærfötum nánast náttúrulega) að lakka á mér neglurnar að hafa það huggulegt. Þá er bankað - y...

Alls staðar þar sem við komum eru mótmæli og lögreglan í bakgrunni í samtölum fólks - líka þó þau eigi ekkert við. Við fórum til Lilju í gær og grilluðum með bræðrum BH og fjölskyldum. Mikið fjör að venju. Húsmóðirin sem er ofvirk eins og flestir vita var búin að baka pönnsur í eftirrétt fyrir liðið. Ég lét hana vita að þegar ég dey eftir einn svona sameiginlegan kvöldverð úr ofáti þá verður það henni að kenna. Ekki mér þó það sem ég sem innbyrði allan matinn. Pönnukökurnar voru komnar á borðið, BH fyrstur til að tryggja sér rjómasprautuna. Eitthvað stóð gripurinn á sér og hann efaðist um að móðir hans hefði sett gashylki í græjuna. DH bakkaði móðurina upp og taldi víst að það hefði hún gert. Þetta var eitthvað flókið og BH var að græja þetta og reyna fá rjóma á pönnsuna. Þá var bara eitt að gera - aðeins eitt. Svo ég gargaði yfir alla GAS GAS GAS - og rjómasprautan virkaði fljótlega eftir það. :o)

Búin að vera úti í garði eftir hádegi í dag í góða veðrinu. Hamast við að taka ruslið úr beðunum, ekki veitir af. KEB var búinn að fara einn hring og taka rusl, það var fullur svartur ruslapoki. Ég fór svo og rakaði laufin úr beðunum, rakaði grasið í gær. Það eru komnir 11 svartir ruslapokar hérna fyrir utan núna eftir helgina. Ég er ekki búin með 1/4 af garðinum samt. BH klippti trén í gær og í dag. Eigum eftir að koma okkur í það að taka niður eins og eina eða tvær aspir fljótlega líka. tökum niður á hverju ári risa tré, höldum alltaf að nú sé nóg komið en það sér ekki högg á vatni og áfram höldum við. Það er mjög gaman að horfa hérna út þar sem búið að er að þrífa beðin. Nú er bara að halda áfram og vera dugleg. Hlakka til þegar grasið verður grænna og hægt verður að slá hérna úti, þá fyrst verður túnið almennilegt. KBB sett netið fyrir badminton hérna út í gær, þau fengu það í sumargjöf í fyrra. Við mæðgur skemmtum okkur vel að spila smávegis. Hún var bara nokkuð góð í þessu. Verst...

Sat í fyrradag að vinna í ritgerð hérna heima. Kveikti á beinni útsendingu frá mótmælunum á Suðurlandsbraut. Hef ekki skemmt mér svona vel lengi, þetta var allt svo súrealískt. Brjálaðist úr hlátri hérna ein heima inni í stofu þegar menn birtust í sovéskum (skilst að þeir hafi verið sovéskir) herbúningum. Kom í ljós að gaurarnir voru að dimmitera. Hef eins og aðrir fylgst með fréttum um atburðinn í sjónvarpi og blöðum, hlustað að misviturt fólk tjá sig í útvarpinu líka. Ég er alveg hissa á því hvað lögreglan fær á sig mikla gagnrýni. Kemur í ljós að you´re damned if you do and you´re damned if you don´t - frekar erfið staða. Fólk var að missa sig yfir því hvað lögreglan væri lin við þessa karla og þegar tekið er á þeim og þeir látnir hlýða þá verður allt brjálað. Á lögreglan bara að láta fólk valta yfir sig? Ég er viss um að í mörgum tilfellum hafi lögreglumenn tekið fullharkalega á einstaka fólki, en þegar svona ástand ríkir og á meðan það varir þá er erfitt fyrir þá að greina á milli...

Börnin mín gera sig breið í fjölmiðlum í dag - já eða kannski ekki fjölmiðlum, fjölmiðli öllu heldur. Já sko bæjarblaðinu, en fjölmiðill engu að síður. Dóttirin á forsíðu Mosfellings og sonurinn á baksíðu. Ekki litlu myndirnar heldur. BH vill meina að KBB sé eins og pókamontrass (Pocahontas) á myndinni. Hún greiddi sér sjálf þennan dag og fékk hugmyndina að greiðslunni fínu úr galdrastelpublaði, mömmunni finnst hún flottust :o) Hægt er að kíkja á myndirnar á mosfellingur.is

Með 24 Stundum í dag fylgdi lítill miði um ratleik í Reykjavík á morgun sumardaginn fyrsta. KEB spurði hvort við gætum kannski tekið þátt. Varð að hryggja hann með því að systir hans ætlaði að taka þátt í móti hjá Fáki á morgun, Harpa ætti afmæli og svo eru hátíðarhöld hérna í bænum sem kannski væri gaman að taka einhvern þátt í. Hálftíma seinna þegar systur hans þóknaðist að vera komin á fætur og sest við matarborðið rak hún augu í þennan sama miða. Spurði hvort við gætum tekið þátt, las á miðann um baðströnd í Reykjavík og tjáði móður sinni að þetta væri þarna Nautalund - en leiðrétti sig strax og hló í leiðinni því hún fattaði strax að þetta hljómaði eitthvað ekki rétt. Reyndi smá stund að finna Nauta- hitt og þetta á meðan mamma hennar hló sig máttlausa yfir baðströndinni Nautalund í Reykjavík. Later